2017/12/04

|BEAUTY|唔做黃面婆!全靠法國礦物泥專家CATTIER有機黃泥MASK踼走暗啞+轉季乾燥問題~


剛剛過咗生日嘅NIC,又大一歲啦!
雖然已經年過30⋯但自問個樣都仲呃得下人XD
我唔排除係遺傳NIC媽嘅童顏真傳,
不過保養呢門學問⋯絕對唔可以睇少!
只要搵中竅門,就識得揀咩類型嘅護膚品嚟KEEP!
多年美容EDITOR經驗、同近年轉投美容行業之後,
學識原來想保持童顏、令皮膚有光澤感同時刻水潤唔乾燥,係有辦法嘅!
1.清走污垢!毛孔唔塞皮膚先會細緻
2.加強皮膚後續吸收力!咁先可以令養份真正被皮膚吸收到,發揮效用
3.提供氧氣!人都需要氧氧啦~更何況係皮膚?所以有足夠氧份,膚色先會變得均勻,有光澤感
4.補水鎖水!夠水份,望落去皮膚自然飽滿,人都靚啲啦!


嘩!可能你會問,有無咁貪心啊~4種咁多
其實唔係貪心架!真係有種面膜可以做齊以上4種功效!
最近NIC就試用咗一個來自法國礦物泥專家CATTIER品牌,
有機黃泥MASK,覺得效果唔錯唷!想推介大家一試!



大家揀得有機產品,當然就係貪佢用料優質、成份天然、安全可靠,
始終能避免不用含人造色素、基因改造、防腐劑、香料等原材料就最好!
呢個亦係NIC喜愛CATTIER嘅原因,佢嘅有機產品令NIC用得好放心!
而今次想推介大家試用佢嘅皇牌產品天然礦物泥,真係好厲害架!亦都有好多好處!


先講佢點勁法!首先礦物泥可以將人體毒素吸引過來,然後通過電荷將呢啲毒素CHI實,當沖水時就會帶走,而餘下來嘅養份就會留低俾皮膚慢慢吸收!而效果方面,除咗有CLAY MASK基本深層清潔、收細毛孔、紓緩治癒、調節膚色功效外,仲有鎖水滋潤功效添!一改我對泥MASK舊有嘅「敷完一定係好乾」嘅諗法!真心讚!


冬天,天氣乾燥,加上自己知自己事,皮膚好易乾,
所以今次我特別用咗乾性皮膚YELLOW CLAY MASK,
有名你叫~「YELLOW」真係黃色架!
佢係金縷梅成份,有消炎、激活、調整均勻膚色、為肌膚充氧、柔軟肌膚功效!
因為佢真係泥~所以好有泥味XD
MIX咗啲草藥味~唔難令人接受!


唔講大家可能唔知,其實CATTIER彩泥面膜系列,
每一款CLAY MASK都有不同FUNCTION,
而我用嘅YELLOW CLAY MASK就係可以急救乾燥面頰!
啱晒我呢類「面豬登」經常缺水嘅人!


CATTIER呢個黃泥CLAY MASK一改我對泥MASK舊有嘅「敷完一定係好乾」嘅諗法!
真心覺得洗完唔會乾!
同埋~敷完之後,塊面會即時有種紅潤氣息(唔係敏感),
好有趣唷!有CATTIER以後冬天我就可以繼續放心用CLAY MASK做
DEEP CLEAN同補濕、注氧!素顏NIC都唔怕!

介紹完個好啱冬天用嘅面部護理後,
其實唇部護理都唔可以MISS~
因為NIC有咬唇嘅習慣,
所以唇紋同乾皮特別多,
加上轉季乾燥咗,令情況更嚴重,
雖然我都會用潤唇膏,但一直都未算搵到一支最PERFECT!
坊間買到嘅滋潤度都係一般般,雙唇水份好易流失,
剛剛擦完轉頭就變得「乾爭爭」!

