曹星如都有做！試做LPG M6 Endermologie®全身護理療理@Dermagram！千年疲勞一吸就冇！

講到近排最HIT的男人一定唔少得香港神奇小子曹星如啦⋯21連勝的不敗紀錄除咗要俾個「勁」字佢外，就係一個「服」字！每次見到佢打到口腫面腫，成個人傷晒時就「鄧」佢老婆心痛啦⋯不過原來曹星如都有一個獨門秘技，佢個教練會用一部天然美容儀器-叫做LPG第九代Cellu M6®呢部機幫佢做紓緩喇，而呢部機嘅treatment係Dermagram就有得做喇～透過LPG Endermologie®全身護理療理可以幫我哋紓緩痛症、紓緩肌肉酸痛、運動後的疲勞等等！嘩～好似真係好堅咁啊～其實自從nic生完小蛋黃後，每日都忙住湊佢，尤其小蛋黃越來越重，雙手、肩、腰背都好似孭過10斤米一樣，經常都覺得好痛又繃緊，所以當我知道Dermagram 有呢個LPG療程試做之後，即刻覺得好吸引，好想試吓WORK唔WORK！

當日nic就上咗Dermagram位於銅鑼灣金朝陽中心試做呢個星級療程！哈哈～去的途中～我有幻想過會唔會俾我撞到曹星如XD當然由屋企到正式推開門口時⋯⋯都係「冇人」哈哈哈！（諗多咗XD）

轉眼間我又俾Dermagram大堂部夾熊仔機吸引住⋯啲熊仔好得意呢！原來呢個GAME唔係夾熊仔咁簡單⋯而係送treatment俾客人啊～只要買滿$3000就可以夾一次，真係要讚吓marketing同事好有心思！

8掛完一輪，nic終於乖乖坐定定，因為Dermagram職員已經幫我準備好拖鞋啦！在門口換鞋呢個動作比較少見，通常都係正式入房做treatment時先至換！今次幾有新鮮感，而且覺得衛生得多，可以避免到鞋底的污糟野帶入去，呢個point我非常LIKE！填完個人資料，飲埋杯茶⋯定一定神就正式入去啦！

入到房間～有別於豪華路線，屬於典型的醫學乾淨feel房間！老實講～簡單乾淨整潔對於nic嚟講係最重要，而且感覺親民啲，無咁拘緊！

因為今次係做LPG M6嘅全身護理療理，所以要換上T-back同真胸穿上保護連身衣！其實真胸真係有少少尷尬架⋯好在治療師教我用紙巾遮一遮OO重要部位⋯感覺就無咁尷尬喇

呢部就係傳說中曹星如都用嘅天然美容儀器-LPG第九代Cellu M6®～聽治療師講呢部來自法國嘅LPG機提供100%天然及非侵入性療程，採用Endermologie®專利技術可以活化細胞，做到好多不同功效！例如撫平皺紋、收緊肌膚、淨化膚色、改善雙下巴或者纖體、塑形、收緊肌膚，而我就選擇做紓緩痛症、紓緩肌肉酸痛、運動後的疲勞功效的全身護理療理！

穿好保護衣後就開始試做LPG啦！治療師會事先向我了解⋯肌肉酸痛的重災區，然後就按照身體各個部位逐一吸⋯吸⋯吸！當然重災位置，好似肩、腰背、手臂會特別吸得長時間一點。哈哈～容我搞事少少講～呢個天然美容儀器-LPG第九代Cellu M6®⋯個機頭運作起上嚟真係好似吸塵機一樣XD

其實最初我都怕做LPG M6會唔會痛，或者會好似泰式按摩果類，出盡力去按肌肉⋯原來統統都錯，吸嘅過程好輕鬆舒服，有啲涼風，少許輕微按壓感，少少酸軟但唔痛⋯⋯唔覺意就瞓著咗⋯

試做LPG嘅1個小時療程，好快就完！做完之後，感覺好似做完一大輪伸展運動，明明之前好緊嘅肌肉都神奇地鬆晒，好似無做過野⋯齋瞓喺度就已經舒服返晒，真係好正！怪不得曹星如都做啦～nicnic建議長時間對住電腦做野的OL們、上班族，或者經常都要企、四圍走、拎得多重野嘅朋友都可以一試！肯定有意想不到的驚喜！

是次療程試做由品牌提供

療程效果因人而異

❤EMAIL❤nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

LET’S START！【Nu Skin－TR90體型管理計劃 】90天重拾自己最靚身型

作為一個美容BLOGGER貪靚絕對係天生本色，自從有咗BB之後心情變得好矛盾，每日期望見到BB健康長大，但另一邊廂又見住自己個肚一日一日咁大落去，連鏡都唔敢多照，所以體重管理真係好重要！

最弊自己鍾意影OOTD⋯唯有著連身裙、闊身衫⋯每次出街都想用盡辦法點遮身型，但紙又點包得住火⋯去到8、9個月時，想遮都遮唔住⋯直到生完BB，心情更加壓抑，加上餵母乳嘅原故，開初為要上奶我的飲食習慣就喺22222，即係每日5餐每餐2碗飯⋯OMG！嘩～感覺果段時期食咗我呢一世人嘅飯量，身型仲肥過未生之前⋯⋯嗚嗚嗚！產後修身？NIC媽第一時間同我講〝咪諗〞!

