2020/04/02

口罩之日常|即試Esthederm噴得上面嘅精華!一起回復水潤拯救口罩危機



大家對於這支閃閃發光~銀色樽身的Esthederm皇牌產品「細胞噴噴水」 #注活細胞水漾精華噴霧 應該不會陌生吧?!其實幾年前Nic早就跟大家介紹過!
可能大家會問,為甚麼還要再介紹?沒有新品嗎?
不是啦⋯已經不記得空瓶了多少次,而且很適合這個天氣和抗疫時期使用,
所以就跟大家分享一下囉!


擔當得Esthederm皇牌產品,這支「細胞噴噴水」當然不簡單啦~
保濕這方面,真的很不錯!
主要成份是獨有100%專利細胞水,蘊含透明質酸,深入肌底傾注水潤養份。
大家都知⋯最近天氣開始轉,時悶熱、時下雨、時潮濕,
肌膚最難適應,很容易出現缺水問題,這時「細胞噴噴水」就能幫到手!
不但能幫肌膚飲飽水,而且仲可以增強後續護膚品的吸收力,繼續KEEP住水潤。


用法很簡單,每日早晚,洗完面做完爽膚後,就會距離面前20cm噴一噴,

再用溫暖手心拍一拍,等肌膚吸收後就可以再塗面霜或精華就可以,很方便!




Nic很欣賞這個噴咀,可以噴出很綿密精華水,均勻分佈肌膚上,
不像其他同類型噴霧,大滴大滴地噴上面,妝都噴溶=~="

注活細胞水漾精華噴霧除保濕功能之外,亦可以優化細胞存活環境,
延緩細胞衰老同時促進細胞新陳代謝,提升細胞抗氧力,
有效抵禦3種自由基的傷害⋯換言之,「細胞噴噴水」幫助到肌膚KEEP住年輕,
你們看~上面噴過精華水的手背肌膚比較水潤有光澤一點啊!
對於我哋呢D過左30歲後嘅女人來說,
有抗老功能也是揀SKINCARE必要條件!


「細胞噴噴水」第三個好處,我覺得絕對係一個彩蛋,是最近才發現!
因為疫情關係,Nic跟大家一樣都要戴上口罩,
也出現不少朋友都遇到嘅兩大問題!
第一,粉底印落口罩上,搞到甩晒妝⋯
第二,戴口罩時間一長,面部就會焗到出油,開始有少許爆瘡情況出現⋯
最初,上面這個兩問題也困擾著我,

不過我發現原來用「細胞噴噴水」也可以解決到問題,
每次上妝後,只需輕輕噴一下,用紙巾輕印走多餘水份即可,
用來定妝效果出奇地好,也減少脫妝嘅機會。
而每次戴口罩前⋯也可以噴噴,
然後再用紙巾印走油份,讓面部表面回復清爽,
讓肌膚保持水份,繼續發揮防禦功效,
為了拯救爛面嘅危機同脫妝嘅醜態,大家不防試試啦!


以下有個SHOPPING小貼士!
只要去透過gratus呢個網上購物平台》https://www.gratus.com.hk/s/539AK4 
填上優惠碼【13ES2004】,
就可以用75折買Esthederm注活細胞水漾精華噴霧啦
快啲去睇下!

是次產品及資料由品牌提供,純個人意見及分享。

❤EMAIL❤

❤IG❤
❤FACEBOOK FANSPAGE❤



2019/11/21

貪心女人福音!Lancôme 2 合1 CUSHION一盒完勝達成多個上妝願望!

有非研究顯示有10個女人9個都會有「貪心」!
「你無?!」嗱嗱嗱~咪我住先!
就拎揀「粉底」出嚟問下就知你有無啦~
1)上妝時會想均勻貼服得嚟又夠長效補濕先?
2)如果可以邊化妝,邊有修護肌膚功能就更好~!kkkk.....
3)粉底+遮瑕2合1,仲可以好輕便拎得出街,方便隨時補妝,唔駛帶一大堆化妝品出街~又唔錯WOR~
4)外型夠靚,襯埋造型方便隨時補妝就更PERFECT啦!
嗱~睇到啦~以上條件我相信係所有女生揀粉底時,
都會想一次過滿足晒,你話係唔係貪心先!



HAHAA~其實少少貪心都唔係錯JE~最緊要係真係搵到!

今季Lancôme推出了超強 BLANC EXPERT CUSHION URBAN DUO PALETTE升級版瞬白亮肌雙效遮瑕氣墊粉底組合,真係可以一次過滿足晒化妝同時護膚、上妝同時遮瑕!

BLANC EXPERT CUSHION URBAN DUO PALETTE
升級版瞬白亮肌雙效遮瑕氣墊粉底組合 HKD432

我手上呢盒就係Lancôme的最新成員
Blanc Expert Cushion Urban Duo Palette
外型SO COOL吧,聽說專為亞洲市場而設計!
我個人覺得型格得嚟又可以好優雅!
粉餅外圍係女生最愛嘅玫瑰金色
纖薄純白粉盒上加入品牌玫瑰標誌,奢華得嚟又夠時尚!

