唔經唔覺由陀B到生B已經有年半時間喇～一向貪靚嘅Nic知道自己有咗之後，最擔心嘅事唔喺生仔，而喺怕變〝大肥婆〞，見住自己條腰由22吋變3X吋⋯真喺好驚架！幸好〝大肥婆〞呢個惡夢暫時冇發生喺Nic身上，但始終生過BABY⋯⋯身型無冇走樣就一定呃人嘅。每日湊住小朋友＋餵人奶＋返工，長期唔夠瞓、亂食野、加上零運動嘅情況下，莫講話想搵返未生前嘅身型喇～就連身體亦差咗⋯好易頭痛胃痛，背部、關節更出現痛症問題！唉⋯我明女人想靚真喺唔可以懶⋯我真係明架⋯⋯但點樣先可以健健康康又減到肥，仲可以輕鬆修靚返個身型呢？唔通真喺要「做機」、「縮胃」先搞得掂？有無人可以教下我啊？？？可能nic嘅決心傳到【德善健康管理】PR耳中XD佢哋話有個「二師會診」療程想邀請我做，話可以幫到我健康減肥喎～！既然飛雲嚟啦～我無理由唔把握架！一於gogogogo喇！正式上去之前，nicnic都做過少少research，原來個「二師」係指中醫師和營養師
“中西合璧〞幫助客人管理健康。嘩～成件事好PRO！2個對1個喎～又中醫師又營養師好似好誇咁，但咁premium地減肥我真喺未試過！好～一於殺上去【德善健康管理】銅鑼灣分店，會一會呢隻「德善小白熊」先！
終於上到去啦～第一感覺我喺有啲緊張嘅，可能傳統中醫俾我嘅感覺喺好嚴肅⋯⋯平時紮紮跳嘅nic都唔敢太放肆。登記咗個人資料後，就要同中醫師會面喇～
老實講，呢次算喺nic嘅第一次睇中醫！媽啊～我好緊張啊～見到門口掛住醫師個名牌〉「李淼鋗」⋯⋯嘩～諗咗幾秒先意識到個名應該點讀，然後即係幻想「阿醫師」應該喺有返咁上下年紀嘅嬸嬸入嚟幫我把脈（希望醫師唔好嬲我咁樣形容佢XD講下笑咋)
哈哈～打開門啦～佢喺個幾有仙味嘅註冊女醫師嚟架XD佢講野時好斯文又溫柔！（佢一行入嚟即刻洗走晒我之前擔心嘅野）講返正經先，李醫師呢PART
主力喺幫我診斷及改善身體機能，可能你會問即喺點？當時我都有同一個疑問⋯原來第一步就喺會先了解我嘅身體情況，有冇出現咩問題，其實我最近成日頭痛胃痛，就喺因為長期夜瞓、食煎炸、辣野、生冷野、飲凍野多，引致肝火盛，肝鬱，引致脾胃差，
嘩～李醫師好厲害！一野就道出我嘅問題根源。
醫師話如果我想健康減肥⋯⋯首先就喺要調理好個身體！
依家我肝鬱脾虛啊，建議要健脾疏肝，以及戒除上面嘅壞習慣，
身體就會慢慢健康起來，自然有助keep好身型！
睇完中醫後⋯就要同營養師見面啦！
大家估吓呢位營養師又靚唔靚呢～XD
嘻嘻～原來【德善健康管理】嘅營養師同中醫師都一樣都好靚架，而且身型個個都好FIT，不其然令我好有信心將自己交俾佢！其實呢一PART，營養師主力就喺教我健康飲食、運動建議及體重管理。啊～真喺唔講唔知，營養師仲有另一個身份，就喺健身教練喇，佢有健身教練牌㗎，喺咪好犀利呢XD⋯不過正式開始治療前，佢又幫我做咗個身體脂肪分析，再詢問我嘅飲食習慣以及身體狀況並進行評估。
正所謂唔CHECK唔知身體好唔好⋯CHECK完等聽報告分析就好驚驚！既然豁咗出去，就勇敢啲面對啦！營養師話齋睇磅數》92磅一啲都唔肥，而且整體脂肪%亦唔高，肌肉量%低，看似喺無減肥既需要，但原來再細睇脂肪分佈先知nic都有中央肥胖嘅問題，即喺脂肪主要集中積聚腰間、肚嘅位置～OMG！！我喺啲屬於蘋果身型！！！堅喺嚇我一跳！聽完分析我有幾秒空白咗完全諗唔到野囉～
呢個時候營養師出手啦！佢用一個好專業嘅TONE安撫我，話其實作為一個剛生完BABY嘅女人嚟講，我嘅脂肪指數已經好靚⋯只喺差少少⋯就喺中間呢個位！有一點要我記住磅數不代表一切，想身型靚⋯應該要睇夠唔夠肌肉量，「鬆POUPOU」望落去梗喺肥好多喇，反而將佢練成肌肉，夠FIRM望上去成個身型靚晒！佢建議我食多啲蛋白質食物，增2.5-3磅（好似盒奶咁大XD），再透過運動去鍛練肌肉呢！好啦～正式做運動了嗎？！
未啊～做之前營養師化身健身教練用紅外線幫我CHECK埋站立時姿勢有冇問題，從而糾正番！
呢個環節～雖然簡單但一眼就睇到我有少少寒背、肚好似外星人咁兜咗向前XD～〝教練〞即時糾正我錯嘅姿勢，要我將條腰同大脾向後傾少少，背部打返開～包我成個人會高返啲同個肚腩都會收返入去～真喺好正啊！戲肉嚟啦～〝教練〞集中教我做一套修腰修肚修臀嘅動作！
諗諗吓～nic大大話有成年無點運動過～起初啲筋骨真喺好緊～好彩教練從旁指導，唔會夾硬嚟，又唔會由我自生自滅，反而會因應我嘅情況同能力俾最合適我做嘅動作去做，呢啲咁PREMIUM嘅享受，只有「一對一」療程先體驗到。我咁大個女真喺第一次試咁樣上堂咋，原來咁正架！
全個過程好舒服又做得開心～無壓力做得好輕鬆！
連肩膀痛、小腿筋都教埋我點樣拉鬆佢，湊得BB多，依家拉鬆咗成個都舒服好多
總之，今次【德善健康管理】二師會診對nicnic嚟講真喺一個好好經驗，令我多認識自己，了解自己問題再慢慢改善，中醫不再OLD
SCHOOL～做運動也可以好輕鬆，減肥不一定要減磅XDXD簡單但最有效，而且返屋企都一樣做到嘅動作，我應該可以持之以恆去做！德善小白熊」大家都可以試下唷！
P.S.【德善健康管理】嘅PR超貼心，知道nicnic手指關節因擠人奶原故，開始出現關節痛症問題，臨走時特別送我小禮物，咪睇佢咁普通啊，”LOOK”啲關節時好爽架～真心正！多謝你啊～我會努力架！
是次療程試做由品牌提供
療程效果因人而異
【德善健康管理】
地址：
香港銅鑼灣百德新街57號海華大廈3樓B室
(電話:
28829882)
香港尖沙咀堪富利士道12號宏貿發展大廈16樓A-B室(電話:
2368 3238)
