｜美容．新品試用｜會結冰既防曬霜你用過未?!試玩韓牌THEFACESHOP Ice Air Puff Sun！

有邊個女人會唔貪靚先?

尤其當你身在美容產品天堂既韓國，

各大品牌既美妝商店遍佈每一個角落，

好似便利店咁~總有一間喺你附近……想扮睇唔到都幾難！

好容易就會俾佢地吸引住~

然後又好自動地打開銀包放底d錢
亂咁買一堆野走

真係好似俾鬼迷咁XDXD

平日Nic對防曬產品唔算特別有研究，

但喺月頭時~NicNic在韓國無意中經過THE FACE SHOP

就俾呢個有「-5℃」既廣告牌吸引住

等二，就見到好靚既秀智PROMOTE呢個新產品

「Natural Sun eco Ice Air Puff Sun SPF50+ PA+++」！XDXD…hahaha

於是我就好敗家地帶左佢返香港！

究竟「-5℃」同防曬有咩關係呢?!

答案就係秀智手上啦！

見佢拎住粒冰你就知~呢支防曬同凍感有關啦XD

Ice Air Puff Sun係一支冷卻型防曬產品，

賣點就係可以為肌膚體溫降低-5℃!!!!!

有效防止因熱燥而導致的皮膚老化問題。

同時還具有防止紫外線、改善皺紋、補充水分及美白功效，

更有自然膚色的上妝效果！真係好正~

既然買左返香港，一於去試下好唔好用先！

打開盒蓋就見到使用指南，

韓英對照更有圖案指示，

真係非常清晰！

估唔到入面有一個Extra樸樸俾我地REFILL！

有多一個做SPARE~

即使用舊左都可以有替換，呢下幾貼心！

擰開個樽蓋就會見到個粉撲喇~

個撲撲好舒服柔軟，

唔係「鞋烚烚」

正式開始用Ice Air Puff Sun之前，記得留意呢個「OFF/ON」制，

佢係用黎LOCK住支防曬…避免唔小心壓到佢就會噴出黎！

好啦好啦！開始試用啦~

STEP 1:將啡色樽頭從OFF擰去ON

STEP 2:上下搖勻

STEP 3:按下啡色樽頭(呢個時候會聽到一下噴氣聲XD)

STEP 4:拿起樽蓋就可以用啦！

(P.S.唔用既時候記得LOCK返支防曬先啊XD)

WOW~大家睇唔睇到個粉撲啊!!!!!!

上面真係有傳說中既「冰」架XDXD

原來就先我地按個樽頭~D冰凍防曬就會從呢個小孔噴出來，

好搞笑~

先試上手FEEL下先！

塗在我手上既一瞬間，

WOW~我真係FEEL到冰涼快感！

而且上左皮膚之後~

唔似一般防曬咁油笠笠。

顏色方面都幾自然~唔會好黃！

另外，呢個防曬既其中一個好處就係有個小粉撲，

用法就係好似我地平時用開既CUSION粉底咁~

一下一下印上皮膚就OK喇~

唔會整污糟隻手~都幾方便AR~

BTW,唔知係唔係心理作用問題，

個冰感好似真係KEEP到一陣~

起碼~全程上妝都係涼浸浸先~~HAHAA~~~

再試下塗上面先~
優點:
基本上面部大部份既位置都無問題，
有粉樸幫助印得都算幾均勻，
唔會一撻撻。
加上佢既質地都算幾薄，
唔會好厚~重複塗抹都唔怕！
而且因為凍凍地~肌膚可以減低-5℃以上的溫度，
一路上妝一路降溫~好舒服啊！^^

缺點:
因為防曬霜主要噴在粉樸既中間位置，
當想用側邊部份印在眼周邊、鼻翼時，
FELL到佢就D難就位，
唔可以直接將防曬落喺凹入去既位置。
而且佢始終唔係粉底類既產品，
所以遮瑕效果唔係話好強~
不過絕對可以令膚色望落均勻D~
基本修飾係OK既！
如果你平日只習慣用防曬唔用粉底既朋友，
Ice Air Puff Sun值得一試！

總結:
在炎熱的夏季，THE FACE SHOP呢支 Ice Air Puff Sun，
為熱辣辣的肌膚帶來一絲絲清涼感真係唔錯既！
又可以降溫，又可以防止紫外線，
既補濕又滋潤~
而且又有自然既上妝效果，
加上佢不含有合成防腐劑成分，
降低對肌膚的刺激，
敏感型肌膚既SIS都可以放心使用。
今次分數會有80分！

下次繼續再同大家分享
其他韓國美容產品心得吧！

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung

｜韓國美食篇｜品嚐弘大新食店～辣烤小章魚＆煎餅 희야네 석쇠 쭈꾸미&빈대떡

大家最近都在擔心韓國MERS的疫況，

近排已經見到有緩和的跡象…實在太好啦！

希望事件快d過啦~大家平安無事就好！

今日一於為大家share早前在首爾品嚐既新美食，
刺激一下大家去韓國既慾望啦！XD

呢間就係大家近排去首爾弘大必食的烤小章魚＆煎餅店!!!

