｜旅遊．韓國好去處｜我要去建大COMMON GROUND潮聖．不過……想像永遠是最好的

見到藍色貨櫃就知道今次NIC想介紹COMMON GROUND喇~

哈~雖然COMMON GROUND已經開左一段時間，

不過因為地點唔係好近市中心，

所以一直都搵唔到時間過來

今次就夾啱時間，特登來潮聖一下！

滿心歡喜出發！

COMMON GROUND位於2號/7號線建大站，

以弘大為出發點既話~差不多半個鐘既車程就到。

找6號出口！

出閘之後轉左落電梯

呢個就係6號出口喇~

一落電梯就立即見到呢條行人路，

KEEP住直行5-6分鐘就會到

沿途行既時候，

你會見到似曾相識既高速公路，

我覺得有少少似香港呢!

總之一路行右手邊都見到佢就一定無行錯！

話咁快就見到一個個用藍色貨櫃疊起既

COMMON GROUND貨櫃商場喇~

一黎到~我真係好興奮啊

立即企在門口SELFIE番張先！

等我先從外圍兜入去先，

外面個櫥窗設計得真係好靚~

幾有時尚感！

好啦~外圍睇完，

就在中庭位置開始入去!

WOW~設計得幾型WOR

行入少少就見到大家指定必影既CHECK POINT位置，

好多本地同外國遊客都會霸返個靚位影相！

不過呢度比我想像中細好多

黎到CHECK POINT

NIC當然唔執輸喇~

繼續SELFIE！

逛之前先到INFORMATION拎個BUILDING INFO先！

個設計呼應返藍色貨櫃，好正！

原來個商場分STREET MARKET同MARKET HALL兩邊，

走美式市集百貨風格為主，

一共有70間店舖左右。

呢邊就係MARKET HALL喇~

賣潮流男裝服飾為主，

款式上都係屬於比較有格調，

聽講價錢會比大型商場平D~

不過價錢既野~都係因人而異。

呢度就唔係我杯茶喇~

行上2樓就可以望到1樓(地下)全景喇~，

老實講~其實呢度真係唔算好大，

不過人流唔係好多，

行起上黎得幾舒服……好有空間感唔會逼餐死。

兩區既頂樓TERRACE MARKET就係餐廳、CAFE同PUB喇~

我欣賞呢度多過入面，

露天茶座幾有FEEL！

餐廳、CAFE營業時間是早上11:00~晚上10:00

而 PUB 營業時間是早上11:00~凌晨02:00

而且仲可以睇到成個COMMON GROUND既風景。

明明前一日仲落狗屎~

但當日天氣竟然好到不得了~

仲有藍天白雲添XD

不過夏天咁熱~有冷氣既地方會比較受歡迎D

如果你有少少畏高~

可能都會怕怕企在旁邊架XDXD

不過NIC一向無有怕，

我影得好開心

我身後就係商場既另一邊

STREET MARKET喇~

過去另一邊時，

記得要行下呢條空中吊橋啦~

係唔係好正呢XDXD

不過大家唔好俾佢呃到~

唔係真空架~睇清楚D~係有玻璃隔住，可以放心~

唔會跌落去既XDXD

認住個佢指定影相位~

易出黎既效果真係唔錯！

係在頂樓曬左咁耐~

係時候要落去STREET MARKET果邊涼下冷氣

STREET MARKET主要以潮流女裝、飾品為主

多D潮流玩意、有趣既服飾出售，

而且價錢比較平易近人…HAHAA，

人流果然旺D~

不過我總係有種錯覺，

覺得呢度同香港D商場差不多，

所以我都係無咩斬獲……

行過呢度~見到一箱印滿韓文字既STICKER，

全部都有係有意思架……

例如~「我唔係單身」「HI」「GOOD」

又幾過癮WOR~而且免費任大家拎~

所以都吸引好多年輕人抽返幾張。

如果你覺得天台的餐廳唔啱你口味，

地下空地也有超型既美式餐車服務，

感覺會隨意一D~無咁拘謹。

食既野以美式快餐為主~

漢堡、薯條、汽水等等……

價錢又唔算太貴~

不過就坐得未必好舒服，

但都有人會好ENJOY呢種STYLE！

啊~有好多朋友都話，

黎到COMMON GROUND就記得要去蛋糕專門店DORE DORE~

因為果度專門出售呢D好靚既多層式蛋糕(心心眼)

