NICONEKO

❤FACEBOOK FANSPAGE❤

2015/06/27

｜美容．新品試用｜會結冰既防曬霜你用過未?!試玩韓牌THEFACESHOP Ice Air Puff Sun！

有邊個女人會唔貪靚先?

尤其當你身在美容產品天堂既韓國，

各大品牌既美妝商店遍佈每一個角落，

好似便利店咁~總有一間喺你附近……想扮睇唔到都幾難！

好容易就會俾佢地吸引住~

然後又好自動地打開銀包放底d錢
亂咁買一堆野走

真係好似俾鬼迷咁XDXD

平日Nic對防曬產品唔算特別有研究，

但喺月頭時~NicNic在韓國無意中經過THE FACE SHOP

就俾呢個有「-5℃」既廣告牌吸引住

等二，就見到好靚既秀智PROMOTE呢個新產品

「Natural Sun eco Ice Air Puff Sun SPF50+ PA+++」！XDXD…hahaha

於是我就好敗家地帶左佢返香港！

究竟「-5℃」同防曬有咩關係呢?!

答案就係秀智手上啦！

見佢拎住粒冰你就知~呢支防曬同凍感有關啦XD

Ice Air Puff Sun係一支冷卻型防曬產品，

賣點就係可以為肌膚體溫降低-5℃!!!!!

有效防止因熱燥而導致的皮膚老化問題。

同時還具有防止紫外線、改善皺紋、補充水分及美白功效，

更有自然膚色的上妝效果！真係好正~

既然買左返香港，一於去試下好唔好用先！

打開盒蓋就見到使用指南，

韓英對照更有圖案指示，

真係非常清晰！

估唔到入面有一個Extra樸樸俾我地REFILL！

有多一個做SPARE~

即使用舊左都可以有替換，呢下幾貼心！

擰開個樽蓋就會見到個粉撲喇~

個撲撲好舒服柔軟，

唔係「鞋烚烚」

正式開始用Ice Air Puff Sun之前，記得留意呢個「OFF/ON」制，

佢係用黎LOCK住支防曬…避免唔小心壓到佢就會噴出黎！

好啦好啦！開始試用啦~

STEP 1:將啡色樽頭從OFF擰去ON

STEP 2:上下搖勻

STEP 3:按下啡色樽頭(呢個時候會聽到一下噴氣聲XD)

STEP 4:拿起樽蓋就可以用啦！

(P.S.唔用既時候記得LOCK返支防曬先啊XD)

WOW~大家睇唔睇到個粉撲啊!!!!!!

上面真係有傳說中既「冰」架XDXD

原來就先我地按個樽頭~D冰凍防曬就會從呢個小孔噴出來，

好搞笑~

先試上手FEEL下先！

塗在我手上既一瞬間，

WOW~我真係FEEL到冰涼快感！

而且上左皮膚之後~

唔似一般防曬咁油笠笠。

顏色方面都幾自然~唔會好黃！

另外，呢個防曬既其中一個好處就係有個小粉撲，

用法就係好似我地平時用開既CUSION粉底咁~

一下一下印上皮膚就OK喇~

唔會整污糟隻手~都幾方便AR~

BTW,唔知係唔係心理作用問題，

個冰感好似真係KEEP到一陣~

起碼~全程上妝都係涼浸浸先~~HAHAA~~~

再試下塗上面先~
優點:
基本上面部大部份既位置都無問題，
有粉樸幫助印得都算幾均勻，
唔會一撻撻。
加上佢既質地都算幾薄，
唔會好厚~重複塗抹都唔怕！
而且因為凍凍地~肌膚可以減低-5℃以上的溫度，
一路上妝一路降溫~好舒服啊！^^

缺點:
因為防曬霜主要噴在粉樸既中間位置，
當想用側邊部份印在眼周邊、鼻翼時，
FELL到佢就D難就位，
唔可以直接將防曬落喺凹入去既位置。
而且佢始終唔係粉底類既產品，
所以遮瑕效果唔係話好強~
不過絕對可以令膚色望落均勻D~
基本修飾係OK既！
如果你平日只習慣用防曬唔用粉底既朋友，
Ice Air Puff Sun值得一試！