無可否認今時今日女性,個個忙返工又要照顧好家庭,
早上俾自己化妝嘅時間越短越好,
所以Blanc Expert Cushion Urban Duo Palette推出
呢盒多效合一又能省時嘅Cushion產品
就啱晒我哋需要!

打開俾大家睇下入面係點嘅先~
其實二合一嘅意思係指一盒Cushion裡面集齊粉底+遮瑕膏。
可能你會問粉底JE~有咩咁巴閉!
哈~!真係幾巴閉架~

氣墊粉底採用原裝Blanc Expert Cushion為基礎,擁有所向披靡的配方
能深層保濕,同時保護肌膚免受都市環境侵害,
粉底亦備有SPF36/PA+++防曬功能,呢個度數平日上班出街亦都夠晒用。

試用#BO-01色調對比效果:


#BO-01色調屬於比較偏白一點,最初我也擔心會唔會太白,
想不到上面後,打消了過白的想法,
而且仲幫我均勻返膚色,底妝透薄自然,
提升光澤感,效果真神奇!
冬天應該揀粉底型號啦~
始終到了冬天,戶外活動減少左,
少左機會曬黑,膚色自然會比夏天白得多,
女生們揀選粉底時分開夏天及冬天色調,
不要偷懶一盒用足4季唷!


粉餅上半部係粉底,
而下面則是柔滑遮瑕膏,
針對性修正黑眼圈及其他瑕疵而設。
我個人覺得Cushion加入遮瑕膏真係幾方便,
始終出左街,化妝袋容量亦有效唔可以帶備咁多種產品補妝,
正正Blanc Expert Cushion Urban Duo Palette就幫到手!
用來修飾黑眼圈、暗瘡印、咀角及鼻翼位置就最好!
粉盒藏有粉底連遮瑕膏之外,還附設一個水滴形全新雙面粉撲
絕對係上妝及補妝好功具!
Ruby-cell的一面供抹上粉底液,
另一面絨面則為黑眼圈細緻遮瑕,
摸上手好柔軟而且好綿密!
尤其絨面個尖頭位,見到都覺得好治癒,
實在唔忍心整花佢XD~


或許呢個全新雙面粉撲就係上粉貼服嘅秘訣之一~HAHA
輕輕沾取粉底,即可印上面,
一下一下印滿全面,又可以修飾瑕玭,成個妝自然透薄!


最開心就係粉盒方便攜帶,
又充滿時尚感,我可以隨時隨地上妝、遮瑕和補妝。
超滿意Lancôme 呢個2 in 1新成員Blanc Expert Cushion Urban Duo Palette!


今次出BLOG除左介紹新成員,
仲想介紹埋超有節日氣氛,而且仲係限量版嘅
BLANC EXPERT CUSHION CASE
限版升級版瞬白亮肌氣墊粉盒呢!HKD$100 (CASE ONLY不含粉樸)

我個人覺得呢個限量版CASE真係靚到不得了!
用來當飾物襯節日造型、
開PARTY補妝拎出來,簡直無得頂啊!


當然~佢除左個樣靚之外
都好有內涵架!
因為個餡⋯係可以放全新升級版配方嘅Blanc Expert Cushion入去架!

呢個全新升級版配方嘅
BLANC EXPERT CUSHION保濕氣墊粉底 HKD 290
一盒補充裝已包含一個Cushion同一個粉樸,
價錢屬中價,我覺得合理!
這次同樣都係揀左#BO-01色調。


裝好CASE內後,撕走保護貼紙即可使用!


呢款氣墊粉底專為均勻膚色而研製,
同時為肌膚深層保濕,
而且仲可以發揮24小時保濕功效,
啱晒冬天乾燥天氣使用,
唔怕缺水而出現種種乾紋問題!
試上手時,薄薄一印已經覺得好有水潤光澤感。


全面塗勻後,唔會有種灰白效果,
反而有種健康明亮嘅自然妝感。

聽講 Blanc Expert Cushion擁有嶄新天然親膚配方,能夠保護肌膚!
加上蘊含抗污染及抗氧化成分、以及有SPF-36防曬功效,
發揮保護功能,咁就唔駛怕環境污染侵害我哋皮膚。
日日KEEP住用,Lancôme Blanc Expert Cushion,
肌膚唔單止會水潤飽滿之餘,
仲會變得細緻,就連瑕疵都減淡埋啊!
真係越化越靚啊!

好啦~今日嘅介紹又差唔多啦~
如果大家都對Lancôme BLANC EXPERT CUSHION及
BLANC EXPERT CUSHION URBAN DUO PALETTE有興趣,
可親臨專門店及門市睇下啦!
Website : www.lancome.com.hk
Facebook : www.facebook.com/lancomehk


是次產品及資料由品牌提供,純個人意見及分享。

如有任何查詢,歡迎以下方法聯繫

❤EMAIL❤

❤IG❤
❤FACEBOOK FANSPAGE❤