｜美容．新品試用｜分享初試MAIONE“神奇” 噴噴水及青春呵護隔離乳體驗

呢排上Facebook經常都見到有人介紹“神奇” 噴噴水，佢哋話呢支水可以幫你去皺 + 收毛孔 + 擊退黑眼圈 + 收眼袋 + 去印 + 美白+ 淡斑 + 保濕 + 男女合用，就連firm胸都得！嗱嗱嗱…我仲見過話噴喺頭皮度可以幫助生髮，嘩~有冇咁誇啊~咁神奇?!就喺呢啲咁神嘅功效令我對呢支新產品產生濃濃嘅興趣！即刻上網search下咩料先！

原來呢個brand叫做MAIONE，淨喺睇個設計俾我一種幾奢華嘅感覺，黑色樽身設計+金色字……幾有歐美大brand feel！不過Nic絕對喺一個理性嘅人（其實因為價錢唔平），我唔敢衝動入手！（哈哈）！

近日，我個專做代購MAIONE嘅朋友主動聯絡我，希望我親身試用呢個品牌嘅產品，正啊！我終於有機會解開呢支噴噴水神奇的面紗!

今次我收到他們2支產品，MAIONE青春密碼精華液及MAIONE青春呵護隔離乳！真係同我想像中的一樣，COOL爆嘅外型！

首先，梗係試 “神奇” 噴噴水「青春密碼精華液」啦！我本身嘅膚質，屬於偏乾性混合性，兩邊面頰間中會覺得乾，唔夠瞓嘅日子膚色會暗沉啲欠光澤，而且都有色斑、色素不均問題。而呢支噴噴水嘅功效正正可以改善我以上問題，所以對於呢支產品嘅期望非常高。

每個人用呢支噴噴水嘅方法都好似有啲唔同，而我選擇懶人嘅用法，就係早上潔面後連爽膚水都唔搽，直接用MAIONE青春密碼精華液噴上面。

距離15cm左右，全面大約噴左4-5下，然後輕拍至全面吸收。

一開始感覺有些接近水狀嘅精華黏黏感，但吸得好快，膚質明顯柔軟及通透左，會令皮膚有光澤感，即時冇咁乾幾舒服，而且冇乜味道，呢點特別like！一次過減省爽膚水程序，噴完就可以直接搽面霜，超快！最啱每朝瞓到LAST MIN先起身嘅我！
(左)使用前(右)用後皮膚明顯有光澤。

待精華液完全吸收後>面霜>就可以搽隔離乳啦！

呢款隔離乳有防護透氣功效，擠出來時係有色的，但想妝感透薄啲，
記得要控制份量，因為好易會推唔勻。

剛剛我唔小心用多咗份量，上面後會有D唔夠自然，
會有厚妝感，略嫌上面後有少少黏，但都算水潤。
對於我呢種偏乾混合性皮膚嘅女仔嚟講…怕T字位會出油。提提大家呢支隔離乳冇SPF防曬功能，所以記得要再上有SPF防曬功效的粉底或防曬！

總括來說，我比較喜歡佢支精華液，因為即時睇到皮膚水潤光亮，而且將爽膚及精華二合為一，減省護膚程序，最緊要沒味道，感覺清爽舒服，啱夏天用！

P.S.如果大家對MAIONE產品都有興趣，可以Click呢條link >>https://goo.gl/LKgsGe直接問下我個朋友架！

#產品贊助及資料由MAIONE提供。

官方網站: http://www.yijiainternational.net/zh-tw/

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜美容．療程試做｜首次到NeoSkinLab做Facial Treatment～想知NeoSkinLab好唔好？試過就知道！

NicNic一向都好怕去美容院做Treatment、一來怕Hard Sell、二來怕唔安全、三來又怕唔乾淨，所以過往有不少試做Treatment嘅邀請都耍手擰頭，加上早排大肚、生完小蛋黃又要餵人奶⋯更加唔可以亂試亂做⋯唯有勤力啲在屋企自己做護理，應該夠吧！但原來⋯⋯想皮膚靚單靠勤力喺唔夠㗎，尤其年紀越來越大，新陳代謝慢咗好多，摸到皮膚比以前粗糙、毛孔亦積咗好多暗粒（自己做極磨砂都清唔乾淨）T字位乾、又浮粉（塗極補濕＆修復護膚品都好乾）搞到心情好沮喪⋯⋯就呢個時候收到NeoSkin Lab嘅PR邀請試做佢哋個皇牌「水漾透肌護理療程」。我即刻衝去上網睇吓網友點介紹，原來呢個療程可以幫皮膚深層鎖水，改善彈性，撫平返啲乾紋，而且仲會做埋去角質、清毛孔⋯⋯真喺幾吸引喎！但我餵緊人奶喎，唔知做唔做得呢？！一問之下，原來無問題，我就放心晒！為咗想靚住迎接新一年，Book咗倒數果日去做，咁究竟NeoSkinLab好唔好？等NicNic話你知道！

住港島嘅NicNic當然揀去銅鑼灣世貿中心果個Centre啦，

嘩～一入門口就見到NeoSkinLab 嘅LOGO啦，

店面裝潢華麗，環境舒適，亦絕無拘束感！第一印象不俗！

門口登記過後，美容顧問就安排我到一間房間講解「水漾透肌護理療程」。

  

剛坐下來，茶水姐姐就立即遞上香噴噴嘅花茶＆精緻茶點給我一邊品嚐一邊填寫個人資料及了解療程功效。
整個過程幾RELAX，亦沒有Sale我，感覺幾OK。

正式入房做Facial啦！心情有啲緊張呢～好怕房間不乾淨⋯⋯

嘩～好OK喎！房間內基本設施齊全，但意想不到裡面更有梳妝台及小沙化，
可以俾客人舒舒服服休息，以及做完療程後慢慢整理儀容，
私隱度高又唔駛同其他人逼，我超Buy啊！

換好衫正式做「水漾透肌護理療程」啦，開始之前治療師首先介紹我知道呢次療程使用的產品。登登登～呢SET就喺NeoSkinLab特別為客人提供超過30歷史嘅德國醫學品牌 JANSSEN COSMETICS 系列喇，非常適合皮膚缺水及長期留在冷氣地方嘅朋友使用。

療程開始啦～治療師先為NicNic卸妝、潔面同PEELING。
我幾鍾意JANSSEN呢個PEELING GEL，感覺溫和得嚟，
唔會「拮」面，好舒服，做完塊面柔軟好多。
聽治療師講佢嘅成份喺天然，唔係果酸，
所以唔會刺激皮膚～全程都無敏感情況出現。

跟住就做我人生第一次針清黑頭同修眉，
我無諗過做補水療程竟然會EXTRA提供呢個服務，
真喺令人意想不到，值得同大家分享XD！
之前聽過朋友講～針清好痛，但究竟有幾痛～Nic就從未體驗過。
今次可以好好感受下！

  

第一下落針，果然好痛，眼水自動「標」出來（因為未適應）慢慢習慣力度後就可以接受喇，
治療師話我T字位比較多暗粒，主力幫我在額頭、鼻及下巴清走污糟野，
做完感覺好乾淨，呢個moment就覺得痛喺值得。
針清後，就會做埋修眉，整理一下雜毛，正啊！

起初我好擔心針清完位置紅印不會褪，
因為之後仲有倒數派對要開啊⋯咁肉酸點見人啊⋯嗚嗚嗚，
好彩有治療師安撫我，話做埋個補水面膜後，紅印就會散架喇（成個心都定晒）。

  

終於到了今日嘅主角，JANSSEN的皇牌透明質酸安瓶精華出場！
呢支AMPOULES勁嘅地方唔單止深層補水，減淡幼紋好有效外，
佢包裝時用上一級安瓶技術，無菌無添加真空包裝，
用起上嚟好安全又衛生，絕對喺信心保證。

  將精華勻均塗上面後，再用超聲波儀器做導入，
將效用發揮得更好，令精華更易滲透到肌膚底層。

NicNic皮膚太乾喇～精華好快吸晒，搞到治療師要不停為我補上。

導入完之後隨即塗上gel mask＋倒膜鎖緊精華，
加快吸收！好厲害！

 大家唔好以為療程咁就完，原來敷緊面膜時治療師仲會為客人做肩頸按摩，OMG～真喺好爽啊一流享受，敷敷下NicNic忍唔住睡著ZzZZzzz.....敷了20分鐘左右，治療師便會清走面膜，最後塗上基本護理就大功告成。

用後感:覺得皮膚多返水份，而且變得柔軟咗，又滑咗，紅印無晒，感覺成個人好精神！

做完療程我仲即時在房間的梳妝台上妝，感覺比之前更貼服啊～超讚啊

咁究竟NeoSkinLab 好唔好?我覺得唔錯啊～值80分，
一個療程可以幫我哋清走老廢角質、又可以補水、仲可以按摩，
真係幾值得再去呢～做完成個人好RELAX啊！

各位DRY爆嘅朋友記得去試下喇！

是次療程試做由品牌提供

療程效果因人而異

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜BABY．新品試用｜【潮B必試】Huggies全新 Platinum 鉑金級助防疹紙尿片！唔怕尿布疹，錫住寶寶 PATPAT！

FASHION、BEAUTY、TRAVEL的SHARING NicNic就寫得多，

不過最近踩過界，就連BB試用都玩埋⋯⋯哈哈！

全因多咗呢個小情人～小蛋黃呢！！！

老老實實喇～真係未生過，都唔知原來做媽媽係咁辛苦㗎＝＝”

成日個腦都會諗住個仔⋯⋯個心不停LOOP住

「飲咗幾多安奶呢？!要飲奶未呢？!食得飽唔飽呢？!有冇尿尿呢？!痾咗幾多屎呢？!夠鐘換片未呢⋯⋯」（－＿-；）

真係覺得自己顛顛地⋯哈哈XDXDXD

不過咁辛苦照顧佢，換返嚟就只係為咗見佢笑得開心又舒服個樣，

之前捱過啲咩⋯眨下眼就咩都唔記得晒LU

為咗令小蛋黃健健康康開心成長，佢用嘅所有野NicNic都會特別嚴選過！

尤其係「尿片」！嗱～利申咗先，唔係因為要寫試用文先咁講架，

其實好多BB都會因為長期著住尿片，個PATPAT經常都俾大便同尿尿醃住，

如果條尿片吸收力、通爽度唔夠好，好容易會刺激到個PAT紅晒，嚴重時就會生尿布疹㗎喇。

記得小蛋黃剛剛出世果排，NicNic又未搵到隻好用嘅尿片，都發現佢個PAT唔太通爽，間中見到紅紅地⋯

越用越驚佢會有尿布疹問題，心都痛埋(つД`)ノ。

所以當我知道Huggies推出咗全新 「Platinum 鉑金級助防疹紙尿片」時，個心真係超興奮！

撞正有得試用，即刻二話不說應承啦＼(^O^)／

Huggies呢款「Platinum 鉑金級助防疹紙尿片」係由韓國製造～

身為韓迷嘅NicNic，見到係MADE IN KOERA即刻心心眼XDXD～哈哈

其實Huggies幾貼心～呢個「Platinum 鉑金級助防疹紙尿片」系列有初生0碼至加加大都有～1包有30片（著到好大個都有） 

至於小蛋黃出世到依家只係個半月～磅數唔係太重，所以揀咗初生1碼著！

嘩～紙尿片設計得好可愛啊～*＼（≧∇≦）／*

正面印有SIZE，肚仔位置就有CUTIE熊仔＆星星PRINT～見到就已經滿心歡喜喇XD

依家就一齊睇下Huggies「Platinum 鉑金級助防疹紙尿片」咩特點先，

全新紙尿片（同舊款比較）改良同進步咗，令BB 個PATPAT乾爽得多！

全因尿片內表層特有「3D呼吸層」，以及有6000個吸收孔，能減少與BB肌膚接觸。

另外吸水珠珠嘅數量及容量，都分別都增加咗22%，所以可以KEEP住乾爽。（＾ω＾）

而新尿片嘅外層擁有千萬個納米級透氣微孔，有助呼出悶熱濕氣，自然可以減少紅pat pat出現！

另外，值得一讚就係果個「立體防漏背小袋」同埋超貼身大脾位！

我諗好多媽媽都試過中招(｡-_-｡)⋯⋯抱抱下BB，突然濕濕地⋯⋯

因為著尿片時包得唔夠好～背脊、大脾位好易會漏便便同尿尿╴搞到成身都係⋯都咪話唔狼狽～((；ﾟДﾟ))

但呢款新尿片唔單止唔怕漏尿、連大便都包得好穩陣((o(*ﾟ▽ﾟ*)o))

全靠有立體防漏背小袋⋯⋯防止到尿液及稀便從後漏出！

而大脾位都設計得好有彈性又夠貼身，BB郁身郁勢都唔怕，超正。

仲有！仲有！就係初生零碼、NB碼及細碼獨有嘅設計～＞稀便速吸層喇～快速吸收稀便，

減少與寶寶肌膚接觸，保持乾爽。

最近有一次NicNic忘記了幫小蛋黃換片，足足著咗7個鐘Σ（ﾟдﾟlll）換片時已經成斤重XDXD

但我發現尿片入面竟然仲好乾爽，唔會痴住個PAT～感覺幾好！

小蛋黃仲KEEP住心情大靚～WAKAKAKA！

最正就係有醫學實證呢款新尿片有助預防尿疹，信心自然大好多啦！啱晒我心水（≧∇≦）

仲有呢個腰圍位～真係幾令我SURPRISE！＼(^o^)／

特有環抱式彈性腰圍設計，真係好似成人果啲橡筋褲頭一樣，伸縮自如，好有彈性～

令我唔駛再擔心束到小蛋黃個肚DUM仔，你睇佢著得幾開心（≧∇≦）

最後就係要介紹埋佢果個「雙線尿濕顯示」，感覺比之前用開嘅尿片更容易睇到痾咗幾多尿尿～

啱晒我呢個大懵媽媽，幫BB勤力換片，減少出尿疹嘅機會(￣▽￣)

（嘻嘻～！眼利嘅朋友就會見到左下位痾咗便便，但個防漏邊保護得好好，真係無漏出嚟，好堅啊！）

咁究竟講咗咁耐Huggies「Platinum 鉑金級助防疹紙尿片」好唔好用呢？

NicNic就覺得今次試用真係幾滿意喇～外觀上尿片設計得好可愛，後面又見到好清楚著緊咩size

而且新紙尿片又無漏、質地柔軟呵護住BB皮膚，令佢著得好舒服！（＾ω＾）

最開心就係條片透氣度好高，著完Pat Pat又唔紅喎～真係安樂晒！(^O^)

終於唔駛左試右試喇～有Huggies「Platinum 鉑金級助防疹紙尿片」

就可以錫住小蛋黃個PATPAT一直到佢大個仔啦！

謝謝Huggies！謝謝公關姐姐 

＊以上資料由Huggies 提供

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜美容．新品試用｜令人又愛又恨嘅美白新寵兒！法國高級品牌La Biosthetique光源淡斑面膜及光原淨白磨砂

大家可能對La Biosthetique呢個品牌有啲陌生，但其實來頭一啲都唔細，佢喺法國巴黎高級美肌護髮品牌，仲擁有60年歷史架啦！佢哋頭髮護理產品在世界各地尤其出名，不過除咗護髮產品都一樣好受歡迎，感覺亦都非常矜貴奢華！

最近La Biosthetique喺亞洲地區率先推出轉為亞洲人而設嘅全新Blanc de Beaute光源透白系列～嘻嘻~多得~Classes.com~NicNic今次都有機會試到佢全新Blanc de Beaute系列嘅光源淡斑面膜及光原淨白磨砂！超開心啊！有得扮下高貴少婦用高級護膚品~呵呵！