因為網路上有好多唔同既翻譯名有「喜也內」、「喜也列」、「喜阿內」……

但NIC自問韓文唔叻XD

所以都係稱佢做「弘大辣烤小章魚＆煎餅店」比較穩陣D！

其實烤小章魚係釜山著名美食之一，

不過NIC暫時未有機會去釜山，

但好好彩辣烤小章魚＆煎餅店在首爾開分店，
一有機會就去試啦！
餐廳非常貼心，無論係門口的介紹
或者入面的餐牌都有中文翻譯，
這樣大家就不用擔心唔知怎樣點菜！

NIC果日超LUCKY去到時竟然不用排隊，二話不說即刻衝入去啦！

呵呵~行運啊！

店內裝潢不是豪華型，
跟普通的烤肉店沒有太大分別，
只是沒有煙囪，
而隨身物品都是放在坐位的筒子裡面！
那天人客不多，可以任選位置坐~YEAH!

大家一齊來看看餐牌有甚麼好吃吧XDXD(中文餐牌問店員拿就好啦^^)

必點的人氣食品肯定是「烤小章魚」，

烤小章魚價錢不算太平要11000WON(HKD80)/1人份(最少要點2人份以上)，

分別有3種口味選擇，

有大辣(매운맛)、普通中辣(보통맛)和微辣(순한맛)，

除了人氣烤章魚之外，店內還有其他食品選擇，

例如綠豆煎餅、蝦或者海鮮湯等等，

炒飯也是很多韓國人必吃！

不過聽聞綠豆煎餅不算太好吃……
所以NIC跟邪留丸只是點了2人份基本烤小章魚，

至於辣味方面，

對於我呢個無辣不歡的人來說，

當然挑戰刺激的大辣啦^^

邪留丸的〝小菊花〞要小心囉……HAHAHA！

小章魚未到，店員已經上了本店特色配菜，
沙律醬、烚雞蛋、芝麻葉(蘇子葉)、蔬菜沙律、荳芽湯、蒜等等。

店內的配菜係屬於自助型式，
客人可以自由添食，
想食幾多就夾幾多XDXD
呢個絕對係韓國食店優勝的地方！

WOW!!!等了一會！2人份烤章魚終於上枱啦！

店員話已經可以即刻食架~
不過Nic當然係俾相機先食啦！

一隻隻紅卜卜沾滿辣醬的小章魚整齊地排在鋼網上，
是不是看到已經流口水呢~?!XDXD
數數章魚……原來一人份是有7隻，

老實說份量真的不是很多，一個人吃一份完全不是問題！

原隻章魚一口食似乎有點過份XDXD

食之前可以先用鉸剪把章魚分成幾份，

方便食落口之餘，

一邊跟朋友聊天一邊慢慢嘆章魚咁先夠過癮！

第一口感：

Nic覺得剛上枱的小章魚尚算爽口，

口感比較濕潤而且軟身，辣醬味道好好，

但略嫌唔夠乾身同香口！

雖然不少網友都話要快D食，話會烤燶OR變韌

但以我既經驗反而建議大家俾多少少耐性烤多一陣先開動，

等醬汁再收乾少少水，章魚亦會變得更香口，

加上韓國的章魚好神奇，即使烤耐左都唔會韌

P.S.記住要多D反轉章魚~咁就唔怕燶啦！

大家還記得枱上的烚雞蛋嗎?

起初，NIC不太了解雞蛋的吃法，
只係見到其他食客竟然一次過拿5至6隻放在枱面，
心諗……邊有可能食咁多啊
望望周圍先知原來係放埋落去一齊烤一齊食！
聽店員講加蛋&沙律醬都係可以用來中和辣味~
所以各位覺得太辣既話記得落多D啦！

同樣地將蛋剪開幾份，連同章魚、蒜頭一起烤熱……

剪啊剪啊~Nic果晚真係自得其樂！

WOHO~終於烤到佢地熱辣辣啦~~~

新鮮的芝麻葉包住章魚+蛋+沙律醬+蒜一齊食，真係好好味啊！
芝麻葉的味道真係好特別啊！
包起食物時就會有一種獨特味道，
口味令人難以忘記！

第二口感：
章魚烤得夠熱、夠乾、夠脆、好彈口，正！
雖然我唔怕辣，但加左蛋、沙律醬再配合芝麻葉的確好好味！

NIC覺得食燒肉又好、食烤章魚都好，
最好既朋友就係「燒酒」！
一啖章魚一啖燒酒，跟朋友們一起把酒談歡很寫意呢！
至於食完小章魚後加唔加炒飯就悉隨尊便，
覺得未飽就食啦XDXD

不過有一點想講~就係如果你地行程比較趕~
我唔太建議選呢間食店，
但如果只係趕頭趕命，〝拿拿林〞將d章魚倒晒落口，
的確係可以半個鐘內埋單走人，
食而不知其味，就好似無咩意思
始終烤既美食係需要多花時間！
所以如果真係好想食~
最好plan晚餐之後再無任何行程比較好！

HOW TO GO!

弘大入口站9號出口出來後，轉左手邊沿著大街直走，
在十字路口轉右直行就會見到H&M

過完馬路會看到一間TONYMOLY，
選TONYMOLY右邊小巷走，一路向上行200米左右，
弘大辣烤小章魚就在右手邊啦！

[弘大辣烤小章魚]

營業時間： 11:00-24:00

地址：首爾市麻浦區西西橋洞369-4弘毅路3街44號
서 울 특 별 시 마 포 구 서 교 동 369-4 홍 익 로 3 길 44 호 호 곡 빌 딩

聯繫電話： 02-322-3224

交通路線：地鐵2號線弘大入口站9號出口

❤EMAIL❤

nicnicheung@gmail.com

❤IG❤

http://instagram.com/nicnicheung

❤FACEBOOK FANSPAGE❤

https://www.facebook.com/cheungnicnic

NicNicCheung