2014/12/27

｜旅遊．香港好去處｜韓國「TRICKEYE愛特麗3D美術館」殺到黎香港啦！



聖誕快樂啊！
今年NIC也像上年一樣去了TRICKEYE愛特麗3D美術館玩，
不過我不是去韓國，而是留在「香港」！
XDXD沒錯沒錯！
因為韓國「TRICKEYE愛特麗3D美術館」繼新加坡之後，真的殺到來香港啊！
仲揀左香港山頂廣場開設亞洲區第 2 站，
真係好興奮啊！

其實TRICKEYE之所以咁受歡迎，
每個到韓國既朋友都肯定會去潮聖下，
梗係有好好玩既地方啦！
在畫作前面擺出不同POSE，
就可以拍出不同效果的照片，
真係笑到肚痛！
香港區TRICKEYE除左有好多3D立體效果的平面畫作之外
而更新設了更多立體裝置，
讓我們可以更加互動參與，
佔地7千幾呎、70幾個場景，分5大主題區，
當中更有充滿香港特式的場景TIM~超正啊！
事不宜遲，NIC率先入去試玩左一次！
真係玩到腳到軟～立即GOGOGO！

主題一：秘密花園


叫得花園，當然係有好多花草樹木啦！
巨型畫作加上立體的裝置，
我們可以坐喺入面，
扮演畫中的主角！
剛入場就立即覺得自己好似去左愛麗斯夢遊仙境一樣！


立即坐上去影返幾張正經相先！
不過呢D都係用黎WARM UP一下JE！
因為好快就要去下一區啦！

主題二：名畫世界

呢個名畫世界係我最鍾意既主題之一，
因為可以俾我同好多我好欣賞既畫作&經典人物一齊玩和合照！

你們看！就好似呢個MONALISA啦！
原來佢會眨眼架，而且個手提電話仲會著燈TIM！XDXD
好搞笑啊！
比之前的平面畫作更有趣味呢！


雖然新增了不少立體裝置，
但這些平面畫作又點少得呢！
只要配合POSE、表情，
輕易就可以拍出好好的效果！
HOHOHO！我要掉下去溶岩啦……救我啊！


之前跟大家提及過香港區TRICKEYE會有好多新設施，
NIC覺得呢個最新鮮呢！
大家看不看到畫家替我畫畫像嗎?!
哈哈！係唔係覺得好神奇呢?!?!
原來佢地裝左個CAM在入面，
只要我坐入去，
影像就會立即展現在屏幕，
好好玩啊！

主題三：大冒險



欣賞完咁靚既畫作之後，
一於去大冒險「顛」下先！
WOW！大家有無玩過跳傘呢?!
如果未就可以試下躺喺佢上面，
一齊玩返夠本！XDXD




又可以瘋狂地「片」車！
NIC係唔係好型呢！
我真係交足戲架！
影呢D相真係少D演戲細胞都唔掂，
加上周圍都有好多人行來行去架，
個個都眼望望，面皮薄少少都影唔到靚相！
所以想影靚相就唔好怕羞啦！


啊！其實香港區的TRICKEYE真係好多比較大的場景，
一次過可以俾4、5個人同時企入去影相，
各自企喺唔同既位置，
就可以營造不同的效果XDXD
你看這一張，場面好似好驚險吧?!
其實……

只係企在上面、瞓喺地下同坐在側邊，
就可以拍出之前的效果，
FLIP直張相就OK啦！
呢D就係3D畫作的有趣之處！
好啦好啦！我地再去下一個主題啦！

主題四：夢幻樂園

來到夢幻樂園啦！
一切都不是很真實吧！

這幅鯊魚畫，是我最喜歡的一張！
我記得之前在弘大TRICKEYE店也拍過一張差不多的！
「嗚嗚……我不要成為鯊魚的甜品，
快點上去啊！」



 可愛的小貓咪也變成紳士及淑女，
好可愛啊！


「貓咪媽媽你要帶我去哪裡玩XDXD?」


我要跟貓紳士來個SELFIE吧！



「大衛，你要帶我走唷！」

不如我們又來個SELFIE吧！


空中瑜珈！我做到啦！哈哈！
玩到第四主題時，我已經腳軟啦，
因為行上行落，
瞓地攀繩……少D體力都唔掂！
不過來到最後一區啦！
繼續玩落去先！

主題五：探索香港

TRICKEYE每去一個區開分店，
都會為當地特別設計一個充滿特色的場景。
大家估下佢地揀左D咩地方?!

答案就係香港既夜色啦！
維港夜景咁靚，當然唔少得啦！
不過我地幾個似搗亂多D，
反轉成個海邊！XDXD


咁宏偉的天壇大佛，
大家都變得好斯文，
但我……好似都係KEEP住無呢正經咁……
大佛唔好鬧我啊！


大家又估唔估呢個係香港既咩地方呢?!
答案就係「大澳」啦！
「大魚你唔好咬我PATPAT啦！
最多我唔駛你做咸魚啦！XDXD」


玩左咁耐，
真係要走啦！
不過離場時，
TRICKEYE仲俾多最後一個驚喜大家！
打開門口你就知啦！


就係佢會喺門口等我地啊!!!!!!!!!!
如果你身材夠FIT，
絕對可以穿入去拍多幾張「毒女」相先離開！

講左咁耐，大家可能會問我，
究竟入場費係幾多，
呢度正確位置又喺邊，
馬上話俾大家知！


(圖片來源:http://trickeye.com/hongkong/?page_id=18&tl=zh_HK)
地址：THE PEAK GALLERIA 3RD FLOOR

(圖片來源:http://trickeye.com/hongkong/?page_id=18&tl=zh_HK)

網址：
http://trickeye.com/hongkong/?page_id=18&tl=zh_HK

既然TRICKEYE咁好玩，
不如NICNIC送出門票給大家玩啦！
如果大家都想要既話，
記得留意我既FB FANSPAGE的NEWSFEED啦！


張貼者： 於 沒有留言:
標籤： , , , , , ,

2014/12/09

｜美容．新品試用｜BEAUTY BOX 皇牌產品速試「ENDOCARE急救專家」．上妝必備保濕救星

一到年尾不但多PARTY要參加，
甚至是很多女生出閣的大日子，
如果皮膚不夠好的話，
上妝肯定不夠好看，也會浮粉！
最近Nic的皮膚也好像很乾燥啊，
加上經常飛來飛去，
每次落機都會覺得自己既皮膚水份好似被榨乾一樣
而且經常睡眠不足，又食無定時，
皮膚質素也下降了很多……
尤其最近一次幫朋友做了一次MAKEUP DEMO，
給大家看看吧！(不要笑我啊)
皮膚真的乾到「無朋友」，
也好像沒有太多光澤
粉底也不算很貼，令我很不開心呢！
很擔心自己big day的時候……



這個時候我想起了Neo Derm BEAUTY BOX！
今個月的盒子內藏了一件超棒的產品！
簡直是我的救星！
如果無左佢我真係唔知點算好！
哈哈！馬上告訴大家係D咩先！


登登登！
今期個主角就係「ENDOCARE的 Ampoules 強效活肌修復精華」啦！
好多名人明星都推介使用架，
大家都會係皮膚響起警號，
需要緊急修護、保濕既時候，
所以「Ampoules 強效活肌修復精華」亦被大家譽為「保濕救星」！



再上網睇多D資料時就發現原來 ENDOCARE全系列產品
都含有從稀有品種「地中海蝸牛」提取出來的「活肌修復因子」，
醫學證明這種因子能加速肌膚癒合及修復，
刺激骨膠原生長，能為細胞提供多種養分，
強化細胞修復再生能力，高效滋潤肌膚。
而Ampoules 則含有40%高濃度活肌修復因子，
能夠深層修復老化細胞，高效持久補濕，
非常適合我地呢D平日懶懶地，
但又貪靚既女仔做急救之用！


咪睇ENDOCARE盒仔細細，其實內有乾坤架！
打開原來有7支 Ampoules 強效活肌修復精華，
在PARTY前1星期，每晚都塗一支，
想皮膚即時飽滿潤澤就靠晒佢啦！


講下包裝先，
其實NIC一向都係比較少用開呢種樽裝精華，
所以想打開時亦都要諗諗點搞架？！XDXD
不過望望下……就發現佢地原來附送左一個膠蓋，
只要套落個頭上面，
在白線位置輕輕用力一啪，就開左！
幾好玩XDXD
最初我仲以為呢個精華既質地會好「油」好「潤」，
點知一倒出來時，
我差D唔小心倒瀉晒落地，
因為D精華係好似水咁，有D似「啫喱」觸感，
塗上面時都覺得好爽好舒服。


其實即時急救的做法，真係好簡單，
將精華液平均塗勻上面後，
係臉上打圈、輕輕按摩，
有助皮膚吸收精華。
不過我真係好乾好缺水啦~
塗既時候勁快就滲晒入皮膚(哭)。
(提提大家因為開瓶後24小時內就要用，
所以建議大家可以重複塗幾次，直到用完為止。)

題外話:
我覺得如果可以配合使用BICELLE的B5 GEL既話，
效果好似更加好，
如果都有用開B5既朋友都可以試下！


又如果想令妝容貼服持久，
建議在妝前或需要時塗半瓶 Ampoules 再加以按摩，
上妝效果即時變得更貼服。



總之有ENDOCARE急救專家應要旁身，
就不需要再擔心上妝不貼的問題，
而且皮膚無咁「乾爭爭」，
真係有改善先係最重要！
BTW,本身呢支精華真係唔平，
單購價就要 HK$ 720，
但如果12月25日前訂購BEAUTY BOX，
HKD120就可以買得到，
真係好抵!!!!!


啊！除了有皇牌產品試用之外，
還有NEOSTRATA品牌的TESTER試用，
有齊眼、面，啱晒我出TRIP用！


還附送升級版醫學美容療程及護膚小錦囊、
獨家產品資訊及優惠、美容貼士！


仲有個好有意義既消息推介俾大家！
就係於即日至12月25日期間成功完成首次訂購的首2500名訂戶，
隨 Beauty Box更可得到由「微笑行動中國基金」送出的小禮物， 
訂購金額亦會自動捐予「微笑行動中國基金」
訂戶完成訂購時更可上載一張微笑相片，
將歡笑送給兔唇小朋友！
買BEAUTY BOX既可以靚、又可以做善事，
仲唔立即行動買返個返屋企試下啦！

❤想購買BEAUTY BOX或詳細資料既朋友❤
❤可到以下網址❤


今日既介紹又差不多，
下次再同大家見面啦！
張貼者： 於 沒有留言:
標籤： , , , ,

2014/12/04

｜美容．產品試用｜令你一試愛上的眼妝潮物－LACELLE「特大眼」系列！+PARTY彩妝小筆記！

點解女人咁鍾意買野呢？
原因得一個－就是想「靚」！
除了衫、褲、鞋、襪、手袋、飾物、護膚品、化妝品之外，
其實隱形眼鏡(CON)都是各位SIS扮靚的恩物！
尤其近幾年推出的色彩大眼仔，
簡直令一眾SIS為之瘋狂，
絕對有起死回生的功效XDXDXD
紫色、灰色、啡色、黑色都會買齊，
貪靚的Nic也都是博士倫LACELLE CON的死忠粉SSSSSS！
用來襯衫襯妝絕對一流！
嘻嘻~冥冥之中有主宰！
今次博士倫竟然搵中Nic率先試用佢地既新產品，
開心到無朋友！^O^