總結:
在炎熱的夏季，THE FACE SHOP呢支 Ice Air Puff Sun，
為熱辣辣的肌膚帶來一絲絲清涼感真係唔錯既！
又可以降溫，又可以防止紫外線，
既補濕又滋潤~
而且又有自然既上妝效果，
加上佢不含有合成防腐劑成分，
降低對肌膚的刺激，
敏感型肌膚既SIS都可以放心使用。
今次分數會有80分！

下次繼續再同大家分享
其他韓國美容產品心得吧！

❤EMAIL❤

nicnicheung@gmail.com

❤IG❤

❤FACEBOOK FANSPAGE❤

2015/05/10

｜美容．新品試用｜「玫麗網」SHOPPING新體驗．超抵價GET韓國Berrsiom撕拉式染色唇液！

上網SHOPPING真係好正！

足不出戶就可以買到心頭好！

尤其買化妝品，好多時撞啱網站做折扣優惠，

價錢分分鐘比起去專門店買平好多！

不過我以前都有唔少BAD經驗，

試過在韓國既網站買化妝品，諗住用EMS寄返香港…

最初諗住會平D……點知仲得不償失！

因為始終買既產品件數又唔係多，

1件1件咁買返黎……郵費都好「拿利」，

等既時間亦長架，試過成個星期件貨先到手上>~<"

又試過因為佢無貨話退返錢俾我……

不過運費就無得退，無喇喇蝕左錢俾佢，真係好唔抵！

搞到自己擔心左成個星期，
所以呢排都少左上網買化妝品！

不過近排有個朋友介紹我試下去日本著名美容化妝網站「玫麗網COSME-DE.COM」>>>>http://hk.cosme-de.com睇下，佢話呢個WEBSITE入面好多韓國化妝品買架，
而且價錢仲幾抵，拍得住我在韓國買，
所以就去睇下啦！
最初我都無咩信心架，

但CLICK入去見到佢既服務咁全球化，
感覺都唔錯！

而且俾錢都係用港幣，
唔駛下下都要計RATE，真係方便好多！

再睇時，見到入面真係有超多BRAND既ITEMS！

真係歐美日韓品牌都有，好誇張！
香水、SKINCARE、MAKEUP……

最正就係佢地定期會做好多PROMOTION

(提提大家不同地區既SITE都會有唔同PROMOTION架，入去之前要留意啊!!!)

呵呵！我呢個韓粉~入得去睇野~當然心入面有TARGET啦！
二話不說馬上SEARCH自己一直最想買既韓國GET IT BEAUTY大力推介既
Berrisom唇液啦！

OMG!!!!!竟然做緊半價!!!!!!!

係我眼花睇錯嗎?!大家知道嗎?!

我睇過在香港單買一支市價最平都要$70左右，

現在有6支~都只係$297!!!!!!

計計數~$50蚊都唔駛就有1支!!!!

而且最厲害就係免運費!!!!

唔買真係對唔住自己!!

填資料，CREDIT CARD過數，咁就買左！
快到呢~~~

COSME-DE.COM係用宅急便寄貨架！

收到時真係超開心，因為都無諗過會咁快！

等我打開佢先！

WAH~估唔到一盒咁細既唇膏SET~

佢地竟然出動到2層式保護包裝，

先有巨型空氣泡泡圍住，

再有大粒泡泡紙包住！

我既Berrsiom「撕拉式染色唇液套裝」終於到手喇~

身為唇膏癡的NIC~呵呵~打開就見到咁多隻色，

有Virgin Red, Vivid Scarlet, Lovely Peach, Pure Pink, Bubble Pink, Sexy Red

真係超興奮啊！

打開個蓋黎睇睇先！

唇膏既咀頭不算太大，

一打開就唇液好似馬上會湧出來咁XDXD

唔知道塗上咀的時候會不會很難控制呢?!