如果你都有同我類似經驗,
就試一試呢支潤唇膏,
唔好睇佢好似好平凡咁,
含橄欖&野生芒果成份,修護滋潤雙唇。

但擦上嘴時,會覺得幾潤,
而且唔油膩,幾舒服!
個嘴都變得柔軟好多 ,
減少咗乾到甩皮嘅情況!
擦唇膏都靚啲啦!

講到冬天恩物,
又點少得HANDCREAM呢!
CATTIER嘅有機白泥護手系列都好值得推介俾大家試試!


做得媽咪,接觸得水同清潔劑多,
加上又要做家務,
雖然係咁但都唔可以放棄唔理佢!
記得要勤力啲,多塗潤手霜,
每次洗手後就補塗上,
手部水份無咁易流失。


而呢款有機白泥-有機植物菜油,
好似幫雙手包咗一層保護膜咁,
一次過做到保濕滋潤修護3大功效!
記住!唔好令雙手長期於乾燥狀態啊
如果唔係就會變得好多紋同好多死皮,
雙手「鞋烚烚」好似婆婆咁~又點可以保得住童顏呢個名啊!

好啦!
今次嘅介紹又差不多啦!
如果大家想買,可以去呢以下呢個FACEBOOK專頁搵門市睇下啦!
https://www.facebook.com/cattierhk/

產品由cattier贊助

■ 為答謝閣下對 Food For Life 支持,閣下的支持者到Food for Life online -  https://goo.gl/bonzuX 選購任何貨品,並於結帳時輸入優惠代碼 CATTIER15,即可享全單85折優惠。
■ 條款及細則:
◆ 優惠代碼只適用於Food for Life online -  https://goo.gl/bonzuX 購物網站推廣優惠活動
◆ 購物滿港幣400 元可獲免費送貨,如購物金額為港幣400 元以下,本公司將收取港幣70元的運輸費。離島,邊境禁區暫時不會提供送貨服務(東涌除外)。
◆ 優惠期由即日至2017年12月4日23時59分59秒
◆ 貨物出門,恕不退換
◆ Food For Life生命之糧專門店有限公司保留-切以上優惠活動之最終決定權
● LIKE Cattier HK Facebook Page: https://www.facebook.com/cattierhk/

❤EMAIL❤

IG
FACEBOOK FANSPAGE

2017/11/14

超準!試玩Timewaver!掂一下就知道我個心諗咩⋯準到你唔信!


讀書嘅年代Nic曾經好迷戀玩占卜塔羅牌玩意,(利申我唔喺想導人迷信啊)只喺覺得好奇,同埋8掛心態啦~因為可以知道以前、依家嘅事,甚至將來未發生嘅事都問得到,感覺幾神奇!不過玩呢啲野,說穿了其實都喺想有人講出自己嘅心聲,肯定自己嘅決定。至於準唔準呢~就見仁見智~唔太科學嘅野都喺貪得意玩吓就算,直到今時今日我都無再玩啦(一路睇就知點解我會提及占卜塔羅牌XD),不過近幾年覺得自己無論身體精神都大不如前,經常覺得好攰又多咗傷風感冒,頭痛、胃痛、腰酸背痛身、至於點解會咁⋯我都無時間去深究啊~最近有朋友介紹我去銅鑼灣一間新開嘅家庭健康中心「Optimize Wellness Center優兒活」試用一部叫做「 Timewaver」機器,佢話呢部機好準架,一CHECK就知道自己嘅身體出咗咩事,就連性格係點都分析到,仲有仲有⋯(少女時代嘅好奇心又出動啦),講到咁堅揪,當喺俾個機會自己去RELAX,一於去試下啦!


未到中心時,我嘅心情有啲興𡚒同少少緊張,上到去就覺得先前嘅緊張通通無晒,可能簡約嘅環境令心情變得輕鬆,坐低一陣後,顧問就出來接見我啦,她初步先問我少少基本個人資料,然後了解一下我想關注嘅問題,UMM⋯⋯最近嘅問題?!我覺得最近應該喺同工作有關吧!跟住就到Timewaver 機出場啦!



