2015/02/27

|旅遊.韓國SHOPPING|非一般潮流雜貨聖地,血拼弘大BUTTER!HAPPY!


很想念韓國的生活啦!
上次回韓的時候,因為忙著代購的事宜……
一直忘記想向大家介紹上年年尾才開業的潮流雜貨店
->>>BUTTER:)
呢間「牛油」雜貨店……
你可以用平價版FRANCFRANC,
貴價版12蚊店黎形容!
首先當然係講HOW TO GO啦!

易搵到不得了!
坐地鐵在弘益大學站1號出口就到!


其實呢個商場係新開架!
上面有電影、食店,
地面仲有間時裝店叫「SHOPPEN」呢!
入面當然有好多好平、靚、正既ITEMS買啦,
不過今次我都係介紹返BUTTER「牛油」雜貨店先!
箭咀一指示的位置就係架啦!

如果你係直接坐地鐵既話,
行到1號出口就可以見到呢3個好肉酸既「麻甩仔」
你就知道一定無行錯!XDXD


入面真係好多唔同類型既貨品出售!
文具啦!精品啦!生活家具真係應有盡有!
而且有D仲好搞笑!

開瓶器、MEMO紙、DOOR STOP、磁石等等……都係KAI到暈!

可愛造型的精品,
尤其係粉紅色女仔當然唔會放過啦!

食既、盆栽、家具&CUSHION!
應有盡有!
真係買禮物俾朋友又得,
買手信返香港又好抵!
真係可以將成個BUTTER既貨品買晒返屋企用啊!!!!!!!!!


當然BUTTER定期都有主題CORNER!
剛剛既情人節,以及最新既「Je t'aime」(即我愛你的意思)
真係好正!
NicNic自己一個行足足可以逛半個鐘以上,
我真係唔敢諗同一大班朋友shopping可以行幾耐……XDXD
如果去開弘大既朋友,
唔好次次都只係去行8、9號果邊,
1號都有好地方!
總之以後去弘大,
識行一定去埋BUTTER啊!

地址:首爾市麻浦區弘益大學站(239)1號出口位置
營業時間:早上11點至晚上11點
WEBSITE:http://buttershop.co.kr/(部份圖片來源)

❤EMAIL❤
nicnicheung@gmail.com



2015/02/23

|美容.護膚|北歐泥炭體驗.KÄBÏ Organics帶來非一般天然純淨潔面效果

祝大家新年快樂,恭喜發財啊!
今年Nic第一年派利是呢!
也是第一年要以人妻身份為自己一頭家準備過年物品!
雖然忙碌但也忙得很開心!
不過在過年這幾天,四周外出拜年,
夜瞓&放縱食煎炸食物……一不留神
皮膚狀態變得有點差……哭(T_T)

暗瘡、暗粒、毛孔通通都走出來啦……怎麼辦啊!
為了拯救這些問題,係時候要出動深層清潔啦!


有別於以往,
今次Nic沒有選擇韓國、日本或其他出名的深層清潔產品,
哈哈~反而選用來自北歐品牌KÄBÏ Organic的「有機舒適生物活性面膜」呢!
這盒深層清潔泥炭MASK是MADE IN ESTONIA呢,
單是看到產地,已經覺得很興奮!
老實說,來自ESTONIA的產品Nic還是頭一次試,
想不到充滿驚喜呢!*\(^o^)/*


打開包裝盒時,
就會看到一張小咭,
上面的生產日期是手寫的XDXD很有親和力呢!
這樣就可以讓我們用家更了解每盒泥炭的新鮮度,
而另一邊則印了一段很有意思的說話!


聽說KÄBÏ Organic的護膚產品是不含化學原料,
加上採用北歐優質的天然有機材料製作而成!
而KÄBÏ Organic有機面膜最厲害的地方,
就是選用了 7500年未受污染和獨一無二的北歐天然泥炭,
泥炭蘊含豐富的腐植酸及富里酸,
屬於市面上最好的泥炭,
並通過過敏測試及醫學證明,
因此Nic用得很放心!

打開樽蓋看看先!
泥炭MASK的質感是黑色濕漉漉的XDXD
跟之前用過的同類型產品有點不同!


摸上手時,有點像「糊仔」,也很易推!
泥炭沒有添加任何香料,
只是有一點點泥味,
感覺很天然!


