NICONEKO

❤FACEBOOK FANSPAGE❤

2015/04/14

｜美容．新品試用｜敗家NIC試用報告．測試韓牌CLIO TINTED TATTOO KILL BROW好用度

NIC一向都係韓牌CLIO迷，

當然代言人亦都係令我特別喜歡佢地既原因！

無論係李孝利、DARA同今年既孔孝真都係我最鍾意既韓星藝人！

每次CLIO推出新品NIC都會特別留意，

最近，NIC就買左孔孝真介紹既TINTED TATTOO KILL BROW，

加上有GET IT BEAUTY推介，馬上入手！

不過經試用後……

滿意度係……60分！

坦然……今次我係有D失望，但又未至於好差，

好~等我馬上同大家分享佢既優點&缺點啦！

特然好想講提外話XDXD

我鍾意CLIO既原因，

就係佢D產品不定期都會有禮物送XDXD

例如買EYELINER會有MAKEUP REMOVER送、

MASCARA會有電熱睫毛器送、

今次呢款TATTOO眉筆就有電眉毛修剪器或者修眉組合送……等等，

但價錢絕對唔會因為送禮而貴左，真係好正！

不過好多時專門店送既禮物同WATSONS送既唔同，

決定買之前記得去睇清楚下啊！

返回正題，講返我點解會對呢支TATTOO眉筆有興建先，

其實佢係2合1既設計，

一邊就係好似MAKER既TATTOO PEN，另一邊就係染眉GEL，

感覺幾方便，買一支就可以夠掂成個眉妝！

睇介紹時話只需用MAKER眉筆直接勾畫眉型及填色，

然後再塗上染眉GEL就OK！

看似很簡單又易用…但係現實同理想好似有D差距=="

NIC一向都係用EYEBROW PENCIL來畫眉既，

不過顏色方面很多時會因為力度問題，

時深時淺都唔係太易控制，

試過用眉粉，但又好似好難處理眉型……

所以買之前一直對CLIO充滿期望！

呢款TINTED TATTOO KILL BROW眉筆比平時用開既眉筆的確係淺色好多，

畫上手時就覺得佢D墨水幾自然，

但……畫上眉時就覺得有D怪怪地，

因為覺得唔係太上色。

而且想畫心目中既理想眉型時

可能筆咀有點粗的原因吧……

想填補眉底沒有毛髮的位置時，

就好難畫得仔細

一個不留神就會畫得太粗，

眉尾…想修幼一點也不太容易，

上面我畫了2至3次先有色JA~

如果想畫一條好眉，真係要多花時間，

唔可以好似普通既眉筆咁快手！

佢都有好處既，

就係可以逐步加深D顏色，

唔怕一下子變做蠟筆小新XDXD

同埋佢係水狀既設計，

畫錯既話…用手指一抹就抹掉啦。

但係……亦都因為佢係水狀設計，

畫上去時，墨水又會分佈不平勻，

好易會一撻撻……

你睇上面張相就知道@O@

而另一邊既眉GEL，

我就覺得顏色算係唔錯，

亦都幾上色

不過佢支棒設計得有D短啊……

一掃落條眉度……好易整污糟周圍既地方>.<

所以用既時候，要加倍小心。

UMM~~其實呢支TINTED TATTOO KILL BROW叫得TATTOO，

就係因為佢話係WATERPROOF而且好似紋身咁唔易甩色，

試過用水來測試，

沖幾沖，用手指一捽，

淺色左好多，但又未至於甩晒，

又無想像中咁防水……

好啦~係時候要做個總結啦~

所以今次我俾呢支TINTED TATTOO KILL BROW 60分！

如果你當佢係新品想買返支試下，

絕對係無問題！

但係如果你好似NIC咁，

當初係因為覺得佢WORK易畫上色又方便……

可能你都會同我一樣有D失望喇~

我唔排除我未用慣佢，

所以效果無想像中咁好，

但係畫粗粗地既一字眉就完全無問題，

但如果你想畫纖細的幼眉可能要再努力練習多D先搞得掂XDXD

今晚既分享又差唔多，

下次再見！

❤EMAIL❤

nicnicheung@gmail.com

❤IG❤

❤FACEBOOK FANSPAGE❤

2015/04/09

｜美容．新品試用｜唔想夏天變燒豬，有HELIOCARE防曬乳液就唔駛驚啦！

WOW~HO~雖然夏天仲未到，

但Nic已經不斷同陽光玩遊戲!!!!

行山、野餐真係keep住咁去，

而且每次都曬到飛起，

真係唔用防曬都肯定曬到甩皮XDXD

唔可以唔承認戶外活動Nic一向都鍾意，

尤其年紀細d既時候，

一d都唔怕直接俾個太陽曬住，

亦都好少理咩係紫外線、咩係UVA、

或者會對皮膚有咩影響。

但奈何皮膚敵不過時間，

年紀越大……越曬得多，

面上既雀斑真係開始多左，

唔覺意曬一曬膚色也變得暗啞，

近年，都開始積極用防曬產品！

不過最近覺得呢排用開的防曬產品真只係適合冬天用，

如果要應付夏季最厲害的日曬和紫外線問題，

以及長時間戶外活動，

SPF 30既防曬真係唔多夠頂！

好彩，在入季前Neo Derm Beauty送左新既防曬產品俾我試下，

在剛剛既復活節試用左之後，

保護效果令我非常滿意，

唔會曬到我兩截色，

唔會變黑面神……hahaha!!!

立即想同大家分享下！

嘻嘻~我講既就係呢支西班牙品牌推出的

醫學抗曬專家HELIOCARE「活肌抗氧防曬乳液 XF SPF50」！

不過我揀佢當然係有特別原因，

第一，信科學&成份！

呢支防曬乳液內含一種很特別的抗曬配方，

就係「Fernblock®」啦！

可能大家都會問我咩係「Fernblock®」?XDXD

其實佢係一種由蕨類植物精華研製而成的配方，

經美國哈佛醫學院及世界著名皮膚學專家研究及證實

Fernblock®不但有效抗氧化及保護免役系統，

提升肌膚的抵抗力，更有效保護肌膚至DNA，

防止紫外線破壞真皮層，

更可促進受損DNA修復，

並提升纖維母細胞存活率達300%，

預防皺紋，維持肌膚彈性，對抗光老化，阻止衰老！

咁我就放心好多，

即使曬得多都唔怕皮膚變老！

真係好正啊！

揀防曬除左信科學數據之外，

當然就係要親身試下！

最初，我見佢防曬系數有成50度，

主觀地覺得佢一定會好油膩、好笠

又會好重太陽油味！

但一齊原來都係我既錯覺XDXD

先講質感先，

一擠出來就見到淺黃色的乳液，

觸感都很幼滑輕盈！

味道仲幾芳香，

清新香味令人身心RELAX，

同噴香水有異曲同工之效！

只需要2至3下後就推勻了，

而且唔算笠，

睇返D成份，原來佢地添加綠荼精華，不但強效抗氧，

而且更可以持久保謢及滋潤肌膚

具低敏感及抗粉刺配方，

又無泛白情況

非常適合我有少少敏感又怕會生粉刺既人用XDXD！

HELIOCARE活肌抗氧防曬乳液 XF SPF50

除左用來塗上面之外，

手啊、腳啊~總之你想保護既地方都可以使用！

咁就唔駛成日左避右避，

出出入入都要拎住把遮，

玩都玩到無癮啦！

最後送多2個「防曬小知識」大家！

第1，就係當出外活動時，

建議大家每兩至三個小時記得要去補塗防曬乳液！

咁樣就可以盡量保護到皮膚不被曬傷，

以免游泳、毛巾擦走、過度流汗及摩擦等情況，

影響防曬的效果。

第2，就係幾時要用SPF30以上?

