｜美容．新品試用｜試用韓牌「彤人秘」完美防曬霜．體驗紅蔘神奇護膚功效！

Nic一向都鍾情韓國既美容產品，
尤其護膚品特別適合自己既膚質！
所以經常搵新野試用，
今日又有新野介紹俾大家，
HERE WE GO！

出trip之前我就收到一個新冒起既韓國美容品牌「彤人秘DONGNBI」既產品，
淨係見到個PACKAGE就已經覺得係矜貴野~XD
因為佢係一支有「紅蔘」成份既防曬霜！

撞啱機會有得去韓國，
所以就抽個時間親身去專門店睇一睇佢地D產品！

呢度就係賣「彤人秘」既專門店……!!!

「正官莊」？！賣人參果間？！

對，對！真係無錯～

「彤人秘」係大有來頭架!!!!!

因為佢係韓國紅蔘代表「正官莊」旗下研發既韓方美容品牌~
其紅蔘護膚品能使皮膚由內而外變得水潤，
又能提高肌膚免疫力，
是市面罕見的韓國治癒護膚品牌。

老老實實喇~行etude house、innisfree……就多
「正官莊」Nic真係甚少入去XP
不過為左去尋訪「彤人秘」的真身，

勇氣就自然湧上黎喇~

入左去就見到「彤人秘」既counter啦，

雖然唔係好大型，

但都放滿左唔同系列既護膚品，

有補水、美白、抗皺、防曬同男士系列。

聽售貨職員講每一款「彤人秘」的護膚品都含有6年根紅蔘成份，

可能大家都會好奇咁問~點解紅蔘一定要用6年既?

1年、7年、8年唔得咩?!

一問之下先發現原來6年根紅蔘真係最好架，
係眾蔘之中擁有最佳的狀態以及模樣，

其高純提取物可以回復皮膚原有活力，
從根源細胞修復以改善肌膚，

能從根本增強肌膚免疫力，
使肌膚產生惊人變化，擁有超強既神奇護膚功效。

另外品牌既代言人亦都令我印象深刻呢！

佢地邀請到韓國大美人金喜善擔任代言人~

她真的好美啊~
無論氣質同形象都好MATCH「彤人秘」

我只係逗留在韓國短短一星期，

無論我在電視、坐地鐵、上網都會見到佢地在既廣告出現！

果然好勁！

好喇好喇~講左咁多周邊野~

係時候講返正題>>>

呢支就係我要試用既

「完美防曬霜Red Ginseng Perfect Sun Cream SPF 50+ PA+++」！

講真喇~我真係唔知幾時開始~無用30度防曬產品喇~

可能依家d陽光真係好猛又好毒

普通防曬系數好似完全唔夠保護，

所以收到時見到係50度時就覺得好啱心水。

而打開個盒時就見到個樽身，

真係設計得好有心思，

 好似藝術品一樣~高雅又有品味，

同平時見開既款式好唔同。

「6年根紅蔘」係彤人秘既signature

當然防曬都唔會例外，

主要成份有紅蔘精，紅蔘皂甙，紅蔘膠原蛋白，
呢d成分可從外部有害環境開始給肌膚提供保護和活力，
優秀的持久性，對於長時間曝光在紫外線下的皮膚提供健康。

的確曬得多真係會好傷皮膚，
又黑又乾望落去仲會覺得老d，
所以要識得揀隻好既防曬保護自己先係上策！

而且研究結果證明了紅蔘中的主要成分——
紅蔘皂角苷對增強肌膚免疫活性，
改善皺紋有很大好處，肌膚重拾年輕狀態，
一支防曬有咁多好處~你話係唔係好正先~hahaa!!

擠出黎試下質感先！

顏色方面~BEIGE色澤，

有少少濃稠既感覺，

聞落去有種獨特高麗蔘香氣，

感覺幾RELAX。

當推開之後就覺得比起平日用開既防曬霜輕盈得多，

唔會好厚重，感覺真係有D似底霜~

因為我覺得塗完之後，

皮膚好似幾有光澤，

而且唔知係我諗多左定係真既呢~

我覺得塗左之後~皮膚好似真係白滑左…XD

摸上手幾柔軟幾水潤~

使用方法好簡單
每朝出外時前，完成基礎護理後，
取適量塗抹於全臉，
輕輕按摩拍打至吸收就可以了！

NicNic小TIPS!
因為面部係有輪廓既，
當中尤其顴骨、鼻頭、額頭比較凸出既地方，
最容易接觸得更多紫外線，
為左加強保護自己既皮膚，
我仲會重點加多少少防曬在呢d特別部位，
~咁先係無咁容易曬親！

用後感:

自從韓國返香港之後，
如果遇到唔想化妝既時候，
我都會用彤人秘既防曬霜～
因為感覺算係輕盈，
當係底霜咁用算唔錯！
而且個香味令我覺得幾舒服~
加上我知佢係正官莊既出品，
對佢地既紅蔘成分非常有信心。
既可以保護我d皮膚之餘，
仲可以令d皮膚有返d水潤光澤，
將D水份留住塊面入面。
即使坐飛機又好、乾燥既韓國天氣，
我D皮膚都完全無問題！
雖然我一向都唔係主張一定要貴野，
不過彤人秘的品質同成效係有信心既保證，
絕對用得過！
好喇又到俾分時間~有75分！

今次分享又差唔多~

下次再見喇~

售賣點：旺角朗豪坊L2 Beauty Avenue (Shop no. BA216)

WEBSITE： http://www.donginbi.co.kr/

以上產品由DONGINBI贊助。

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜美容．新品試用｜會結冰既防曬霜你用過未?!試玩韓牌THEFACESHOP Ice Air Puff Sun！

有邊個女人會唔貪靚先?

尤其當你身在美容產品天堂既韓國，

各大品牌既美妝商店遍佈每一個角落，

好似便利店咁~總有一間喺你附近……想扮睇唔到都幾難！

好容易就會俾佢地吸引住~

然後又好自動地打開銀包放底d錢
亂咁買一堆野走

真係好似俾鬼迷咁XDXD

平日Nic對防曬產品唔算特別有研究，

但喺月頭時~NicNic在韓國無意中經過THE FACE SHOP

就俾呢個有「-5℃」既廣告牌吸引住

等二，就見到好靚既秀智PROMOTE呢個新產品

「Natural Sun eco Ice Air Puff Sun SPF50+ PA+++」！XDXD…hahaha

於是我就好敗家地帶左佢返香港！

究竟「-5℃」同防曬有咩關係呢?!

答案就係秀智手上啦！

見佢拎住粒冰你就知~呢支防曬同凍感有關啦XD

Ice Air Puff Sun係一支冷卻型防曬產品，

賣點就係可以為肌膚體溫降低-5℃!!!!!

有效防止因熱燥而導致的皮膚老化問題。

同時還具有防止紫外線、改善皺紋、補充水分及美白功效，

更有自然膚色的上妝效果！真係好正~

既然買左返香港，一於去試下好唔好用先！

打開盒蓋就見到使用指南，

韓英對照更有圖案指示，

真係非常清晰！

估唔到入面有一個Extra樸樸俾我地REFILL！

有多一個做SPARE~

即使用舊左都可以有替換，呢下幾貼心！

擰開個樽蓋就會見到個粉撲喇~

個撲撲好舒服柔軟，

唔係「鞋烚烚」

正式開始用Ice Air Puff Sun之前，記得留意呢個「OFF/ON」制，

佢係用黎LOCK住支防曬…避免唔小心壓到佢就會噴出黎！

好啦好啦！開始試用啦~

STEP 1:將啡色樽頭從OFF擰去ON

STEP 2:上下搖勻

STEP 3:按下啡色樽頭(呢個時候會聽到一下噴氣聲XD)

STEP 4:拿起樽蓋就可以用啦！

(P.S.唔用既時候記得LOCK返支防曬先啊XD)

WOW~大家睇唔睇到個粉撲啊!!!!!!

上面真係有傳說中既「冰」架XDXD

原來就先我地按個樽頭~D冰凍防曬就會從呢個小孔噴出來，

好搞笑~

先試上手FEEL下先！

塗在我手上既一瞬間，

WOW~我真係FEEL到冰涼快感！

而且上左皮膚之後~

唔似一般防曬咁油笠笠。

顏色方面都幾自然~唔會好黃！

另外，呢個防曬既其中一個好處就係有個小粉撲，

用法就係好似我地平時用開既CUSION粉底咁~

一下一下印上皮膚就OK喇~

唔會整污糟隻手~都幾方便AR~

BTW,唔知係唔係心理作用問題，

個冰感好似真係KEEP到一陣~

起碼~全程上妝都係涼浸浸先~~HAHAA~~~

再試下塗上面先~
優點:
基本上面部大部份既位置都無問題，
有粉樸幫助印得都算幾均勻，
唔會一撻撻。
加上佢既質地都算幾薄，
唔會好厚~重複塗抹都唔怕！
而且因為凍凍地~肌膚可以減低-5℃以上的溫度，
一路上妝一路降溫~好舒服啊！^^

缺點:
因為防曬霜主要噴在粉樸既中間位置，
當想用側邊部份印在眼周邊、鼻翼時，
FELL到佢就D難就位，
唔可以直接將防曬落喺凹入去既位置。
而且佢始終唔係粉底類既產品，
所以遮瑕效果唔係話好強~
不過絕對可以令膚色望落均勻D~
基本修飾係OK既！
如果你平日只習慣用防曬唔用粉底既朋友，
Ice Air Puff Sun值得一試！

總結:
在炎熱的夏季，THE FACE SHOP呢支 Ice Air Puff Sun，
為熱辣辣的肌膚帶來一絲絲清涼感真係唔錯既！
又可以降溫，又可以防止紫外線，
既補濕又滋潤~
而且又有自然既上妝效果，
加上佢不含有合成防腐劑成分，
降低對肌膚的刺激，
敏感型肌膚既SIS都可以放心使用。
今次分數會有80分！

下次繼續再同大家分享
其他韓國美容產品心得吧！

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜美容．新品試用｜唔想夏天變燒豬，有HELIOCARE防曬乳液就唔駛驚啦！

WOW~HO~雖然夏天仲未到，

但Nic已經不斷同陽光玩遊戲!!!!

行山、野餐真係keep住咁去，

而且每次都曬到飛起，

真係唔用防曬都肯定曬到甩皮XDXD

唔可以唔承認戶外活動Nic一向都鍾意，

尤其年紀細d既時候，

一d都唔怕直接俾個太陽曬住，

亦都好少理咩係紫外線、咩係UVA、

或者會對皮膚有咩影響。

但奈何皮膚敵不過時間，

年紀越大……越曬得多，

面上既雀斑真係開始多左，

唔覺意曬一曬膚色也變得暗啞，

近年，都開始積極用防曬產品！

不過最近覺得呢排用開的防曬產品真只係適合冬天用，

如果要應付夏季最厲害的日曬和紫外線問題，

以及長時間戶外活動，

SPF 30既防曬真係唔多夠頂！

好彩，在入季前Neo Derm Beauty送左新既防曬產品俾我試下，

在剛剛既復活節試用左之後，

保護效果令我非常滿意，

唔會曬到我兩截色，

唔會變黑面神……hahaha!!!

立即想同大家分享下！

嘻嘻~我講既就係呢支西班牙品牌推出的

醫學抗曬專家HELIOCARE「活肌抗氧防曬乳液 XF SPF50」！

不過我揀佢當然係有特別原因，

第一，信科學&成份！

呢支防曬乳液內含一種很特別的抗曬配方，

就係「Fernblock®」啦！

可能大家都會問我咩係「Fernblock®」?XDXD

其實佢係一種由蕨類植物精華研製而成的配方，

經美國哈佛醫學院及世界著名皮膚學專家研究及證實

Fernblock®不但有效抗氧化及保護免役系統，

提升肌膚的抵抗力，更有效保護肌膚至DNA，

防止紫外線破壞真皮層，

更可促進受損DNA修復，

並提升纖維母細胞存活率達300%，

預防皺紋，維持肌膚彈性，對抗光老化，阻止衰老！

咁我就放心好多，

即使曬得多都唔怕皮膚變老！

真係好正啊！

揀防曬除左信科學數據之外，

當然就係要親身試下！

最初，我見佢防曬系數有成50度，

主觀地覺得佢一定會好油膩、好笠

又會好重太陽油味！

但一齊原來都係我既錯覺XDXD

先講質感先，

一擠出來就見到淺黃色的乳液，

觸感都很幼滑輕盈！

味道仲幾芳香，

清新香味令人身心RELAX，

同噴香水有異曲同工之效！

只需要2至3下後就推勻了，

而且唔算笠，

睇返D成份，原來佢地添加綠荼精華，不但強效抗氧，

而且更可以持久保謢及滋潤肌膚

具低敏感及抗粉刺配方，

又無泛白情況

非常適合我有少少敏感又怕會生粉刺既人用XDXD！

HELIOCARE活肌抗氧防曬乳液 XF SPF50

除左用來塗上面之外，

手啊、腳啊~總之你想保護既地方都可以使用！

咁就唔駛成日左避右避，

出出入入都要拎住把遮，

玩都玩到無癮啦！

最後送多2個「防曬小知識」大家！

第1，就係當出外活動時，

建議大家每兩至三個小時記得要去補塗防曬乳液！

咁樣就可以盡量保護到皮膚不被曬傷，

以免游泳、毛巾擦走、過度流汗及摩擦等情況，

影響防曬的效果。

第2，就係幾時要用SPF30以上?

幾時要用SPF50以上既防曬產品呢？

如果只係普通留在戶外地方，時間較短，

只要擦SPF30以上的防曬就可以了！

但係如果戶外活動的時間很長，

最好選用SPF50以上以上的產品。

另外，如果你係進行水上活動的話，

就可選擇耐水性佳的防曬產品；

如果有化妝習慣的朋友，

亦可選擇具調色功效的防曬產品。

希望呢2個小知識，

可以幫到大家夏天唔會變燒豬啦！XDXD

**Product Sponsor by HELIOCARE**

 facebook:  HeliocareHK

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung