作為一個在職媽媽，平時放工就趕返屋企湊仔，啲時間真係多多都唔夠用，所以每朝都想訓到最後一刻先起身，好可惜⋯返工要見人，想唔化妝就行出街？！NO WAY！日日照顧屋企＋工作煩忙，要我早起去化妝簡直就係攞我命。對於我嚟講化妝嘅步驟減省得越多，時間就越慳得多，但妝容就依然KEEP得到最好！所以自從生左小蛋黃之後，NIC已經可以做到10分鐘上妝法！不過自從2個月前去左做我人生嘅「第1次⋯」之後！NIC更加練成到5分鐘秘技！哈哈！係咩？！原因就係我去咗做飄眉+霧眉啦！
自從去做左飄眉+霧眉之後，我連上妝最花時間「畫眉」嘅步驟都慳返！有畫開眉嘅朋友都知，每日勾返個眉型+上色，熟手快極都要幾分鐘啦，依家就唔同晒啦～大大縮短左我上妝時間！！不如今次我分享一下去左邊度整眉啦～究竟咩地方可以幫到NIC練成5分鍾上妝大法嘅地方就係Natural House。
位於銅鑼灣Natural House，未上去NIC已聽聞過，佢哋係一間好有經驗嘅美容診所，但始終第一次學人飄眉⋯去之前一定做足準備，做好RESEARCH！上到去嘅時候已經被法式優雅風格裝潢吸引住，以白色做主調，係女生們最愛STYLE(心心眼)地方感覺頗整潔，俾人一種好舒適嘅感覺~
正式開始啦！一開始飄眉師就會先了解我對於眉嘅需要，然後再為我分析眉形需要矯正的地方，仲特別指出我膚質屬於比較難上色嘅類型，如果想效果持久一點，她建議我嘗試飄眉後，再ON TOP加多一層霧眉。的確，每個想嚟飄眉嘅女生，就係想條眉做一次KEEP好耐，唔想日日再為條眉而煩惱！好！既然飄眉師咁講，我就要信佢嘅專業意見！
大家相討好眉型後，飄眉師特別帶我入去VIP ROOM，在裡面敷麻藥，大約30分鐘左右(每人情況不一樣，時間可以再問問飄眉師唷)！哈哈～這間VIP ROOM好舒服的！一邊欣賞風景，一邊優閑地等待，女生就是想要這種RELAX感，這就是享受！甚麼好痛，好驚⋯咩都唔記得LU！至於敷麻藥對於我嚟講，整個過程無咩太大感覺，當我偷偷用手摸一摸時，才發現眉部已經感到沒有甚麼感覺啦～好神奇。
首先我會做咗飄眉先到霧眉，飄眉師一埋位，戴上手套就二話不說開始了！手勢非常純熟嘅飄眉師令我非常安心，好似平時畫眉咁，逐下逐下畫眉毛上去，之後再幫我霧眉，好似落一層眉粉一樣，好SOFT好自然。之前同大家提過飄眉師話我T-TONE位會容易出油，呢種膚質嘅人飄眉後會好容易甩色，所以如果我只係單獨飄眉，怕我唔keep得耐，又要浪費時間補色，同埋會怕甩到一撻撻，所以佢就建議我做埋霧眉，make sure到就算飄眉甩嘅時候都唔會一撻撻，整條眉亦會更均衡！圖右見到就是飄加霧嘅效果啦！效果好自然，好似真的眉毛一樣架！
飄眉師手勢相當熟練，其間亦都不停詢問我覺得眉形如何、不斷修正，真係好貼心！效果滿意！而且之前敷麻少少紅已經退晒，可以即時去街！
好開心啊～我嘅粗幼不均，同高低眉問題一次過解決！
修靚左條眉自信心都大左，成個過程都只係1個多小時，超簡單就可以變得更靚，
絕對值得啊！
啊！提提大家！飄完眉之後，大家都會好擔心出現小新眉XD
不過NIC想提大家唔駛擔心⋯因為一定會出現嘅！
因為飄完會結焦⋯但7至10日就可以復完架啦！
同埋Natural House 會好貼心地送上修復膏，
只要頭2日盡量唔好濕水，好好細心照顧傷口，
好快就可以見到條咁有自信的眉型啦！
無論幾時睇，幾近睇都一樣咁有自信！
去旅行、見朋友、照顧屋企人都一樣掂啊！
Natural House 韓式半永久專門店地址： 銅鑼灣駱克道491-499京都商業中心21樓A室（銅鑼灣站C出口對面，花園餐廰招牌上） Tel:27883133 Facebook：www.facebook.com/Hknaturalhouse/