老實講色斑、膚色不均勻、暗啞無光澤對於我哋亞洲人嚟講~

真係一件好難解決嘅肌膚問題，所以只要有Blanc de Beaute光源透白系列產品就可以幫到我哋解決肌膚問題，產品蘊含一種活性成分脂氨基酸，證實比其他常見亮白成分更有效解決色斑同色素沉澱問題，令到皮膚從內到外有返光澤，成個人都精神晒啦！

事不宜遲先從PEELING入手試啦！

我手上呢支就喺光原淨白磨砂Enzyme Gentle Peeling啦！
成份蘊含天然酶，有別於傳統磨砂粒子
擠出嚟時~質地屬於CREAM狀，
觸感幾幼滑~完全FEEL到有啲磨砂磨塊面

試上手時就發現效果都幾理想，

有做PEELING嘅位置~真喺即時白滑咗~好強！

磨砂膏能直達面部毛孔，溫和潔淨污垢，透過分解多餘油脂及角質
細緻毛孔同促進細胞再生，功效真喺好多。啱晒我哋呢班經常要化妝嘅上班一族，尤其夏天皮脂分泌特別旺盛，勤力d清潔毛孔都無咁易阻塞啦！

所以NicNic按摩時，特別會在額頭、鼻翼、下巴位置加強按多幾個圈，

5-10分鐘左右就用暖水洗淨就得。

用後感:
試上面後覺得磨砂膏幾易推，感覺好似幫塊面塗cream一樣，

加上因為柔滑質感，即使打圈按摩都唔怕磨損塊面，

而且聞落去有少少香味，清新得嚟都舒服！

最令人驚喜就喺做完peeling之後，即使冇即時塗面霜，

塊面都唔會出現乾緊感覺，亦無敏感情況，

毛孔緊緻咗，皮膚有光澤感，效果令我好滿意！

做完清潔後，主角>>La Biosthetique光源淡斑面膜出場啦！

一盒入面有6片，價錢$1200(屬於上價)

成分除咗有可以解決色斑同色素沉澱活性成分脂氨基酸外，
芥末油及大豆異黃酮複合物亦有效阻隔黑色素形成，均勻膚色，對抗肌膚老化；

青檸萃取蘊含豐富維他命 C 及果酸，能刺激肌膚細胞更新，對抗自由基侵害；

玉米、大豆及甘油有效為肌膚提供密集保濕、滋潤及平滑肌膚
高效改善膚質及提升肌膚緊緻度以柔軟性！

嘩～講到功效咁好～唔試真喺對唔住自己！

打開個錫紙袋就見到入面有超多精華成分在裡面XD~超厲害啊！

面膜嘅面同底都分別有保護膜包住，

撕開後就見到呢塊透明由天然發酵椰子奶衍生的生物纖維面膜，

而纖維面膜好唔好，「貼」絕對喺先決條件！

即刻試上面測試下先！
MASK嘅SIZE對於Nic嚟講~偏大少少，需要邊沿位置褶少少
但整體感覺好貼面，值得一讚！
敷20 分鐘左右，feel到美白同水分精華不停PUMP入肌底啊XD正！

俾個小tips大家，記住由上至下貼上去啊！

用後感:

敷完之後，精華好快被皮膚吸收晒，
滋潤得嚟唔會覺得好笠~

而且都幾補水，啱晒夏天經常處於冷氣地方嘅sis用！

皮膚即時亮白咗，亦都有光澤感，令我一試愛上！

加上mask嘅精華真喺好多，

有淨記得用嚟再按摩下面部、頸或者身體都得，

絕對唔可以浪費！

唯一美中不足~就喺價錢略貴，

唔算喺平民價~但真喺覺得幾好用，
令人又愛又恨啊！

銷售點 :

LA BIOSTHETIQUE COIFFURE BEAUTE

中環威靈頓街50號華威大廈2樓 

LA BIOSTHETIQUE PARIS

銅鑼灣世貿中心Beautc P1C2舖

免責聲明：

是次服務／產品／產品資料由Panasonic提供，
CLASSES.com.hk 邀請是次試用。

希望大家喜歡NicNic的分享

歡迎找我合作試用、出席活動