登登登~期待已久嘅Timewaver 機登場!咪睇佢白色一部好似普通啊,其實佢絕對唔簡單,透過共振療法,分析身體當中能量,分析人與人之間關係,並且可以改善身體健康狀況。


顧問叫我將手掌放於右下呢個圓圈上面⋯⋯好有趣吧?!整個過程我無需做任何野⋯只需等幾分鐘就完成,電腦已經分析到我身體能量嘅DATA!好神奇啊呵~XD


呢個就係我嘅分析喇~看圖識別~一見到紅色,大概都估到呢3 PART位置就喺我身體能量最唔平衡嘅地方!顧問睇到分析後就話我嘅腸臟、脊柱&血液循環神經系統都出現唔平衡,超標情況!唔知喺咁啱定喺真喺咁準,我完全無透露自己身體健康狀況之下,竟然真喺會講中我嘅問題,最近自己腸胃情況同腰背問題的確好差,而且工作關係令我精神非常緊張,好神啊!不過TimeWaver最勁嘅地方唔喺只識搵問題,而喺會教我哋點樣改善身體情況,取得平衡!例如教我要學識處事「TAKE IT EASY」唔好過份逼迫自己,要去相信別人,亦都要識得自我尊重等等,唔需要一定滿足別人要求等等!嘩~你話似唔似玩塔羅牌先XD

除此之外,電腦仲會幫我做返一個簡單嘅調整,再次透過TimeWaver機輸入返能量到我身體,都喺果句雖然唔會有真電流走過我身體嘅感覺,但如果可以咩都唔駛做,咁簡單就可以改善身體同精神狀況又唔錯喎!顧問仲教我按埋穴位按摩添~中西合璧,正啊!


試完TimeWaver機,顧問就再幫我做埋另一個人體能量分析!呢個的的骰骰方型小盒子就喺叫做GDV機喇~

GDV又係另一部超強智能機器,只要10個手指尖資料,就可以知道自己的身心狀況!我個人認為呢部機比TimeWaver更準!


點解咁講⋯?!哈哈~先講返身體狀況先,上面呢個人體能量場圖像,顯示手指與人體器官相關性能量場,凸出部份就係我嘅身體最嚴重地方,一喺㗋嚨二喺背部,背部問題最令我深刻,事源我當日早上突然扭親背部,每行一步或起身都會隱隱作痛,不過為了要去優兒活做測試,就硬著頭皮都去!當顧問⋯問我背部喺唔喺有事時,我真喺嚇一跳,有無咁厲害!
第二樣,就喺㗋嚨,我即刻話我無㗋嚨痛喎⋯但顧問開始分析㗋嚨呢PART唔喺指有炎症之類嘅問題,其實也可以代表個人性格,同人相處時,可能會有溝通問題(唔喺唔識講野),而喺話我唔敢發表自意見,有時我會盡量滿足別人對事情或對自己請求,而忽略自己嘅意願~所以㗋嚨有問題⋯喺代表我抑壓能量太多。WOW!呢啲分析絕對OUT OF MY EXPECTED!就連我嘅性格都可以知道⋯我聽完都真喺覺得有啲HIGH!


另外仲有呢個印度7輪嘅圖表,呢個分析亦喺令我覺得好AMAZING!
波波大小同置中嘅位置就喺代表能量夠大同夠平衡,但我嘅圖唔駛顧問分析都知亂晒龍啦XDXD 詳細嘅就唔同大家詳述,不過呢個部份,提供好多心靈上嘅指導俾我,例如要多聆聽自己心聲,亦都要嘗試表達自己意見,做人先開心,因為人活著唔喺只為別人而活!哈~真喺獲益良多!

最後,做完分析了解自己身體狀況後,顧問跟據我嘅情況,建議我接受一個約50分鐘
Timewaver Frequency療程,透過頻率,從而得到改善或提升。第一次做,當然唔會有個即時明顯嘅提升,但起碼俾我一個機會透透氣,喘息一下!聆聽自己同身體嘅聲音,唔好等身體爆煲先嚟補救就太遲啦!


最後,優兒活原來除咗為成人作身心健康檢測之外,就連小朋友都照顧得到,提供好多專用健康產品,如防電磁波機、各類維他命補充劑等等,無論自己又好或者家人小朋友都好,都希望身心時刻保持健康狀態,照顧好自己咁先可以照顧埋家人,有興趣嘅朋友可以去試下。

療程由Optimize Wellness Centre 優兒活 贊助
Optimize Wellness Centre 優兒活INFO:
香港銅鑼灣糖街29-31號匯景商業中心22樓
(852) 2177 7683
https://www.facebook.com/optimizehk/

❤EMAIL❤

IG
FACEBOOK FANSPAGE

2017/08/31

《蛋黃成長日記。同小蛋黃行Baby Expo》

又同大家UPDATE小蛋黃嘅近況喇~早排帶咗小蛋黃行Baby Expo(諗起都超多人,但個仔勁HIGH)

竟然有額外收獲~哈哈!最初諗住入去掃貨,點知原來都可以「增長知識」!點解咁講?!
就好似「雀巢防敏 1000天童夢音樂城堡」呢個攤位…原來有好多BB會出現皮膚敏感、濕疹、呼吸道症狀(如鼻炎、呼吸道敏感),唔一定係遺傳架,甚至便秘都可能係因為〝食物敏感〞(如牛奶蛋白)。

而奶就係BB嘅主要食物,如果BB對牛奶蛋白過敏飲咗啲無防敏配方嘅奶奶,就會出現以上問題囉……嘩~真係唔講都唔知!加上嬰兒敏感問題亦有可能會延伸影響至成長發展,有長遠嘅影響!真係不容忽視!


怪不得雀巢®超級兒童能恩®奶粉成日都提醒媽咪們要識得及早預防,要揀已切割致敏原嘅pHF水解蛋白配方奶粉俾BB,盡量減低牛奶蛋白致敏性,減低寶寶敏感風險!


值得慶幸就係我一早幫小蛋黃揀咗雀巢®超級兒童能恩®奶粉,含有獨特嘅pHF水解蛋白配方,將較大的牛奶蛋白質分子分解成約十分一大小以外,仲特別針對蛋白質裡面的致敏原進行切割,降低牛奶蛋白致敏性 (https://goo.gl/nXJLi3) ;更含BL 益生菌,有助維持腸道健康,所以TOUCH WOOD小蛋黃到依家都無出現過敏感問題!如果各位媽咪想你嘅BB有個愉快童年,識得點揀啦!

#資料由雀巢防敏1000天計劃贊助

2017/08/28

|BABY|止喊原來有辦法!令寶寶健康成長盡情笑的3大法寶


又喺時候同大家UPDATE吓我呢個新手媽媽同奀皮小蛋黃嘅近況先!
唔覺唔覺小蛋黃就快1歲啦,呢個寶寶嘅活躍度真喺爆晒燈,每日嘅活動量…我都唔知可以搵咩形容XD總之就開心囉…哈哈!
回想佢由出世細細粒一舊飯,到依家識行識玩~每日成長的確好有滿足感!
不過開心嘅同時,就開始出現「性格」啦!
早幾個月前發現佢「脾氣」突然大好多,一時大叫一時喊,又流口水咩都齊……
食糊仔/粥仔時亦會識得「唔鍾意」,「唔食」
情緒化到一個點, 令我呢個新手媽媽不知所措!
後來經小蛋黃婆婆指點,先知原來個仔踏入出牙仔階段,
出牙時寶寶會流口水、牙肉腫,無啦啦都會喊!
就由呢個時候開始,Nic就出動第一件法寶「Heinz Baby 磨牙棒」俾小蛋黃!