頭3個月⋯nic完全唔敢上磅，又唔敢影相！幸好後期湊BB加上餵母乳、減飯量等等，修身的情況不算太差，體重慢慢回落到100磅以下，不過磅數不代表一切，肚腩位，絕對喺重災區，〝鬆POUPOU〞嘅肉肉⋯非常〝硬眼〞，作為一個有要求嘅人，當然睇自己唔順眼啦！不過每日都將心機放晒喺個仔身上，雖知道做運動喺其中一個修身同減重嘅有效解決方法，但一有時間都寧願瞓喇～做？動力欠奉！

而且最近放咗個小假，美食當前「梗喺食咗先講啦」XD⋯唔甜唔肥唔健康都唔放落口，健康飲食？！咩嚟架？最多返嚟斷食囉～不過睇返自己啲相⋯大部份都喺CLOSEUP或者半身！點解？因為識做嘅邪留丸幫我避一避囉！就喺呢個原因令我的起決心，我想搵返未生前嘅身型，我要在今個夏天搵返〝自己〞著返BIKINI！為咗更有效同健康地復原身型，搵返線條，我一定唔會揀節食減肥，搞到個身體差之餘，又達不到我重點修肚腩嘅要求，最近我留意到NU SKIN研發嘅【ageLOC®TR90® 體型管理計劃】，似乎非常適合我嘅要求，唔會盲目減肥，喺一個90 天體型管理計劃，主力提倡健康體重管理，配合營養補充品和適量運動塑造美好線條，並培養一個持之以恆3333＋均衡嘅飲食習慣！

既然下定決心，就一於上去NUSKIN了解一下自己身體狀況先！果然單睇磅數完全反映唔到我身體問題，一CHECK之下就見到我嘅內臟脂肪指數同肌肉量都唔合格，中央部份積聚咗全身比例最多嘅脂肪，而且肌肉量亦不足，就係線條唔夠firm同靚嘅原因！由4月開始nic展開為期90日嘅【ageLOC®TR90® 體型管理計劃】！

嘩～呢盒就喺3個月份量嘅【ageLOC TR90 體型管理計劃】啦～我抬佢返屋企時，真係唔簡單啊～真係好重架！講返正題先XD其實呢個計劃主張幫我哋建立返健康生活態度，藉著持之以恆的3333+飲食計劃、定期運動，以及配搭營養補充品，強調脂肪及肌肉的比例，減掉脂肪並促進肌肉維持的重要性！無錯，對我來說一個長遠而有效的健康管理，才是王道。急不及待要同大家開箱！

入面包括有：

ageLOC®TR90® JUMPSTART 啟燃飲品


ageLOC®TR90® TRIMSHAKE 均適奶昔


ageLOC®TR90® CONTROL 星沛膠囊


ageLOC®TR90® FIT 勻致膠囊

呢款 JUMPSTART 啟燃飲品-每朝飲一次用來促進新陳代謝、維持現有肌肉量及控制食慾，NU SKIN嘅 Product educator 話JUMPSTART可加喺自己喜歡的飲品中飲用，又幾free喎！讚！

TRIMSHAKE 均適奶昔，則用來控制熱量，同時提供優質蛋白質，能有助延長飽足感。VANILLA味好正架！隨盒仲附送MILK SHAKE樽，好貼心呢！

而FIT 勻致膠囊係每日早餐及午餐前15-20分鐘各食2粒，有效促進新陳代謝、燃燒多餘脂肪，Keep fit一流！

控制體重嘅過程少不免會影響心情，而CONTROL 星沛膠囊同樣係每日早餐及午餐前15-20分鐘各食2粒，可以幫控制食慾嘅同時，又可保持愉快心情。

另外，偶然都會出去大吃一餐，為咗唔好令一個星期辛苦KEEP返嚟嘅成果功虧一簣，我會配合埋纖麗植物營養素，就可以有助減少身體吸收過多脂肪及卡路里，就算果日食多咗少少都唔駛太過擔心啦XD

而最令nic驚喜同喜愛就喺呢個簡單有效的3333+飲食原則！每日3餐都可以攝取包含能量五穀(穀類、麵包、米飯等)、肉類蛋白質(雞、鴨、牛、豬、魚、海鮮等)、非肉類蛋白質(奶類、蛋類、豆類等)、繽紛蔬果類各一份，最緊要喺均衡飲食，節食NOWAY！而且仲可以唔駛計卡路里，啱晒我呢D懶人心水！份量食幾多？！哈～記住拳頭同手掌就得！除左肉類蛋白質以一個手掌掌心作量度單位之外，其他都係用一個拳頭量度。每個人手掌同拳頭size都唔同架，自己食返岩自己嘅份量就攪掂，喺咪好簡單呢XD總之一步一步慢慢調節，我跟到就盡量做好！輕輕鬆鬆又一餐！

最後，亦喺最重要一環，就喺要乖乖做運動啦！運動在健康管理中扮演了相當重要的角色，不同的體脂率對體型有顯著影響，我相信只要堅持3333+飲食的同時，再配合簡單的帶氧運動，訓練肌力和肌耐力，應該可令我肌肉比脂肪比例得到改善，令線條變得緊實。

希望在嚟緊嘅夏天，ageLOC®TR90®體型管理計劃可以幫我達成搵返自己，成功修身嘅目標！一定要加油啊！

是次療程試做由品牌提供

療程效果因人而異

❤EMAIL❤nicnicheung@gmail.com
❤IG❤
http://instagram.com/nicnicheung
❤FACEBOOK FANSPAGE❤
https://www.facebook.com/cheungnicnic
NicNicCheung