2015/08/08

｜香港美食篇｜金田家限量版「黑松露拉麵」平民化價錢，最高滋味享受！

最近NicNic唔駛飛韓國，無得食韓國美食，
但正正因為呢個原因，無喇喇多左機會留喺香港食好野…heheee!!
上個星期六應美女公關既邀請出席左
【金田家 ​​x​ ​徐子珊決戰「九州拉麵王」活動】，
完左之後就試食左一個令Nic超驚喜既「限量發售拉麵」！
真係好正架~諗起都覺得回味無窮！

話說上個星期Nic唔係去beauty又唔係去fashion event，
而係去左「金田家拉麵」搞既活動啊！
wakaka!!果日去到場面真係好墟冚呢……
因為有徐子珊到場做嘉賓呢!!!
個個都舉起手機、相機拍照…人多到呢~~
雖然人咁多~但Nic都搵到位影到子珊…呵呵!!!
真係覺得自己超勁！
原來今次子珊今次過來，係有重要任務！
就係為金田家「決戰九州拉麵王」比賽擔任評判！


「決戰九州拉麵王」係一個鬥快食拉麵比賽黎架，
大獎勝出者將會獲得日本九州雙人來回機票!!!!
即使你唔係最快果個~只要5分鐘內完成整碗拉麵，
亦都可以獲得免費經典拉麵換領券一張，
有得食又有得玩，真係幾開心喎~


比賽開始啦！
呢2位就係果日既參賽者啦~
佢地要戴住拳套食完碗拉麵~XDXD~
食得超狼狽……
想做大贏家真係唔容易呢~

TIME-UP啦！
唉~佢地挑戰失敗左啦~
唔可以在預定時間完成整碗拉麵啊~
雖然挑戰唔成功~但係碗麵咁好味，贏唔到都唔緊要啦！

活動完左~金田家為左答謝子珊支持，
店員ERIC更即場送左張一世免費任食VIP咭俾佢~好正啊~

雖然一世任食拉麵 Nic就無份啦~
但係我就有機會試到金田家全新推出的限量版「黑松露拉麵」呢!!!!
yeah!!!!!見到張poster都已經流晒口水啦！
呢個「黑松露拉麵」每日只係限售20碗架咋~
賣完就無架喇~矜貴呢~
唔係有錢就一定有得食啊~
限量版「黑松露拉麵」同其他拉麵一樣同樣可以揀硬度、
蔥的份量&追加既配菜等等，
按自己既個人喜好挑選口味！
(可能大家會留意到，點解點餐紙上無得揀呢碗限定拉麵嘅?!
係架~真係無架~因為係限量發售，所以無SHOW出黎，
但係落order時同店員講聲就okay架喇~XDXD唔駛擔心)

嘩!!!!!!!!我碗拉麵到左啦！
在叉燒上面既就係香噴噴既黑松露醬啦~
個湯底係金田家獨有的「Cappuccino豚骨湯底」……好正啊！


唔係呃大家，一上枱黑松露香味即刻撲埋鼻喇~
睇到已經流晒口水啦!!!


我地成班BLOGGER朋友個個都好期待個麵啊~
麵送到~影返張靚相先！XDXD
我唔客氣啦~
要開動啦！


話說~呢個麵有2種食法~
第一種就放D黑松露醬上去一撮麵上，
直接放入口就食得喇~！
無可否認呢種食法~的確可以直接地品嚐到黑松露獨特而濃郁的味道，
但係我就覺得咁樣食好似有D太濃啦~搶晒拉麵本身既味道！


第二種食法就係要將個醬拌勻金田家獨特的「Cappuccino豚骨湯底」！
最初我仲擔心拌勻左之後，個味會淡晒=~="
但原來我既擔心係多餘，
因為黑松露的菌香平衡返豚骨湯底的濃膩感，
唔會太油膩，感覺幾清新~
口感係估唔到咁 MATCH架~特別適合女仔食！
我地幾個女仔BLOGGERS都一致認同呢個食法係最好味架！
估唔到同一碗麵但用唔同食法會有咁大分別，
真係好SURPRISE！

試完個麵之後，就要試埋佢D叉燒先，
都真係入口即溶，
聽講金田家為這款新拉麵特別選用了日本黑豚肩肉，
並以秘製醬油醃製而成叉燒，正！
叉燒的肉味香濃肉質嫩滑且脂肪含量極低，口感唔錯！

不過最令我SURPRISE既反而係價錢，
運用D咁高級既食材，但價錢只係$108!!!!!!好抵呢!!
絕對係平民價錢~就嘆到一級既享受！

啊~如果你都係鍾意食蛋既人，
 金田家既溏心蛋亦都值得一試！
絕對唔會令你失望！
P.S.食到最後~記得連個湯都要飲埋啊~！


啊~黎到金田家~除左食拉麵之外，
記得要試埋佢地既小食，
有大將餃子、男爵薯餅&唐揚雞塊!!
3樣小食都唔錯唷~
不過Nic就特別推介要食「男爵薯餅」
一客有齊咸甜2口味
咸既就係牛肉餡~甜既就係紫薯+栗子餡~讚啊!!!!
黎個小總結先！
金田家有別於一般大型連鎖店，
雖然店仔細細~但係店員同食客之間反而多一種親切感，
會細心地向我地解釋食法~
聽完之後，會令你有種莫名既興奮感，
好想即刻就試食!!!哈哈!!
整碗拉麵亦都真係幾有水準，
金田家我肯定會再ENCORE!!!
I WILL BE BACK!!HAHAHA

HOW TO GO:
金田家Kanada-ya
地址：銅鑼灣登龍街34號地下
電話：2889 3355
營業時間:星期一至日12nn – 11pm
Facebook 專頁：https://www.facebook.com/kanadayahk


❤EMAIL❤
nicnicheung@gmail.com





張貼者： 於
標籤： , , , , ,

沒有留言:

張貼留言

訂閱： 張貼留言 (Atom)