作為一個負責任的媽媽,一定要揀安全衛生,食材天然的產品!
而呢款「Heinz Baby 磨牙棒」不含蛋、糖、香料及防腐劑,令我好安心,而且硬度適中,獨立小包裝設計,拎出街亦都方便衛生。

我試過幾款磨牙棒,發現Heinz Baby呢款質地幾耐磨,
 每次俾小蛋黃食嘅時候,佢都食得特別開心!

我同小蛋黃一齊咬住玩都完全無問題,無咁易斷!
而且唔會傷到牙齦,舒緩出牙仔時不適,超正!

除咗出牙之外,另一個難題相信好多媽媽都遇過,就係〝加固〞餵食啦!
寶寶大約5、6個月左右,就開始可以餵食糊仔、粥仔,
但唔係個個都咁鍾意食架,有時食食下又會無耐性而唔想食,
身為媽媽見到自己寶寶唔食野或者食得少,都會擔心佢哋唔夠飽唔夠營養,
加上寶寶喜歡新鮮感,每日都喺同一款食物,莫講話寶寶,大人都覺得悶啦!

為咗增加小蛋黃食野嘅興趣,除咗糊仔、粥仔,都會俾佢食西餐「Heinz Baby意粉」架!
因為意粉嘅營養絕不比糊仔、粥仔低,Heinz仲額外幫意粉添加多種營養素 (如鈣、鐵、B雜),而且成份無添加糖、鹽 ,亦都不含人造色素、調味料及防腐劑,啱晒呢個階段嘅小蛋黃,亦令我唔駛擔心唔夠營養! 

另外,Heinz Baby意粉好cute架!
星星造型~超可愛!
媽媽見到都覺得吸引,更何況寶寶…哈哈!
而呢個星星造型係7個月以上的寶寶專用
麵質較軟,較好吞嚥,非常貼心!

雖然小蛋黃仲細,暫時都喺由我餵住先,
但我希望可以透過可愛造型嘅食物,慢慢增加佢自己進食嘅興趣!


最近我試過用「Heinz Baby意粉」煮俾小蛋黃食,佢食得非常滋味,而且仲追食添!不過暫時,我會將食物攪碎再勻合意粉,等遲多一個月先將食物size切碎,切片,一步一步循序漸進!
不如同大家share 一下我嘅餐單:

茄汁義大利肉醬麵
材料:三文魚100g、蕃茄1個、蘑菇2粒、Heinz通粉、洋蔥50公克、蕃茄醬少許(選擇性)

做法:蕃茄、蘑菇洗淨,切碎。洋蔥去除外皮,洗淨切片。Heinz通粉以滾水煮熟,撈出後備用。
首先開細火加熱平底鍋,煮熱蕃茄醬,加入洋蔥炒香,再下蕃茄粒,蘑菇片拌炒片刻,攪蓉。
然後下三文魚拌炒至全熟,攪碎做成肉醬。
首先起油鍋燒熱,加入洋蔥炒香,再下蕃茄粒,蘑菇片拌炒片刻,續下牛絞肉拌炒至食材都香熟,做成肉醬。把煮好的義大利麵加入適量的肉醬拌勻即可。


仲有一個開心大發現,想同大家分享!
最近俾我搵到個對寶寶超好嘅清潔劑!
100%純天然、超環保,又平嘅產品~登登登登~就係白醋啦!
之前我都係沿用傳統嘅寶寶清潔液,但價錢貴,亦都可能含有化學物,而且又唔環保,對孩子的健康或構成威脅!尤其最近小蛋黃開始進入周圍摸、咬、行嘅階段,清潔佢常用嘅器具很重要!

所以我轉用咗Heinz白醋,佢嘅好處真係好多,100%純天然、可食用品,環保又安全、避免寶寶接觸化學劑而引發過敏,健康又安全,而且最厲害之處就係乾透後醋味會完全揮發,嘩~真係唔試過都唔知!雖然看似好普通的items,但原來功效多多,真係好勁!
    