擠在手指上睇下先！

嘩！好像玻璃珠啊~

原來這個唇液有D似LIPGLOSS的質地，

但不算太濃稠，也不致於會流下來。

半乾既狀態時，真係好似JELLY呢!!!!XDXDXD

好啦！現在先測試佢既快乾情況！

這次我分了3種顏色，並在手背上塗出3種不同厚度，

最淺色 Pure Pink係最薄、紫紅Sexy Red係最厚！

不過Sexy Red真的擠得太多啦，
好像快要瀉下來……

等了5分鐘左右，
Pure Pink已經乾了9成，很輕易就可以撕起！

而中厚度Vivid Scarlet周邊的位置雖然已經乾也可以撕起，
但係其餘位置還是未乾透，
嘗試撕起時……就爛掉=~="
Sexy Red咁厚……我想不用我多說都知道答案……

睇下D顏色先！
又真係幾上色WOR~而且幾自然~
撕走表面層薄膜，皮膚就好似無塗過任何野一樣，
只係染左色而且好乾爽架，捽佢都唔甩色……真係好強！
(千萬唔好以為塗厚D就會深色D，薄D就淺色左，
只要平均塗勻在皮膚表面上，就已經好上色！)

終於要試上嘴~感覺真係有d緊張，

可能係因為我對佢都幾大期望掛，

擔心唔知個效果會係點……

我本身既唇色偏淺，好多時為左令自己唔好咁PALE~

都會特登塗唇膏，令個人既面色好D

不過每次食野飲野前都要抹走佢，

食完又要塗返，真係唔係個個都會咁有恆心XDXD

所以如果試左Berrisom呢支唇膏真係可以持久不脫色，

而顏色效果又okay~我就真係會長用，起碼會覺得自己無買錯先啦！

之前都提過佢個唇膏既咀頭設計係偏細，
不過就方便左控制畫嘴角既位置，感覺上無咁易畫出界！
(因為時間長左，d顏色就會捽唔走架，所以要趁未乾既時候抹走佢XDXD)
塗完之後，個嘴好似上左一層LIPGLOSS一樣「令令地」，
等待既時候佢就會FEEL到個嘴有少少收緊既感覺，
因為塊薄膜開始乾緊……

WOW~~要撕落黎喇~
我在個嘴角位置開始撕，一D都唔痛而且仲好爽添啊！
真係可以成塊皮撕落黎XDXD
(如果撕下來時，見到仲有薄膜碎屑留底，
我建議可以都用紙巾輕輕抹走，請放心顏色不會因此而抹走架！)

初初我都擔心用完佢之後，會唔會好乾，
因為我FEEL唔到佢有特別滋潤效果。
但正正因為佢夠乾爽自然，
用完既感覺同都無用既一樣，
唔乾又唔會甩皮，
只係個嘴染左顏色，
我覺得絕對可以接受！
完全沒有黏膩感，真係好適合夏天用！

俾多次BEFORE同AFTER大家做個對比！
顏色效果都幾自然！
TIPS!如果大家真係怕乾，我都建議可以再加一層潤唇膏。

輪到測試「甩色度」啦！

無論用紙巾抹嘴、抑或用飲管飲野都無甩色或者留底唇印！

實在太神奇啦！

總結一下先！

我覺得今次無論係網購經驗&Berrsiom撕拉式染色唇液我都會俾85分！

終於搵到個網站可以成日買到平靚正既韓國產品之外~

支唇液又真係出奇地好用，

顏色自然又last得好耐，

唔怕飲野食野時整到d餐具污糟晒。

而且仲非常適合一d怕麻煩，

唔想成日補唇又貪靚既女仔用添！hahahaha!!

夏天去玩水都唔怕甩色啦XDXD！

唯一美中不足就係要等佢乾LOR~

不過我都搵到解決方法就係在開始化妝既時候先塗上個嘴，

化妝途中就應該可以同步乾透，

你話係唔係好方便先！

好啦~今日既分享又差唔多喇~

下次再見大家！

COSME-DE.COM玫麗網香港地區網址：

http://hk.cosme-de.com

FACEBOOK:

https://www.facebook.com/COSME.DE

❤EMAIL❤

nicnicheung@gmail.com

❤IG❤

❤FACEBOOK FANSPAGE❤

2015/04/14

｜美容．新品試用｜敗家NIC試用報告．測試韓牌CLIO TINTED TATTOO KILL BROW好用度

NIC一向都係韓牌CLIO迷，

當然代言人亦都係令我特別喜歡佢地既原因！

無論係李孝利、DARA同今年既孔孝真都係我最鍾意既韓星藝人！

每次CLIO推出新品NIC都會特別留意，

最近，NIC就買左孔孝真介紹既TINTED TATTOO KILL BROW，

加上有GET IT BEAUTY推介，馬上入手！

不過經試用後……

滿意度係……60分！

坦然……今次我係有D失望，但又未至於好差，

好~等我馬上同大家分享佢既優點&缺點啦！

特然好想講提外話XDXD

我鍾意CLIO既原因，

就係佢D產品不定期都會有禮物送XDXD

例如買EYELINER會有MAKEUP REMOVER送、

MASCARA會有電熱睫毛器送、

今次呢款TATTOO眉筆就有電眉毛修剪器或者修眉組合送……等等，

但價錢絕對唔會因為送禮而貴左，真係好正！

不過好多時專門店送既禮物同WATSONS送既唔同，

決定買之前記得去睇清楚下啊！

返回正題，講返我點解會對呢支TATTOO眉筆有興建先，

其實佢係2合1既設計，

一邊就係好似MAKER既TATTOO PEN，另一邊就係染眉GEL，

感覺幾方便，買一支就可以夠掂成個眉妝！

睇介紹時話只需用MAKER眉筆直接勾畫眉型及填色，

然後再塗上染眉GEL就OK！

看似很簡單又易用…但係現實同理想好似有D差距=="

NIC一向都係用EYEBROW PENCIL來畫眉既，

不過顏色方面很多時會因為力度問題，

時深時淺都唔係太易控制，

試過用眉粉，但又好似好難處理眉型……

所以買之前一直對CLIO充滿期望！

呢款TINTED TATTOO KILL BROW眉筆比平時用開既眉筆的確係淺色好多，

畫上手時就覺得佢D墨水幾自然，

但……畫上眉時就覺得有D怪怪地，

因為覺得唔係太上色。

而且想畫心目中既理想眉型時

可能筆咀有點粗的原因吧……

想填補眉底沒有毛髮的位置時，

就好難畫得仔細

一個不留神就會畫得太粗，

眉尾…想修幼一點也不太容易，

上面我畫了2至3次先有色JA~

如果想畫一條好眉，真係要多花時間，

唔可以好似普通既眉筆咁快手！

佢都有好處既，

就係可以逐步加深D顏色，

唔怕一下子變做蠟筆小新XDXD

同埋佢係水狀既設計，

畫錯既話…用手指一抹就抹掉啦。

但係……亦都因為佢係水狀設計，

畫上去時，墨水又會分佈不平勻，

好易會一撻撻……

你睇上面張相就知道@O@

而另一邊既眉GEL，

我就覺得顏色算係唔錯，

亦都幾上色

不過佢支棒設計得有D短啊……

一掃落條眉度……好易整污糟周圍既地方>.<

所以用既時候，要加倍小心。

UMM~~其實呢支TINTED TATTOO KILL BROW叫得TATTOO，

就係因為佢話係WATERPROOF而且好似紋身咁唔易甩色，

試過用水來測試，

沖幾沖，用手指一捽，

淺色左好多，但又未至於甩晒，

又無想像中咁防水……

好啦~係時候要做個總結啦~

所以今次我俾呢支TINTED TATTOO KILL BROW 60分！

如果你當佢係新品想買返支試下，

絕對係無問題！

但係如果你好似NIC咁，

當初係因為覺得佢WORK易畫上色又方便……

可能你都會同我一樣有D失望喇~

我唔排除我未用慣佢，

所以效果無想像中咁好，

但係畫粗粗地既一字眉就完全無問題，

但如果你想畫纖細的幼眉可能要再努力練習多D先搞得掂XDXD

今晚既分享又差唔多，

下次再見！

❤EMAIL❤

nicnicheung@gmail.com

❤IG❤

❤FACEBOOK FANSPAGE❤