WAKAKAKA!!!!將泥炭塗勻全面後,
我立即變左「黑面神」!
這款泥炭面膜不但具有深層清潔功效之外,
還可以促進血液循環、移除有害物質、令皮膚細胞重生
加促癒合暗瘡、粉刺及收細毛孔,
想不到KÄBÏ Organic的MASK功能竟然那麼多!


敷上面的時候,最初會感到很涼快濕潤,
然後會有一種輕微的「吉吉」感覺,
記得避開眼周位置唷!
大約敷10分鐘左右,就可以過水清洗。
提提大家因為面膜乾透後,
會比較難清洗,所以記得要花多點時間沖洗啊!
潔面後,覺得皮膚變得柔軟很多,
不會有種「乾爭爭」的感覺!
加上促進了血液循環,覺得皮膚明亮很多!
臉部毛孔都變得更潔淨暢通!


雖然深層清潔MASK產品已經試過不少,
不過KÄBÏ Organic泥炭MASK卻令我充滿驚喜,
最重要就是成份夠天然,不怕敏感!
而且感覺真的很不錯,
希望下星期再用時,
皮膚可以更加好!

P.S.~送多個護膚小TIPS,
就是可以在暗瘡位置重點敷多次泥炭MASK,
有助加速暗瘡癒合情況唷!
大家不妨試試唷!

KÄBÏ Organics website:
http://kabiorganics.com/

KÄBÏ Organics Facebook:
https://www.facebook.com/kabiorganics


以上產品是由 KÄBÏ Organics 提供,
NicNic純粹分享個人感受。

EMAIL
nicnicheung@gmail.com



2015/02/14

|美容.彩妝|情人節最愛妝容!「光澤x粉嫩」就是王道!

情人節快樂啊!
大家是否還在煩惱究竟今日應該要化一個點樣既妝容見Lover呢!?
淡d?!又好容易唔小心搞到面色太pale……或者無黎神氣!
想玩唇色?!其實大多數男仔都唔會太like太過誇張搶眼的顏色……=.="
咁究竟點樣化先氹到男友?!
其實NicNic都有呢個煩惱呢~
因為我老公邪留丸都係好麻煩架,
成日都話我d唇色太誇嫌三嫌四XDXD
既然今日係情人節,唯有對佢好少少,
化返個近期好流行又備受男生歡迎的韓式妝容啦!
事不宜遲,依家即刻介紹俾大家睇!

STEP 1
FACE-BASE

想吸引男生?白晢透紅得黎又有光澤感就最LIKE啦!
所以塗好底霜之後,

就可以試下用呢支3CE FACE PRIMER!
係我之前跟一位MUA朋友交流心得既時候用過覺得幾好,
用來營造〝韓妝〞特有既光澤條件~超正!
於是忍唔到手在韓國買左支返香港用!

CREAM狀質地,
有D幻彩珍珠色既效果,而且有輕微香味,
只係需要半泵就已經足夠推勻全面!
勁抵用!

將FACE PRIMER塗在面蛋的白色區域,
作打底HIGHLIGHT之用!
要提提各位,如果你係鍾意MATTE既妝感,
今次Nic介紹既帶光澤閃亮既makeup就未必太適合大家!
因為你地一定會覺得油光滿面,唔多習慣!
但如果想為男友帶來新鮮感,
不妨一試啦!

STEP 2
FACE-FOUNDATION


於面上,均勻地塗上粉底!

任意選擇FOUNDATION或BB CREAM!
其實本身Nic都唔係特別鍾意用BB cream,
但因為以之前在韓國住果3個月裡面,真係只係BB CREAM!
唔覺唔覺就習慣左!
不過太過白既色調我都唔太like,
咁啱Etude House係match到自己,
唔會好乾又唔太笠,
適合冬天用多d!

(在韓國Etude house真係好多本土女生用,
反而3CE真係少……係我地呢D外國人特別喜歡XDXDXD)


STEP 3
FACE-HIGHLIGHT


再在T字位、雙眼既C字位及下巴重覆印上FACE PRIMER,
HIGHLIGHT面部輪廓!
讓面部看上去更立體及有光澤。

STEP 4
FACE-HIGHLIGHT



想營造多點粉嫩效果,
特別再在額頭、C字位及鼻樑再掃上左上珠光粉紅色胭脂,
加強HIGHLIGHT效果!


大家千萬別睇小呢幾個簡單的HIGHLIGHT步驟唷!
絕對可以令你由死氣沉沉的肌膚,
變得有氣息及透亮感!


STEP 5
EYE-EYEBROW

韓式一字眉,已經跟了NicNic成年啦!
老實說,一字眉真的可以讓兇惡cool樣既Nic變得善良得多!
而呢支自動眉筆真的很好用,
很適合懶人用以及初學者用,超易畫又上色!

STEP 6
EYE-EYESHADOW


因為韓國女生很喜歡淺色閃亮的眼妝,
但千萬記住不要硬加大大粒閃粉效果的眼影唷~
「娘」 & 「潮」只係一線之差!
所以NicNic都苦尋左好耐!
閃亮得來,又有富有光澤感,自然又夠顯色的眼影究竟邊個牌子有呢?!
我最近試左3CE呢盒3色眼影,
真心覺得超正!
尤甚中間果隻色,簡直係無敵!

右手邊的眼影,沾中間的顏色,
塗於整個眼蓋位置。


然後想眼妝帶點紅粉緋緋感覺,
所以特別在眼尾塗上粉紅色,
不過今次我選擇了胭脂代替眼影,
因為顯色度及配合度係最高!


利用粉紅色胭脂於上眼尾位置,
輕輕推開至眼珠位置。
如果想更特別,下眼角位置都可以塗上。


最後記得在眼頭及下眼瞼位置,塗3色眼影中間的顏色做HIGHLIGHT!
雙眼立即BLINGBLING起來,
但又不會太誇張!

STEP 7 & 8
EYE-EYELINER $ MASCARA

CLIO係我經常都用既韓牌,
KILL BLACK已經用第3支啦!
WATERPROOF做得好、夠深色又易畫,就係我鍾情於呢支EYELINER既原因XDXD
而SALON DE CARA既MASCARA就係覺得夠濃黑,
但缺點真係乾得比較慢、如果一心急,
好易就會結一粒粒,
塗既時候要小心!

沿眼皮位置畫一條眼線,
眼尾稍稍向下拉出2-3mm左右。
完成眼線後,塗2層mascara就完成。

STEP 9
CHEEK
因為粉紫MIX粉紅胭脂,
有令皮膚變白既MAGIC功效,
混合使用既比例要2:8,
因為紫色太多,會令皮膚變得太PALE,完全無晒血色,
切記紫色既比例一定要少唷!

今次我會將胭脂在蘋果肌以上位置打橫掃開,
記得要呈長形掃,不要向下推唷!
如果擔心顏色太過深,
可以分2至3次逐層掃上。

STEP 10
LIP-LIPSTICK


最後我選了,珊瑚粉紅色唇膏!
不會太搶,又有紅潤氣息,感覺也很自然吧!

完成!



終於完成了!
真的非常簡單架!
希望大家都會鍾意呢個分享啦!


為左配合呢個韓妝,
仲特登set埋呢個女神CLARA頭,
嘻嘻~成個感覺真係SWEET好多,
啱晒我呢D性感唔到,
只可以扮下CUTE既女人整啊!

MAKEUP LIST


a)M.A.C|RICH LIPSTICK #SMART & SWEET
b)KATE|EYEBROW COLOR
c)ETUDE HOUSE|PRECIOUS MINERIAL BB CREAM BLOOMING FIT #W13
d)3CE|FACE PRIMER
e)CLIO|SALON DE CARA #NO.1 HAIR ROLL
f)CLIO|KILL BLACK WATERPROOF BRUSH LINER #01 BLACK
g)3CE|TRIPLE SHADOW #BODY TO BODY
h)3CE|DUO COLOR FACE BLUSH #CREME DE VIOLETTE
i)ETUDE HOUSE|DRAWING EYE BROW
j)ETUDE HOUSE|DEAR MY BLOOMING CHEEK #OR 201


最後祝大家情人節快樂啊!