我依家會主力用佢嚟抹BB餐椅、床仔、玩具等等!
而且佢仲有辟味功效,用佢清洗小蛋黃的水杯都OK!
甚至噴落砧板都有殺菌功效!

總之,想寶寶健康成長又過得開心,又點可以欠缺Heinz 3大法寶!
產品由HENIZ贊助 

❤EMAIL❤

IG
FACEBOOK FANSPAGE

2017/08/23

|美容.新品試用|分享初試MAIONE“神奇” 噴噴水及青春呵護隔離乳體驗


呢排上Facebook經常都見到有人介紹“神奇” 噴噴水,佢哋話呢支水可以幫你去皺 + 收毛孔 + 擊退黑眼圈 + 收眼袋 + 去印 + 美白+ 淡斑 + 保濕 + 男女合用,就連firm胸都得!嗱嗱嗱…我仲見過話噴喺頭皮度可以幫助生髮,嘩~有冇咁誇啊~咁神奇?!就喺呢啲咁神嘅功效令我對呢支新產品產生濃濃嘅興趣!即刻上網search下咩料先!

原來呢個brand叫做MAIONE,淨喺睇個設計俾我一種幾奢華嘅感覺,黑色樽身設計+金色字……幾有歐美大brand feel!不過Nic絕對喺一個理性嘅人(其實因為價錢唔平),我唔敢衝動入手!(哈哈)!
近日,我個專做代購MAIONE嘅朋友主動聯絡我,希望我親身試用呢個品牌嘅產品,正啊!我終於有機會解開呢支噴噴水神奇的面紗!

今次我收到他們2支產品,MAIONE青春密碼精華液及MAIONE青春呵護隔離乳!真係同我想像中的一樣,COOL爆嘅外型!

首先,梗係試 “神奇” 噴噴水「青春密碼精華液」啦!我本身嘅膚質,屬於偏乾性混合性,兩邊面頰間中會覺得乾,唔夠瞓嘅日子膚色會暗沉啲欠光澤,而且都有色斑、色素不均問題。而呢支噴噴水嘅功效正正可以改善我以上問題,所以對於呢支產品嘅期望非常高。


每個人用呢支噴噴水嘅方法都好似有啲唔同,而我選擇懶人嘅用法,就係早上潔面後連爽膚水都唔搽,直接用MAIONE青春密碼精華液噴上面。

距離15cm左右,全面大約噴左4-5下,然後輕拍至全面吸收。

一開始感覺有些接近水狀嘅精華黏黏感,但吸得好快,膚質明顯柔軟及通透左,會令皮膚有光澤感,即時冇咁乾幾舒服,而且冇乜味道,呢點特別like!一次過減省爽膚水程序,噴完就可以直接搽面霜,超快!最啱每朝瞓到LAST MIN先起身嘅我!
(左)使用前(右)用後皮膚明顯有光澤。


待精華液完全吸收後>面霜>就可以搽隔離乳啦!


呢款隔離乳有防護透氣功效,擠出來時係有色的,但想妝感透薄啲,
記得要控制份量,因為好易會推唔勻。
剛剛我唔小心用多咗份量,上面後會有D唔夠自然,
會有厚妝感,略嫌上面後有少少黏,但都算水潤。
對於我呢種偏乾混合性皮膚嘅女仔嚟講…怕T字位會出油。提提大家呢支隔離乳冇SPF防曬功能,所以記得要再上有SPF防曬功效的粉底或防曬!


總括來說,我比較喜歡佢支精華液,因為即時睇到皮膚水潤光亮,而且將爽膚及精華二合為一,減省護膚程序,最緊要沒味道,感覺清爽舒服,啱夏天用!
P.S.如果大家對MAIONE產品都有興趣,可以Click呢條link >>https://goo.gl/LKgsGe直接問下我個朋友架!

#產品贊助及資料由MAIONE提供。

官方網站: http://www.yijiainternational.net/zh-tw/

❤EMAIL❤

IG
FACEBOOK FANSPAGE