幾時要用SPF50以上既防曬產品呢？

如果只係普通留在戶外地方，時間較短，

只要擦SPF30以上的防曬就可以了！

但係如果戶外活動的時間很長，

最好選用SPF50以上以上的產品。

另外，如果你係進行水上活動的話，

就可選擇耐水性佳的防曬產品；

如果有化妝習慣的朋友，

亦可選擇具調色功效的防曬產品。

希望呢2個小知識，

可以幫到大家夏天唔會變燒豬啦！XDXD

**Product Sponsor by HELIOCARE**

facebook: HeliocareHK

❤EMAIL❤

nicnicheung@gmail.com

❤IG❤

❤FACEBOOK FANSPAGE❤

2015/04/02

｜旅遊．韓國新玩點｜仁寺洞新玩意「愛來魔術相4D藝術館」點止3D咁簡單！So Funny！

好多朋友去韓國旅行都一定會plan一plan行程去仁寺洞玩，

睇傳統民族野、行下「人人」Ssamziegil商場shopping當然唔少得啦~

其實仁寺洞又點止得咁少野玩，
近排仲多左個新玩點！

就係「愛來魔術相4D藝術館」ALIVE MUSEUM啦！

仁寺洞一共有2間ALIVE MUSEUM，
一間係位於「人人」商場「仁寺洞Ssamziegil館」、
而另一間就係「仁寺洞本館」啦！
對於我地呢D識玩之人，
有得揀一定係去本館啦！
一共有2層咁多，
而且貪佢人流無Ssamziegil館咁多，
可以慢慢玩番夠本！

俾個地圖大家睇下先！
大家可以在安國站、鐘閣站、鐘路三街地鐵站途步行過去仁寺洞！
真係非常方便！

如果你選擇在「鐘閣站、鐘路三街站」落車去仁寺洞本館的話，

見到仁寺洞大街就一直行入去，

左手邊就會見到一間大型7仔，

然後望過對面街就係「仁寺洞本館」啦！

最初NIC還未親身去過ALIVE MUSEUM時，

就覺得佢地可能只係同弘大TRICKEYE差唔多~

都係3D畫作、立體公仔之類，

不過一黎到門口，

就發現成個感覺好唔同啦XDXD！

有好多好可愛既恐龍仔做呢間MUSEUM既吉祥物呢！

可愛得黎又有D傻氣~超搞笑！
無論係大朋友定係小朋友見到都一定會覺得好開心！

好啦~NicNic依家就入去啦！

經過左對門之後，

就會見到下面另有天地！

WOW!!!!

下面門口位就已經有個好大既WATER FALL迎接我地！

好興奮啊！

「玩樂MODE」要開動啦！

其實…呢個時侯我仲未正式入去架，

只係門口外面就已經謀殺左我唔少相機MEMORY……XDXD

因為ALIVE MUSEUM非常貼心，

在場館外邊準備左唔少有趣既PROPS俾未入去既朋友玩下，

「過下癮」先！

售票大堂非常寬敞闊落，

雖然那天是星期六，

不過因為我去的時候偏早，

大約12:00PM到達，

所以人流不算多，

唔駛擔心人頭湧湧的問題！

報告一下票價先！

成人:12000WON

13至18歲人士:11000WON

37個月至12歲兒童及殘疾人士:10000WON

36個月未滿嬰兒免費入場。

營業時間:0900-2230(截止入場時間:2130)

(P.S.係NIC既粉絲當然會有75折起優惠COUPON啊！

在BLOG的最後會告訴大家唷如果領取)

啊！給一個小TIPS大家，

如果你們想玩得輕鬆一點，

可以在大堂借用LOCKER收藏好自己既隨身物品，

沒有COINS的話，在售票處旁邊設有一部自動找換機，

真的非常方便！

P.S.不過LOCKER既數量唔算太多，

而且空間都係有限，

所以都係手快有手慢無啦XDXD

Nic最後都係選擇自己揹住背包入去！

正式開始玩啦！

令你有錯覺既3D畫作絕對是3D藝術館既MUST HAVE！

我又點會錯過呢！

不過只係得張畫又點可以稱得上4D藝術館呢?!

嘻嘻~當然唔係咁簡單啦！

睇下條片就知架啦！

實情就係在幅畫入面有個裝置……XDXD

只要一行埋去，

就會感應到你經過，

突然製造一股強風吹過來！

4D藝術館果然係唔同D！

除左有視覺、聽覺、仲有風吹既感覺啊！

真係要玩過先知過癮XDXD！

玩左D咁激既野~

又試下D斯文少少既先！

掀下少女條裙就算啦！XD

依!?!呢度係咩黎架?!

咁快就要落樓?!

一定有D古怪既

等我入去8下先！

WAH~推開門就知入面原來係咁CYBER架，

而且用左好多鏡面既反射效果，

好似去左另一個地方咁啊！

加上有強勁既音樂節拍加上燈光較果，

入左去之後完全唔知自己去左邊，

我轉左2個圈之後，都要定一定神先搵到出口啊！

不過有聲既藝術品又點止得呢個咁少……

就好似呢個咁，

牆上既洞洞就係關鍵！

入面有好多個假人既咀，

只要按上去就可以發聲啦XDXD

不過我個人覺得佢好似有DD肉酸……

諗起都覺得有D毛管戙

我都係玩返D正常少少既先！

7情上面既POSE我至拿手！

除此之外，也都有一些另類少少既玩意，

感覺有多d互動，

用手摸下個神燈就會感應到你心入面既想法XDXD

美女?!俊男?!MONEY?!BB?!

你估下……Nic個腦會出現邊個畫面呢?!?!

「愛來魔術相4D藝術館」大量運用左「玻璃」反射既效果，

就好似呢款咁……企在塊玻璃旁邊就可以影到好奇怪既POSE！

真係好騎哩啊XDXDXD

每間館都會有佢自己既主題，

呢間係仁寺洞本館，

富有仁寺洞特色既區域一定唔少得啦！

唔駛行出街去都可以影到好多街道上既風景！

不過重點都係下陷左既道路啦XDXD

唔覺唔覺原來已經玩完第一層啦，

再往下走去B2先！

沿途樓梯位置更有不同的視像錯覺畫掛在牆上，

考驗參觀者既眼力，

大家也不妨試試睇下，上面藍色果幅畫，

有無見到藍色圓點呢?!

去到B2樓層啦！

終於搵到呢幅經典畫作！

似乎個個黎親既朋友都一定會搵瑪麗蓮夢露影相留念！

自畫像啊！XDXD

Nic都畫返張到此一遊先！

而呢張superman係唔係好有動感呢！

秘密就係呢個後台啦，

我地只要將全個人伏在透明玻璃上，

鏡子就會將你既影像反射在下面既玻璃，

下面搵個朋友幫你影張靚相，

就可以拍出不錯的效果啊！

這個又像不像去了蟲洞呢！

我非常喜歡這個台階啊~

燈光效果讓人覺得置身科幻世界之中。

玩了一會，

大家也覺得有點累嗎?!

不妨可以進去「The Comma」之屋休息下吧！

大家可以躺臥在吊床上面，

與朋友傾下心事，

也可以將自己的煩惱、痛苦、傷心……等等

都寫在Comma紙條上面，

留在「The Comma」之屋內，

一齊拋開煩惱吧！

提提大家，如果想拍照效果好d~

記得穿淺色的衣服唷~

白色、淺粉紅也都看得很清楚！

視覺好玩之餘，

聽覺也不可以缺少！

不要以為我只是站在大型留聲機上拍個照那麼簡單，

原來是需要一直跑啊跑啊~

這樣才會發出聲音，

想聽晒成首歌，

真係少d體力都唔掂啊！

我覺得呢度同弘大3D TRICKEYE最唔同既地方，

就係佢地畫作更多一份幽默感，

令你不知道究竟係你玩緊佢，定係被幅畫玩你XDXD

不過只要你肯放開心情，

盡情去玩咁先可以令自己享受每一個快樂時刻！

當然好玩既野~點止咁少?!

留待大家去玩時再發掘啦！

當日NicNic就玩得好開心啦~

你地又有無興趣去玩呢?!

如果有興趣既朋友，

可以save低下面既coupon圖片，

然後print出來就可以享有75折起優惠啦！

p.s.「愛來魔術相4D藝術館」有4間分館咁多，

有時間既話不妨去晒咁多個地方啦XDXD

❤EMAIL❤

nicnicheung@gmail.com

❤IG❤

❤FACEBOOK FANSPAGE❤