登登登~今次佢地推出的新品就係呢個包裝得好fancy的
LACELLE 1-DAY眼妝CON－特大眼系列啦！


WOW～真係齋睇個LACE圖案設計包裝，
就已經吸引死我啦！


一盒入面有30隻裝，
是日棄式的設計，
每隻包裝又很小巧，
無論是用起來或是收納也很方便又衛生！


不過最令我驚喜的就是今次呢款眼妝CON的環圈設計竟然有13.6mm！！！！
超開心啊！
因為市面上真係好少買到1 DAY眼妝CON有咁大環圈架！
一款叫「鑽．黑」，另一款叫「亮．啡」，
我覺得兩款都幾自然，又唔會太過誇張，
咁就唔怕俾男朋友發現你突然變靚左～
也很適合去PARTY的時候配戴，
真的超可愛！

Nic很快就想到如何配戴彩妝迎接coming節日！
今年我打算化一個
珊瑚色調+BLINGBLING的眼妝
配搭「亮．啡」CON

 立即跟大家分享一下！


準備的化妝品：
ａ✿眼影✿ MAQuillAGE  SHISEIDO Styling Eyes Shadow Limited Edition #BR743
ｂ✿打亮✿ ETUDE HOUSE Eyebase - Orgel Light
ｃ✿眼影✿ BARE MINERALS Ready Eyeshadow 4.0 - The Next Big Thing
ｄ ✿睫毛✿ CLIO Salon de Cara Hair Roll #Volume X Volumn
ｅ✿眉筆✿ ETUDE HOUSE Drawing Eye Brow #03
ｆ✿眼線✿ MAC Technakohl Liner Eye -Liner Kajal #Photogravure
ｇ✿眉GEL✿  ETUDE HOUSE Color My Brows #05
ｈ✿胭脂✿ 3CE Duo Color Face Blush #Creme De Violette
ｉ✿鼻影及修容✿ Canmake Shading Powder #03
✿唇膏✿ ETUDE HOSE Dear My Blooming Lips - Talk - BE101
底妝準備好！就可以開始！


1.準備好底妝就可以先從眼妝開始。
2.用啡色眉筆畫眉。
3.再用染眉GEL把眉色染淺。
4.沾上a 的珍珠色塗於整個眼蓋上。
5.再用c 的粉橙色塗於眼尾至中間位置。
6.用c 的淺金色點於眼蓋中間位置。
7.使用a 的閃粉塗於眼肚。
8.利用f 啡色眼線筆畫一條微微向下的眼線。
9.利用睫毛夾把睫毛夾翹，再塗上d睫毛膏。
10.戴上color con。
11.混合h 胭脂塗於面頰上。
12.用j 粉橙色唇膏塗在唇上。
最後把頭髮捲曲戴上帽子就完成。
大家看一下，
戴了CON之後跟之前的分別嗎？
 眼睛感覺真的大很多，
也好像更有光采！
最初我還擔心環圈有13.6mm會很容易會移位，
但試過之後就發現完全沒有這個問題，
可能是因為這款CON有穩定中心定位設計，
有效緊貼瞳孔活動，
雙眼望左望右也不會見到環圈移出來
這個設計真的超讚！

此外，博士倫的CON配合了透明質酸，
有保濕滋潤效果！
即使我戴了一段很長的時間，
雙眼都仍然水潤舒適。
之前我試過戴一些濕潤度唔夠高、
透氣度又低既CON，
雙眼會好辛苦，嚴重的更試過會頭痛、嘔！
所以揀CON方面我都會好小心！
幸好，這對完全沒有事！
我就戴得很放心！


今次的分享又差不多啦，
希望大家會喜歡這個介紹+PARTY妝啦！
下次再分享最近試用過覺得超好的急救補水護膚品！
下篇再見！BYE！

LACELLE 1-DAY眼妝CON - 特大眼系列 HKD315/盒
WEBSITE:http://www.lacelle.com.hk

張貼者： 於 沒有留言:
標籤： , , , , , ,
訂閱： 文章 (Atom)