時間真係過得好快，小蛋黃眨下眼就已經7個月大啦！突然間有啲唔捨得佢大得咁快！
每次見到佢望住你笑…個心就甜到漏啦！
加上小蛋黃遺傳了NicNic奀皮嘅本色，經常都會做出好多古靈精怪嘅表情，有時嘟咀、冧豬樣笑、chok樣、食下手指、玩口水……真係好CUTE~CUTE啊！HAHAHAA
望住佢塊肥嘟嘟嘅面仔同好似蓮藕咁嘅腳…真想一啖咬落去！肉緊死我啦XD
雖然我選擇餵母乳，但一開始份量唔夠多，成日都好擔心BB唔夠飽，精神壓力大到顛咗，越緊張就越唔順暢，直到小蛋黃因為黃疸指數超咗標，醫生要佢住院照燈時……我直頭喊咗出來，一來覺得好慘，咁細個就要同媽媽分開，二來因為自己奶量唔夠，俾唔到足夠奶奶佢食，我覺得好內疚同自責。好彩，有邪留丸同醫院姑娘安撫我，話我知唔需要俾咁大壓力自己，需要時就補奶粉啦，就係咁小蛋黃過咗無耐就開始飲奶粉！
最初，我就用媽咪會送嘅奶粉，諗住食得唔好浪費，但食左無耐小蛋黃啲〝便便〞已經痾粒狀固體，擔心死！所以就在連鎖店買左好多媽媽都推薦，有信心保證嘅奶粉品牌俾小蛋黃飲。BB嘅腸胃最易敏感架喇，真係一試就知邊隻啱，邊隻唔啱！
到小蛋黃六個月嘅時候，除左奶粉都開始俾佢進食固體食物，例如：嬰兒米糊、蘋果蓉等等。由於怕我嘅皮膚敏感會遺傳俾佢，所以我做足功課亦聽左好多媽媽嘅分享，最後為小蛋黃選擇左雀巢®超級能恩®2號奶粉 (https://goo.gl/AhWqVV )。呢隻奶粉嘅pHF水解蛋白配方能降低牛奶蛋白致敏性，有助防敏更可維持腸道健康。小蛋黃食左之後便便正常返，腸胃好咗，食欲仲越來越好……皮膚亦有改善！開始進入肥仔嘜階段啦！
你睇佢依家塊面肥嘟嘟又健康，皮膚滑滑溜，無敏感同濕疹出現，真係好開心！
最近7個月亦開始食吓餅仔，蕉，蘋果，橙亦都冇敏感情況，真係好感恩啊！
我會一直俾小蛋黃飲雀巢®超級能恩®2號奶粉呢！希望各位bb都可以好似小蛋黃一樣健康成長，快高長大就係我哋做媽媽嘅心願喇~
#資料由雀巢營養天地贊助 #小蛋黃 #7個月 #防敏
❤EMAIL❤
❤IG❤
❤FACEBOOK FANSPAGE❤
