｜美容．新品試用｜搶先試用韓國大熱Faith in Face「Coating Cream」美白補濕孖住上！

早前因為要重新投入工作，時間分配方面要重新計劃過，
所以少了時間寫blog~真的要跟各位粉絲說聲對不起！

不過NicNic對韓國嘅PASSION從未減退過，
尤其對韓國美容產品簡直喺死忠粉絲，
其實最近我試咗好多新產品，
哈哈～趁有時間即刻同大家分享一下試用感受先…哈哈！
所以今日美容新品試用文又回來啦XDXD

這次想要跟大家分享試用韓牌Faith in Face

在香港新推出嘅「白天鵝水光導膜面霜Swan Feather Coating Cream」喇！

其實近年Coating Cream在韓國非常流行，

好多韓妹都勁讚「補濕」功效一流！

咪住咪住~正式入戲肉前，

NicNic好想講下品牌嘅新代言人金莎朗先，

我每朝坐地鐵返工時見到佢個廣告都會忍唔住望多兩眼~~XD
睇韓劇《親愛的恩東啊》時，見佢d皮膚咁白滑就已經好羨慕啦，

唔怪得之Faith in Face會搵佢合作啦~(望住張相陶醉中……(✿ฺ´∀`✿ฺ))

睇完靚女後，講番正題先！

見到「SWAN FEATHER」就知道產品成份肯定同天鵝有關啦～

原來天鵝在嚴寒的冬天仍能在湖中暢泳，全因牠們擁有得天獨厚的天鵝油保護，

於是Faith in Face根據天鵝油的優點，

研發出仿生天鵝油嘅「白天鵝水光導膜面霜Swan Feather Coating Cream」！

其實仿生天鵝油具有好好的保濕鎖水效果，通過臨床測試，

証實使用28天後，肌膚保濕力及光澤度均顯著上升，

為我哋嘅肌膚帶來一層好似天鵝油般的輕巧導膜，
保護到皮膚之餘，同時做到保濕鎖水美白效果，

~真喺幾得意架！

等我打開睇下先，

肉眼睇同平時用開的Cream無乜分別，乳白色的cream狀質地，

也沒有任何香味，舒服又自然。

摸上手時就覺得佢係介乎清爽嘅gel同潤身的cream之間，

感覺幾柔滑，好易推開。

推勻之後皮膚覺得有d潤，

最初我都有d擔心~呢種潤潤地嘅cream唔係太適合香港用，
始終香港天氣無韓國咁凍&乾燥
最慘係鬼死咁潮濕，好怕用完之後個面會好「笠」……
生粒粒點算好>.<

不過塗咗上面之後，面霜會好快會俾皮膚吸收，
幾滋潤舒服，之前擔心嘅「油笠笠」感都無出現過！

睇番d資料先知，原來面霜採用了納米鎖水層導入技術，
所以成份可以迅速滲透到肌膚底層，不會殘留在肌膚表層
而且個質地都設計到好輕透清爽，
唔會有黏膩感出現，
呢方面真係幾正嘅！

成個Cream最有趣嘅地方就係過咗一陣好似真係有一層薄膜蓋咗上面，
突然間覺得真係好似有好多天鵝羽毛包住自己塊面……hahaa
每晚臨瞓前用，第2朝起身時都keep到水油平衡，
唔會好乾又唔會成面都係油。

不過最HAPPY都係價錢方面，
咁大盒有成50ml都只喺HK$185，你都咪話唔抵！

講真，NicNic之所以buy韓國護膚品同化妝品，

真係因為好多都喺走平靚正路線，

好用唔一定要貴，貴又唔一定好用，
適合自己與否~真係要試過先知！

其實Coat Cream嘅用處真係好多，
妳除咗可以上妝前用卸妝棉當mask敷下之外，

唔少韓妹仲會 Mix埋粉底一齊用，
就連Get it Beauty都有教過
包妳個妝貼好多！
大家可以去參考下！
https://www.youtube.com/watch?v=fiG13cVDquM
好啦今日嘅介紹又差唔多啦~
過幾日再介紹下詢問度好高的
Bisous Bisous Call Me a Crystal水晶美肌系列嘅彩妝品先！

銷售地點： 萬寧獨家發售
網址：  www.faithinface.com.hk

希望大家喜歡NicNic的分享

歡迎找我合作試用、出席活動

 

｜美容．新品試用｜Philips負離子造型梳潮襯daily look！每日潮物隨身！

同大家share自己嘅穿搭，係NicNic最鍾意做既事！
無論髮型、衫、手袋、飾物、鞋，全部都希望可以襯到最盡，真係少d心機都唔掂XD！
不過每逢去到秋冬天氣比較乾燥嘅季節，頭髮問題就最令我困擾，

梳黎梳去把頭髮都係唔貼服(可能染得髮多，髮質唔多唔少都DRYDRY地)…Orz

有時去到D環境比較乾燥嘅地方，靜電搞到D頭髮一支支飛起晒，
成個天線低低B咁…你都咪話唔樣衰！

或者遇啱在街上影相時，只要風一吹，之前SET好晒嘅造型通通無晒，真係灰到喊！
即使出動到「五指梳」，er……我覺得完全幫唔到手！

雖然依家P圖既威力大得驚人，不過亦都唔係下下靠執架，真係要見人架嘛…！

好彩上個星期收到Philips送俾我既窩心小禮物！

嘩~真係即時有種被打救嘅感覺！

一打開個盒就見到4個EASYSHINE Ionic Styling Brush負離子造型梳!!!!!!!!!

OMG!!!!好大手筆唷~

白色LACE、粉紅&金啡既豹紋都係今季最新出設計圖案，

嘩~豹紋好型，LACE又好優雅好靚啊！我都超鍾意啊!!!!!!

而粉藍色果款就係之前推出嘅糖果色系列，成個感覺又會變得少女左！

連埋今次推出的3款新設計，

全個EASYSHINE Ionic Styling Brush一共有7款圖案咁多，

我諗無論你係咩STYLE既女仔都一定中你「紅心」……HAHAA

叫得負離子造型梳當然唔係普通梳咁簡單啦！
佢最特別既地方就係識得以1,300萬負離子中和靜電，
只要輕輕一梳，
毛躁飛散的頭髮會即時貼服柔順晒！

呢個時候大家都可能會有疑問，就係d負離子點黎架?!
佢當然唔係神奇到可以自己發負離子啦~

係要入電架，HAHAA~
(打開個CUSHION梳部份，就可以見到放3A電芯位置)備有開關制設計，用既時候只要開著佢盞燈著左就用得喇~

即刻試下梳一梳前面d瀏海先！

我覺得前面d髮絲真係即時貼服晒！

啊~呢個充氣梳墊又真係梳得幾舒服，
均勻分佈力度，梳嘅時候好似按摩緊個頭皮咁！

加上佢每一根梳齒頂端都係採用球狀的無縫設計

防止在使用過程中對頭皮或因拉扯而對頭髮造成傷害，

呵護頭皮好貼心呢！

另一個開心位！
就係呢個Cushion梳墊拆卸好方便，
想幾時洗就幾時洗，又唔怕藏污垢！

要俾個LIKE佢！

最得意就係當妳開著左嘅時候，

放埋耳仔就會聽到輕微吱吱聲~

好搞笑XDXD

不過講到最開心就係呢幾把梳可以襯到我每日嘅Outfit！

想型d嘅時候就可以用粉紅豹紋圖案！

感覺一d都唔odd！

即使一向用慣小手袋或者Clutch嘅我黎講，

將把梳放在手袋入面都絕對無問題！

最特別嘅地方就係佢設計得唔似一把梳XDXD
我拎出黎用嘅時候大家都好好奇問我究竟呢舊咁型嘅野係乜東東，

即刻覺得自己潮咗，暗爽啊！

想轉玩優雅斯文嘅穿搭時，

我就會搵另一個LACE圖案黎襯喇XDXD

以前嘅Nic手袋入面一定有「銀包、電話、唇膏」3寶！

依家終於多咗件寶物喇，就係「Philips負離子造型梳」！

嘻嘻~呢把咁潮嘅梳，

話咁快就已經成為我最近嘅Must Have Items！
就連Office都忍唔住要放返把～哈哈！

最後果把~

我已經打算用來送俾BEST FRIEND做聖誕禮物啊！

嘻嘻~我諗妳一定會鍾意嘅！

今日分享又差不多喇~

下次見啦>3<

後記:有唔少朋友追問我Philips負離子造型梳幾多錢XDXD

我費事逐個答啦~喺呢度一次過講先:

新圖案！粉紅迷豹紋、棕色迷豹紋、清雅白蕾絲 各HK$318

純淨天空藍、典雅夢幻紫 各HK$238

浪漫櫻花粉、日系復古黑 各HK$268

更多詳情可到PhilipsBeautyfanspage:

https://www.facebook.com/PhilipsBeauty.hk

希望大家喜歡NicNic的分享

歡迎找我合作試用、出席活動