2015/02/04

|美容.療程試做|「我要做美腿娃娃」-Elyze脂肪美學專家療程

對於好多女人黎講「你覺得自己肥唔肥?」呢個問題,
我相信問10個差不多有9個半都會答「肥」!對吧?!
就算你是「皮包骨」的都總會為自己找個「肥」的落腳點XDXD
而Nic正正是呢種人,
個子不高的我,體重39kg,
按體重黎講,好多人都會話我瘦……
不過…我絕對唔覺,心裡總是想「如果手臂可以再瘦d、小腿可以再幼d就好啦……」
可是每次說出心裡話時,都會挨罵「你仲減?!升上天架啦~你仲有咩地方減啊?!」
、又或者說「你果d係肌肉黎架,無得減架啦」
靜雞雞跟大家說唷~
其實Nic的小腿&手臂「都幾大隻」架,
只不過平日識得就下角度遮遮掩掩,
大家先唔多覺je~
如果可以的話,能減的,我都想再減d,
尤其係對腳,礙於身高問題,長腿真係無我份,
但點都想個比例好d!
細個既時候試過節食減肥,(哈哈~細個真係蠢XDXD!)
唔食野只會令身體變差,
至於我的小腿會變瘦嗎?!可以說是完全無幫助。

近幾年,試過重點地在小腿位置用一d有助燃燒脂肪的cream、
有firming作用的body spray、
或者幫助血液循環的lotion等等,
不知甚麼原因,總之成效很低!

而做運動似乎令問題更嚴重,
好似更加大隻、肌肉更大舊……(我真想哭呢)
久而久之,我都本著放棄的心態去面對這個問題,
任由唔知係「肌肉」定「脂肪」陪住自己XDXD

不過最近收到Elyze PR的邀請,
令我再從新燃起「減走脂肪」的念頭,
加上上網做過research,
睇返黎既評語都幾正面,
既然自己都搞唔掂~
不如真係試下交俾Elyze啦,
稱得上「脂肪美學專家」我都相信一定有佢過人之處既!
於是膽粗粗接受試做!


WOW~Nic第一次上來位於金鐘太古廣場2座的分店!
一出電梯就已經見到一個好有氣派的reception!
而接待處亦的空間好寬敞呢~
感覺自己好似去左酒店的會所一樣!


梳化及四周佈置令人感到很舒適,
當Nic走到埋去坐既時候,
茶水姐姐以非常親切的笑容及聲線問我飲咩茶,
薄荷茶、紅棗茶、earl grey…等等,


30秒左右
熱茶立即送到,旁邊更有熱毛巾抹手
超貼心呢!


稍等一會,填好基本問卷,飲啖茶,
就已經有治療師出來帶我到consult房間!
整個過程只需要幾分鐘,很有效率!


哈哈~行到consult房間的門口啦!
外面寫著呢句「making someone irresistible」
感覺幾有意思!


打開房門的時候,
感覺幾安全舒適,而且很乾淨!


開始進行療程之前,
先要換衣服!
Elyze已經為每位客人準備好紙內衣褲、拖鞋及棉袍,
我要換衫啦!不要偷看呢XDXD


換好衣服就要開始接受一共3part的療程
「個人健康指數及脂肪分析」、
「RF Circulation活化循環療程」及
「SmoothShape 緊緻曲線激光療程」
希望真的可以幫我處理到最難減既部位啦!
HERE WE GO!

首先做「個人健康指數及脂肪分析」


要做個人健康指數及脂肪分析,
就係靠我眼前呢部Inbody儀器
這部儀器真係好強,
只要雙手及腳底觸及到金屬位置,
就可以測量到我地身體的水份、脂肪、肌肉、骨骼的分佈及比例。
心情好緊張呢,
好想立即知道分析結果!


嘻嘻!!!真係好快~我既分析表話咁快就PRINT左出來,
上面好詳細列明我的身體健康指標!


OMG!
我不是眼花嗎?!
我的測試似乎不太正常,對吧!
差不多全部也是在UNDER水平(我自己見到也有點滴汗)
不過治療師並沒有因為我的奇怪情況而嚇到,
反而跟據數據慢慢分析我的身體狀況!
她告訴我,雖然整體上我的脂肪、肌肉數據是屬於偏瘦,
可是Elyze除左照顧脂肪問題,
其實身形比例亦很重視!
整體要勻稱先叫美!
如果按我的脂肪分佈比例來說,
下半身真的比較多!

大概是因為以前經常坐在office工作的關係,
脂肪最容易積聚,
而Nic最要改善的地方「就是小腿」!
她解釋說,因為小腿位置有一舊很硬橙皮脂肪積聚,
肉眼看上去,就會令人覺得小腿不夠平、直及幼!
嘩!那一刻我完全覺得Elyze的治療師是神啊!
小腿真是我最在意的地方!


完成分析後,
決定好要重點改善的位置,
就要拍下療程前的照片,
以作紀錄!

然後「SmoothShape 緊緻曲線激光療程」正式開始!


你看我的樣子,係唔係好緊張呢XDXD
治療師話,其實NicNic雙腿之所以減極都減唔到,
唔係關肌肉問題,
她話如果係好結實的肌肉,
正常「meet」落去應該係唔會「meet」得出肉,
原來我果d舊野叫做橙皮脂肪,
形成主因有可能係血液循環唔好,
穿得多高跟鞋亦係其中原因之一!
令到脂肪排唔走,仲一直堆積在小腿入面,
漸漸變成一舊硬野,
亦令下半身出現水腫情況,
容易抽筋、腳冰冷問題。
聽完治療師咁講~真係立即解開我多年「不瘦腳之迷」XDXD

而SmoothShape 緊緻曲線激光療程就可以幫到我改善以上問題,
因為佢利用左「激光、光學、滾輪及真空吸啜」四大尖端技術,
重組脂肪的排列密度,塑造緊緻線條。
佢既915nm激光波長能深入皮下15mm,
醫學實證能針對性導向難減部位的脂肪細胞;
而光學技術則有效強化細胞滲透性,提升血液循環,
刺激纖維母細胞增生,提升肌膚緊致度;
機頭更設有滾輪裝置,
透過按摩排走脂肪酸及液態廢物。

都係唔好講咁多,
快D做啦!

(為了保障Elyze的技術秘密,
SmoothShape 儀器我不便公開俾大家睇,
希望大家見諒)


雖然相無得睇,
但我都好想同大家分享下,做的過程&感受!
治療師在我最不平復的小腿位置重點落機,
做的時候我覺得自己好似俾個吸塵機,
不停在小腿位置來回吸啊吸啊XDXD
推的時候會有少少「痺痺地」痛既感覺,不過係正常!
想要有美腿,捱少少苦,
絕對值得!
推完一邊立即紅晒!


治療師做完之後,
叫我立即做2個小測試。
第一就係先屈起小腿貼近大腿位置,
第二就係要試下摸一摸自己隻腳,
WOW~感覺真係變得好柔軟,
而且亦都緊緻平復好多,
屈起隻腳時唔會好似之前咁硬,
無野頂住自己,好正啊!
另外,因為滾輪有吸走死皮功能,
小腿肌膚亦同時變得好滑淨!

最後,就係「RF Circulation活化循環療程 」


做完塑形,推靚左雙小腿之後,
就開始做埋最後呢PART活化循環療程啦!

治療師先在小腿上塗勻油,
然後利用射頻槍在上面不停打圈,
熱力便不停由小腿入面滲出來!
感覺很神奇!
原來呢個係Elyze的專利科技,
能將單極射頻深入皮下20mm,
再令真皮層產生45°C熱力,
 有效提升循環效率,同時緊緻去紋,加快排脂速度!


做完之後,治療師更為我輕按小腿,
按摩一下治療位置,
全個人的血液循環好似非常好咁,
感覺好似俾人通左一次淋巴~
真係好爽好舒服XDXD
估唔到第一次做身體的TREATMENT,
就有一個咁好回憶!


終於完成啦!
好心急想知道成效如何……
係唔係真係可以立即見到成果!

登登登!
我覺得成對腳果然比之前直左,
側面睇果舊肌肉亦都平左呢!
跟左我咁多年的朋友,
真係可以送得走佢!好正啊!


俾多次BEFORE & AFTER大家睇下先
雖然做完之後,小腿位置有d 紅紅地,
但真係做一次就已經有咁明顯既效果!
好想可以keep住做多幾次呢!


完成晒所有療程之後,
治療師會安排我地坐在呢度休息一陣,

望住個咁靚既環境,
身心都好舒暢!

最surprise係佢地做完之後,
無即刻趕我地走,
而且仲會準備埋tea & cupcake俾我地!
wah~呢個服務真係無得頂!
十個讚啊!

分享左咁耐,
成篇blog一直提住既治療師就係佢啦^^
charlie真係好好!
分析詳盡又細心,
成個過程不斷問我身體情況,
叫我如果太痛有唔舒服就要出聲,
好照顧每位客人的需要
令我對成個療程充滿信心!


好啦~做完之後第2日,
即使係冬天我都已經急不及待,
要showshow成果XDXD
原來不用靠美圖秀秀
也可以做到「美腿娃娃」!

P.S.
如果大家也有很在意的地方,
不妨親身感受一下Elyze脂肪美學專家療程威力啦!