尤其RAINBOW色既係最多人試XDXD

DORE既蛋糕價錢介乎7500-10000WON左右/1塊

NIC就覺去旅行…就唔好就住就住~

價錢既野豁出去……想試就食啦！

--------------------------------------------------------------------------------------------------------------------------

話咁快就行完COMMON GROUND啦~

如果你問我覺得呢度好唔好行、好唔好玩、有無野睇?

如果以藝術角度~係OK既~

因為果度會有好多裝置藝術品，

文化潮流展覽等等。

不過如果你一心想過來SHOPPING

我就覺得麻麻地喇~唔去都唔會好大損失。

無可否認，成個外圍真係設計得好型好靚，

所以未來之前我都對佢充滿幻想，

成日都會諗…搵機會我一定會黎XDXD

但入面買既野……唔係好吸引到我，

過來建大只係為左影藍色貨櫃相……

就好似有DD……那個！
雖然NIC都係習慣自己一個人旅遊~
不過好少會有「悶」既感覺
但COMMON GROUND就有DD喇~

我只能夠講「想像永遠是最好的」

如無意外，我應該唔會再去COMMON GROUND第2次。

反而商場既另一邊，
建大商圈我覺得更符合我既口味！

因為我比較喜歡地道D熱鬧既感覺~

如果行完COMMON GROUND又想食埋LUNCH或晚餐

不妨去建大商圈果邊喇~

2號出口一出黎就會見到好多年輕人聚集

呢邊俾我既感覺有D似去左弘大咁
有野食有野買…平民化D
又夠熱鬧！

想食炸物、炒年糕、魚串

呢邊就有好多路邊攤地道美食選擇……XDXD

如果想去餐廳食炸雞、燒肉……等美食

就可以轉入去呢條街喇

全條街都係食店…包你一定搵到想食既野XDXD

見到D充滿熱鬧飲食區，

感覺就真實好多~

好啦~今日既分享又差不多~

下一篇~

不如講下去韓國「飛髮記」啦

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜美容．新品試用｜試用韓牌「彤人秘」完美防曬霜．體驗紅蔘神奇護膚功效！

Nic一向都鍾情韓國既美容產品，
尤其護膚品特別適合自己既膚質！
所以經常搵新野試用，
今日又有新野介紹俾大家，
HERE WE GO！

出trip之前我就收到一個新冒起既韓國美容品牌「彤人秘DONGNBI」既產品，
淨係見到個PACKAGE就已經覺得係矜貴野~XD
因為佢係一支有「紅蔘」成份既防曬霜！

撞啱機會有得去韓國，
所以就抽個時間親身去專門店睇一睇佢地D產品！

呢度就係賣「彤人秘」既專門店……!!!

「正官莊」？！賣人參果間？！

對，對！真係無錯～

「彤人秘」係大有來頭架!!!!!

因為佢係韓國紅蔘代表「正官莊」旗下研發既韓方美容品牌~
其紅蔘護膚品能使皮膚由內而外變得水潤，
又能提高肌膚免疫力，
是市面罕見的韓國治癒護膚品牌。

老老實實喇~行etude house、innisfree……就多
「正官莊」Nic真係甚少入去XP
不過為左去尋訪「彤人秘」的真身，

勇氣就自然湧上黎喇~

入左去就見到「彤人秘」既counter啦，

雖然唔係好大型，

但都放滿左唔同系列既護膚品，

有補水、美白、抗皺、防曬同男士系列。

聽售貨職員講每一款「彤人秘」的護膚品都含有6年根紅蔘成份，

可能大家都會好奇咁問~點解紅蔘一定要用6年既?

