｜美容．新品試用｜ 2度挑戰SK-II Magic Ring！肌齡真喺大逆轉！

大家記唔記得早前NicNic分享過出席SK-II全新美白產品

GenOptics Aura Essence肌源鑽光精華同

GenOptics Spot Essence肌源淨斑精華的發佈會呢?!

在活動上更用Magic Ring測試自己肌膚狀況…

（測試結果得24分，真喺低到嚇親自己…skin age竟然喺39歲Orz）

為了唔再俾自己皮膚一直差落去，我決定試吓將肌膚命運交托俾SK-II，

順便測試一下佢喺唔喺傳說中講到咁堅！

在一個月前，我的起心肝將舊的護膚品換走，

正式開始展開我的SK-II護膚之旅，一於跟足護膚程序做，試下得唔得先。

朝早：洗面後，先用SK-II的神仙水調理肌質，

希望可以提升番我的五大美肌度「細滑/緊緻/抗皺/白皙/光澤」！

跟住就用GenOptics Spot Essence肌源淨斑精華塗勻全面，

因為呢個精華在強烈紫外線照射下，可有效截停黑色素的產生，

同時減少可見同隱藏色斑，啱晒朝早用！

然後，再塗RNA RADICAL NEW AGE面霜，

將精華鎖在肌底，繼續修護肌膚，保持水潤透亮。

講少少提外話先，哈哈～
呢兩款精華的包裝設計都是全新的，
自動補充滴管設計，一扭瓶蓋，
每次吸管會自動填充足夠全面使用的份量，

既可以發揮最佳效果，又可以防止管內空氣令精華氧化，

超方便又貼心！

GenOptics Spot Essence肌源淨斑精華呈白色，
質感輕盈清爽，無油膩感，推開好順滑，
勁快被皮膚吸收，即使後續再塗其他乳霜都無咩負擔，幾好。

將淨斑精華塗勻完全面之後，

我習慣再喺顴骨同有暗瘡印嘅地方再補多一啲，加強去斑功效。

而夜晚同朝早一樣，
洗面後，先用SK-II的神仙水調理肌質，
然後跟住就用呢支幻彩色樽身的

GenOptics Aura Essence肌源鑽光精華塗勻全面，

改善膚色同頑固色斑，把握夜晚時間修復皮膚，

清走黑色素，令肌膚有番光澤，變得透亮有光采！

劑少少Aura Essence出來俾大家睇睇先，
啲精華真喺好似有少少幻彩珠光色架，好靚唷！
不過一推開就唔多覺了。
我覺得質感比Spot Essence潤身一點，比較滋潤皮膚，
特別適合晚間修護皮膚用，
下一步再塗RNA Radical New Age面霜，將精華鎖在肌底。

因為用Aura Essence通常都是晚上用，

所以都會有比較多時間搓熱雙手，
再輕輕按壓塊面以助吸收！全面塗勻即可。

緊張的時刻又到啦！
足足試用了一個月……好想知道成果呢！SK-II真喺可以將我肌齡逆轉！？
準備好接受Magic Ring第2次測試啦！

測試當日真喺好緊張架！
我好擔心自己嘅皮膚無好轉之餘，仲變得越來越差！
等結果出來的果一刻，我心跳得好快呢！

結果公佈啦：今次我的分數是42分！
雖然仲喺未合格！但真喺有超級大進步！

睇吓個對比就知道啦！2月時…我的SKIN AGE喺39歲，但1個月後喺34歲啊！
雖然34歲同我真實年齡都仲喺差少少，
但年輕咗5歲，證明真喺有進步先，
最初見到連我自己都唔敢相信，真喺好開心！
另外，我嘅五大美肌度都有所提升，Radiance升咗22分、Firmness升咗25分同Wrinkle升34分，
各方面都升得唔錯，不過Spot果方面仲要再努力啲，升得最少……
不過我知色斑問題唔喺用擦膠一擦就無咁簡單，
況且我只喺試用咗4個星期，
一於繼續努力，等待下次結果！
好啦~睇埋Magic Ring個新功能Cloud Meter肌膚雲亮測試結果先！

新功能Cloud Meter喺用嚟分析肌膚淨透度名淨透範圍，
亮白線內區域越大，黑色線與藍色線之間的雲區越少，
表示肌膚越有光澤同美白！
今次我的分數喺78分啊！相比之前的69分，我個雲區闊咗好多，真喺令人好振奮啊！
即係光澤同美白都有提升！

今次試用SK-II的新品，對於我嚟講真喺好大鼓舞！

近幾年經常韓港兩地飛來飛去，又捱夜工作，搞到啲皮膚殘晒，

無晒光澤又乾，色斑問題越來越明顯，敷多多mask都補唔番！T^T

估唔到GenOptics Aura Essence肌源鑽光精華同

GenOptics Spot Essence肌源淨斑精華

真喺幫我改善到暗啞、無光澤等肌膚問題，

配合其他產品就連紋同緊緻度都一拼提升！

尤其睇到Magic Ring的數據，真喺唔到我唔信SK-II產品的威力！

為咗自己，真喺要用真正有WORK的護膚品先得！愛死SK-II啦！

大家都試下用啦 ！

 希望大家喜歡NicNic的分享

歡迎找我合作試用、出席活動

 

｜美容．blogger event｜SK-II全新美白孖寶登場「GenOptics美白系列」！

大家好嗎?!

見到咁大個SK-II logo就知NicNic今次一定喺介紹SK-II event喇！

嘻嘻~呢個SK-II Passport正唔正先！XD

唔喺個個有架~

哈哈~其實SK-II 每年都會嚴選一班美容Blogger參加SK-II嘅活動！

入面會幫我哋記錄低每次出席完活動做 Magic Ring 肌膚雲亮測試結果，

咁樣我哋就可以知道呢一年用咗SK-II嘅成果！

自上年尾開始NicNic有幸加入大家庭，

好開心今年都可以繼續得到SK-II嘅竉愛，

俾我繼續見證肌膚變得更好嘅機會，我會努力啊！

講番當晚先，SK-II在Popsy Modern Kitchen舉辦活動，

嘩~四周圍真喺佈置得好靚~白雲同玫瑰花擺設令全場散發一種優雅氣息！

NicNic超鍾意啊！

SK-II一向都好貼心，

每次都準備最好嘅茶點招待我哋，

(如果放工時間冇野食~真喺餓到個肚咕咕聲XD)

SK-II event出名多野玩，

今次當然唔例外！

張相嘅頂部有冇發現有個三角型燈箱?!有幾個朋友已經影緊相喇~

Nic超心急想去睇下究竟喺乜東東！

呵呵!!!!!靚唔靚啊!!!!!

好得意啊！

影出嚟嘅效果好正！

勁似細個玩果啲萬花筒咁~

玩夠喇~喺時候去睇下今期有咩新野介紹先！

登登登登，當晚嘅重頭主角出場啦！

SK-II利用全新「 肌因光感科學 (GenOptics)」創新研發出肌因光感系列，

深層喚醒肌膚淨白能量，幫我哋更有效擊退斑點。

 「GenOptics Aura Essence 肌源鑽光精華」同「GenOptics Spot Essence 肌源淨斑精華」，
都喺今年隆重推出嘅兩大美白皇牌產品

聽品牌經理FLORA小姐講正式推出日期會在今年3月，

大家記得MARK低呢個日子啦！

除此之外，SK-II美白家族都轉埋全新包裝！
大家都穿上純白色帶有幻彩嘅外衣

予人簡潔明淨高雅嘅感覺，又幾靚喎！

外在美佢就有齊喇，又喺時候睇下佢嘅內涵喇~

聽Clara老師講解SK-II 最新研究發現，

20-30 歲之間的女性嘅肌膚「失去光澤的速度」比 30-70 歲之間「快 5 倍」之多！！

嘩~我聽到個心真喺離一離！

原來流失率咁誇張！

尤其當我哋長期暴露於陽光或紫外線下，

會對肌膚帶來「可見」+「潛藏/不可見」一共10大UV傷害!!!!!

開始肌膚底層出現炎症，繼而黑色素不停擴散及累積，

引發較大色素及出現肉眼看不見的隱藏色斑，

就喺因為呢個原因，阻止咗肌膚散發原有光采，

失去晒肌膚光澤，真喺聽到都驚！

SK-II為咗幫大家解決呢個咁困擾嘅問題，

就以全方位修護及防禦斑點生成為概念，

首創「肌因光感科學 (GenOptics)」技術，

結合「肌因科學 Genomic」與「光感科技Optics」，

更精確掌握影響肌底光澤嘅「鑽光miRNA」因子，

徹底解決UV所帶來的10大肌膚傷害。

呢兩支全新產品 「GenOptics Aura Essence 肌源鑽光精華」同

「GenOptics Spot Essence 肌源淨斑精華」

都採用咗SK-II革命性鑽光淨白複方，

有效增加肌底鑽光 Micro RNA 因子並修護紫外線引起的 10 大傷害，

並減少壞蛋白質形成，阻止黑色素侵害，

減少可見同隱藏色斑

 改善頑固色斑問題 ，自然提升肌膚鑽光淨白亮度。

有研究顯示，只需使用我手上呢支樽身閃令令啲嘅

「Aura Essence 肌源鑽光精華」8 個星期，

會明顯改善肌膚暗啞位置，同時提高阻黑體數量，
大幅提升肌膚清晰度，散發鑽光淨白光芒！

它蘊含Pixel white™ (超解析光感鑽白因子)、

De-melano P3C(葵醯胺)、UME Extract(日本杏萃取物)、

Concentrated PITERA™ (濃縮PITERA™)及

全新成份 Prunus Extract(美國奇蹟西梅複合物)和 InositoI(肌醇)，

有助改善皮膚問題引致而缺乏的鑽光及淨白，

擊退色班及紫外線造成的黑色素，令肌膚喚發光茫。

齋講大家可能唔多信，睇埋個實驗就知佢有幾勁！

用咗支精華，真喺咁高溫都頂得順~太厲害了吧！

而另外果款SK-II GenOptics Spot Essence 肌源淨斑精華

就加入最新嘅抑制色斑配方 Spot Resist Complex

蘊含全新成份 Lumina Kelp Extract (發光海藻萃取)，

抑制黑色素訊息傳送，

加上Concentrated PITERA™(濃縮PITERA™)及De-melano P3C(葵醯胺 )，

可減少皮膚內外色斑，更有效抑制未來色班的形成。

今次更快只需使用6個星期，

明顯擊退藏在表皮層中的頑固色班與未來隱形斑，

使肌膚透亮無瑕。

不過成晚最令NicNic傷心嘅就喺試做咗Magic Ring

最新的「 肌膚雲亮測試Cloud Meter 」!!!

佢喺全球首個將皮膚底層形象化的膚測試儀器，

極快幫我哋分析到皮膚情況。
(其實因為自己近排真喺好懶護膚，所以心知check完一定大獲！

所以未做我已經有心理準備知分數一定好低……orz)

呢個好似Iron Man會用嘅XDXD高科技「Cloud Meter」透過量化臉上斑點和暗沉，

分析肌膚淨透度與範圍而得出「肌膚淨透指數」。

亮白線內的區域越大，而黑色線與藍線之間的雲區越小，

表示肌膚越鑽光淨白；

相反面積愈少，表示肌膚受到紫外線侵害，

使色斑形成，阻止肌膚透出自然光采。

測驗結果不出我所料……得69分 Orz……

差1分先合格...uuuu.....
唉~睇嚟我真喺要的起心肝喇…

今次決定靠晒SK-II嘅GenOptics美白系列幫我嘅肌膚改變命運！

1個月之後再同大家分享試用後感啦！

希望大家喜歡NicNic的分享

歡迎找我合作試用、出席活動