1年、7年、8年唔得咩?!

一問之下先發現原來6年根紅蔘真係最好架，
係眾蔘之中擁有最佳的狀態以及模樣，

其高純提取物可以回復皮膚原有活力，
從根源細胞修復以改善肌膚，

能從根本增強肌膚免疫力，
使肌膚產生惊人變化，擁有超強既神奇護膚功效。

另外品牌既代言人亦都令我印象深刻呢！

佢地邀請到韓國大美人金喜善擔任代言人~

她真的好美啊~
無論氣質同形象都好MATCH「彤人秘」

我只係逗留在韓國短短一星期，

無論我在電視、坐地鐵、上網都會見到佢地在既廣告出現！

果然好勁！

好喇好喇~講左咁多周邊野~

係時候講返正題>>>

呢支就係我要試用既

「完美防曬霜Red Ginseng Perfect Sun Cream SPF 50+ PA+++」！

講真喇~我真係唔知幾時開始~無用30度防曬產品喇~

可能依家d陽光真係好猛又好毒

普通防曬系數好似完全唔夠保護，

所以收到時見到係50度時就覺得好啱心水。

而打開個盒時就見到個樽身，

真係設計得好有心思，

 好似藝術品一樣~高雅又有品味，

同平時見開既款式好唔同。

「6年根紅蔘」係彤人秘既signature

當然防曬都唔會例外，

主要成份有紅蔘精，紅蔘皂甙，紅蔘膠原蛋白，
呢d成分可從外部有害環境開始給肌膚提供保護和活力，
優秀的持久性，對於長時間曝光在紫外線下的皮膚提供健康。

的確曬得多真係會好傷皮膚，
又黑又乾望落去仲會覺得老d，
所以要識得揀隻好既防曬保護自己先係上策！

而且研究結果證明了紅蔘中的主要成分——
紅蔘皂角苷對增強肌膚免疫活性，
改善皺紋有很大好處，肌膚重拾年輕狀態，
一支防曬有咁多好處~你話係唔係好正先~hahaa!!

擠出黎試下質感先！

顏色方面~BEIGE色澤，

有少少濃稠既感覺，

聞落去有種獨特高麗蔘香氣，

感覺幾RELAX。

當推開之後就覺得比起平日用開既防曬霜輕盈得多，

唔會好厚重，感覺真係有D似底霜~

因為我覺得塗完之後，

皮膚好似幾有光澤，

而且唔知係我諗多左定係真既呢~

我覺得塗左之後~皮膚好似真係白滑左…XD

摸上手幾柔軟幾水潤~

使用方法好簡單
每朝出外時前，完成基礎護理後，
取適量塗抹於全臉，
輕輕按摩拍打至吸收就可以了！

NicNic小TIPS!
因為面部係有輪廓既，
當中尤其顴骨、鼻頭、額頭比較凸出既地方，
最容易接觸得更多紫外線，
為左加強保護自己既皮膚，
我仲會重點加多少少防曬在呢d特別部位，
~咁先係無咁容易曬親！

用後感:

自從韓國返香港之後，
如果遇到唔想化妝既時候，
我都會用彤人秘既防曬霜～
因為感覺算係輕盈，
當係底霜咁用算唔錯！
而且個香味令我覺得幾舒服~
加上我知佢係正官莊既出品，
對佢地既紅蔘成分非常有信心。
既可以保護我d皮膚之餘，
仲可以令d皮膚有返d水潤光澤，
將D水份留住塊面入面。
即使坐飛機又好、乾燥既韓國天氣，
我D皮膚都完全無問題！
雖然我一向都唔係主張一定要貴野，
不過彤人秘的品質同成效係有信心既保證，
絕對用得過！
好喇又到俾分時間~有75分！

今次分享又差唔多~

下次再見喇~

售賣點：旺角朗豪坊L2 Beauty Avenue (Shop no. BA216)

WEBSITE： http://www.donginbi.co.kr/

以上產品由DONGINBI贊助。

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung